1 Reyes 19:13 - Dios Iwene

¹³ Iwene ökwöi̧ a̧ja̧kwajo̧, Eliasma öba umuchekwinobe ö̧ka̧miji̧do̧ wamesa̧do̧nö, ja̧danö labebö, ötöla teachawemi a'o öjamatinobe. Ja̧danö, bakwo̧ iwene ökwöinobe, —Elias, tajawedö bai kwö̧jobeda? —jö̧ba̧lö.

1 Reyes 19:13 ပူးပေါင်းရင်းမြစ်များ

Génesis 16:8

Jo̧ba ángeldanö ichejekwö öwawachajo̧, Isabenö Jo̧ Diosma abebö a̧ja̧kwijetö Agarnöma: —Agar, Sarai jömöayujuma ¿detjö kwichaja̧da? Ja̧danö ¿dai kwi̧'ya?— abebö a̧ja̧kwijetö jobujunöma. Jejenö abebö a̧ja̧kwoko atadijotö: —Chuluwuju jö̧jelö dötibaja— atadijotö Agarma.

1 Reyes 18:42

Weökwe, ba'ali ukwobö, ja̧danö owobö i̧'yinobe Acabma, ja̧danö Acab ba'ali ukwonö, Eliasma Carmelo mösa'o wa̧pekwa'obe önöchinobe, ja̧danö nijinö, u̧yu̧kijunö ja̧nö, öba nijakwö, öba u̧yu̧ju̧kijunö waneba̧lö bȩachibinobe, Diosnö abebö.

1 Reyes 19:9

Ja̧danö, Sinai mösa'obe ichibajo̧, inawa ötöla okwa teachinobe Eliasma, ja̧danö ötöla okwa abinobe ja̧ yö̧te. Jemi ikenama, inawa ötölanö ö̧jemi ja'ötjö, Isabenö Jo̧ma iteda yöa̧li̧ yöa̧linobe Eliasnö, —Elias, tajawedö bai kwö̧jobeda? —jö̧ba̧lö.

2 Reyes 2:8

Ja̧danö, ojwe ö'öbö ichibajadö, Eliasma ökamijido̧ wa̧mesa̧do̧ 'bo̧dibö, ojwenö kwainobe, ja̧danö kwaenama, ö'wejenö 'da̧bachibö bakwachobebi, bakwachobebi lamatinobe, ö'wejenö mana kököama lamatinö. Ja̧danö, Eliasbi, Eliseobi mana kököamabenö tjöbaledinobe, ojwe bakwachödöbe.

Éxodo 33:23

Chöbaledaja̧ ikena chömamu katekwocha, choma'ada kwedinö. Jo̧kwaijayonö chöba kwedökakobe.

Isaías 6:2

Ja̧danö jo̧ba öba a'o wamekwöchobe, ömöayedö serafines ötjabawö̧ tjuluwo̧nö tjiteada̧lobe chedijatö. Jobadö serafinesbedöma, tjöwa̧japa jelemutjö bakwapa̧ juna̧ladönö chedijatö, ja̧danö tjuluwo inesö otiwiawö̧, dö̧pa̧latajanö tjöba muchekwö tjö̧jobe chedijatö, ja̧danö dö̧pa̧latajanö tjömasapiya muchekwö tjö̧jobe chedijatö, ja̧danö dö̧pa̧latajanö kötjobe chedijatö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Hebreos 11:37

Ja̧danö ju'wedönö, Diosnö tjo̧'wo̧ wana̧ladönöma inawiya tjikwawinobe. Ja̧danö, ju'wedö Diosnö tjo̧'wo̧ wana̧ladönöma bulabinö lotjinobe, ja'ösedönöbi. Ja̧danö, ju'wedö Diosnö tjo̧'wo̧ wana̧ladönöma kwölöte ödöötenö dodobö lotjinobe. Ja̧danö, ju'wedö Diosnö tjo̧'wo̧ wana̧ladöma yelösöda jwibinadö. Jobadöma usulasedöda kwetjachinobe obeja i̧sȩdo̧tjö, chiwo i̧sȩdo̧tjö otikwado̧da 'dubawö. Jejenö tjuju̧kwinobe usula emawö inia tjötjinö ja̧tjawö̧.