1 Reyes 19:12 - Dios Iwene

¹² Ja̧danö niji tjö̧awaja̧ ikenama, ökwöla ubinobe, jo̧kwaijayonö Isabenö Jo̧ inesö ö̧ji̧ma, ökwöla okwa ö̧jinokobe. Jemi ikenama, bakwo̧ iwene tjo'omanö ökwöinobe.

1 Reyes 19:12 ပူးပေါင်းရင်းမြစ်များ

Génesis 15:17

Ja̧danö, jawo̧ meajena jwiinö yȩatibajena, Abramma baikwö edijetö: Omönanö öwawobe uliyu ubajayubi, ja̧danö, öjiya ubi̧ öjiyabi edijetö. Ja̧yu uliyu ubajayu, ja̧ja öjiya ubi̧ öjiya Abram 'da̧chawö ödajawö̧ wobadö tjö̧ba̧jemi 'da̧denö 'ya̧nö baledobe edijetö.

1 Reyes 18:38

Jejenö aebenama, Isabenö Jo̧ma mölejebetjö ökwöla weinobe, ja̧danö weaja̧ ökwölama jwiinö ubinö iyawabi, imibi, inawiyabi, nijiso̧pja̧bi, ojwiyobi jwiinö ubinobe, jwiinö baibenanö.

2 Reyes 1:10

Weökwe, —Dios yöawi̧ yöbawo̧sa, ja̧danö jo̧ba yöawi̧ yöbawo̧ chö̧ji̧ i̧sȩkwa jawa baikwö yötawakwö, mölejebetjö ökwöla meibobö jo̧be, ja̧danö ökwönöbi, kwömöayedö cincuentabedö ölakwabikwawadönöbi juwö loobö jo̧be, —jö̧ba̧lö atadinobe, ölakwabikwawadö tjuluwo̧nö. Ja̧danö yöawaja̧danö, mölejebetjö ökwöla mebibö, jo̧banöbi, ömöayedö cincuentabedönöbi juwö loinobe.

2 Reyes 2:11

Ja̧danö, jemi ikena, jemi tupakwö kwebachö, yötja̧lakwawemi ja'ötjö, jobadönö 'da̧batö junö, juluwanö tjö'wejenö ökwöla, kabayudödanö, ja̧danö kolukadanö ichejekwöla baledinobe. Ja̧danö, jemi ikenama jwa̧le'epjo labinö jalawapjoma Eliasnö kabeibö e'ewinobe, mölejȩbe.

Diosnö ösödo̧ Job mikwo̧ usula emawina jawa 33:7

jo̧kwajabetjö̧ ötjönö yekaboböma jwiobe. Yebabökönö ötjönö kwatadobö ja̧kobe. Jau Job, labinö ökwönö yöta̧lökakwo̧sa, dösölö̧jinö yöta̧lakwo̧sa.

Diosnö ösödo̧ Job mikwo̧ usula emawina jawa 4:16

Ikenama, chöbajale a'o baledajo̧, isapjonö kwebacho̧ma chöba a'o öjamatobekwö chedatö, ja̧danö chi̧'wi̧dinö, jo̧banö chedijayonö, otiwanöma chedökötö, dakwö ichejekwo̧jö jö̧balö. Jau, 'wiinö chöba a'o ö̧jinobe, ikenama 'wiinö ö̧jajelö, tjo̧'omanö yöa̧lobe cha̧ja̧kwijatö, baikwö yöa̧li̧ma:

Éxodo 3:2

Ja̧danö, baikwö baledijetö: Isabenö Jo̧ma ángeldanö ichejekwo̧ öwawachijetö Moisésnö, ösötje okwatjö ökwöla ubi̧danö ubinö. Moisésma jötje edinö ¡ayö! ötjema ubijayonö ubö lokötjeda ja̧, jö̧ba̧lö eda̧lijetö.

Éxodo 34:6

Ikenama Moisés öba a'o baledö baikwö jwöbijetö: Ötjödasa Isabenö Jo̧ma, ötjödasa Isabenö Jo̧ma. Ötjödasa lȩlö̧jinö edo̧ Diosma, ja̧danö, dö̧sölö̧jinö edö pjabato̧ Diosma. Ja̧danö, ötjödasa jojodönö juluwanö cho̧'wo sulinö edö̧kö̧ Diosma. Ja̧danö, ötjödasa jwiinö ile nibebo̧ Diosma, balewachökönö. Ja̧danö, ötjödasa yöbawö chujuni̧danö ja̧bo̧ Diosma.

Hechos 2:2

Ikenama jeju okwa tjö̧bajonö omönanö mölejȩbetjö ichö ökwöijetö jwa̧lȩ'epjo, labinö ichobe ökwöi̧danö. Jejenö ichi̧ma tjeju okwabi labinö ökwöijetö okobe jwiinö.

Deuteronomio 4:15

Tupakwö yöawinobe Moisesma, israel jojodönö: —Chömöledö, ja̧ möle Isabenö Jo̧ Sinai mösa'otjö yöawina möle kwomukwatibaduwo. Ja̧ möle ökwöla okwatjö Isabenö Jo̧ ökwödönö yöawenama, iteba'o kwedinaduwokobe, sule iwene ökwöi̧da kwa̧ja̧kwinaduwobe, jö̧tö? Jo̧kwajabetjö̧ ja̧ jawa omukwatö, teada̧lönö ja̧nö kwö̧jaduwo,

Deuteronomio 4:33

Jau chömöledö, Diosma ökwöla okwatjö ökwödönö yöawinobe, ja̧danö jejenö yöne ja̧nö yöawijayonö, ina 'yaka̧laduwobe, jö̧tö? Okobe deinö ju'wedö bö̧je jojodötjö, jeleso jojodö, Dios ökwöla okwatjö yöa̧li̧ a̧ja̧kwajadö, ina yaba̧ladö tjö̧jibinaji̧? Deobe, ökwödö israel jojodöda chömöledö.

Hebreos 12:29

Isabenö, jejenö dö̧jobö jo̧be chömöledö, Dios ölabi̧ma jwiinö juluwi̧, ökwöla nöola labinö ubi̧danö juluwobetjö̧.