1 Reyes 19:5 - Dios Iwene

⁵ Ikenama, jejenö abebajo̧, nijinö bamatö abibinobe. Jemi ikenama, abemi ja'ötjö, Dios weökwe angelma öwawachö, jo̧banö mabö iwiludinobe, ja̧danö wiludajo̧ Eliasnö weinobe, —A̧la̧ibö kwukwo, —jö̧ba̧lö.

1 Reyes 19:5 ပူးပေါင်းရင်းမြစ်များ

1 Reyes 19:4

ja̧danö jemi tupakwö jojodö deobe jo̧dawa'ye i̧'yinobe, bakwöta möle baledibanö. Möle baledibanö jojodö deobe kwebachajo̧, arbusto towi ösadalena öbamatinobe. Jobe bamatajo̧, ö'wö baibotö jö̧ba̧lö Isabenö Jo̧nö aebinobe, —Chuluwo̧ Isabenö Jo̧, tjo̧wita, chö̧ji̧ chöpöjödachibajabe, tjo̧wi ötjönö kwabö loköbobö atebakwö. Jau chuluwo̧, cha'dödö tjotiwi̧tjö bajalekwönönö otiwö̧kö̧sa ötjöma, ja̧danö ö'wö babibajadö tjö̧ji̧danö, ida̧ökö ötjöbi ö'wö batibobö chösöda, kwabö loköbotjö, —jö̧ba̧lö aebinobe.

1 Reyes 19:6

Weökwe, wilubajo̧ edinobe Eliasma, ja̧danö uu pjeanö, ökwöla ubi̧ ö̧'iya wame pan balawobe edinobe, ja̧danö ojwiyosa̧pja̧ edinobe. Edajo̧, kwanöbi ukwinobe, jadanö owöbi owinobe. Ikenama, kwajo̧, yemidanö abibinobe.

Daniel 8:19

Ja̧danö, a̧lapedajo̧, ötjönö yöawinobe baikwö: —Ökwönö labebö lobö yötawobö chichajabe, Dios böjȩ jojodönö ödameakwobetjö̧ baledakwa̧ jawama. Biya̧ baledakwa̧ma, 'dö̧ibaji̧ möle böjȩ 'dö̧ibakwa̧ abönö baledakobe.

Daniel 9:21

Ja̧danö, jejenö budekwö abebö chö̧jayi, Gabrielma, ajayinö chi̧'wi̧dinö chedinökwe ángelso̧ma juluwanö köbibö chö̧jobekwö ichinobe, yi̧benakwö möletenia Diosnö iyawa tjiyena jenanö.

Hechos 12:7

Ikenama Pedro jejenö abonö omönanö öwawachijetö Duluwo̧ weajökwe ángelma. Öwawachena dewinö dejatijetö Pedro ö̧bȩko̧ okwama. Jo̧ba ángelma Pedronö ometupanö 'dobö wiludijetö.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Hebreos 13:5

Ja̧danö, ju'wibi yötawaduwakwö. Balada kwujuna̧laduwi̧dama omukwatö kwö̧jaduwoko chömöledö. Otiwanö omukwataduwi tjo̧wi̧ kwujuna̧laduwi̧ma, ju'wi jawabi, ju'wi jawabi, kabatökönö kwemaduwobö omukwatökönö. Chömöledö, ökwödöma jwiinö mikwawinö ji̧ juna̧ladöja, Diosma ökwödönö ile niebobetjö̧. Kwomukwataduwo Dios ökwödönö yöawina. Baikwö laebobe Dios iwenetjöma, iteda yöawina: Ökwödönö la'akatjöda le'dedibö chȩwa̧jökakwo̧sa. La'akatjöda ökwödönö katatibökakwo̧sa. Jejenö laebobe Dios iwenetjö, Diosma ba̧kwȩlö̧jatebö ökwödökwö jo̧, jö̧ba̧lö.