1 Reyes 18:42 - Dios Iwene

⁴² Weökwe, ba'ali ukwobö, ja̧danö owobö i̧'yinobe Acabma, ja̧danö Acab ba'ali ukwonö, Eliasma Carmelo mösa'o wa̧pekwa'obe önöchinobe, ja̧danö nijinö, u̧yu̧kijunö ja̧nö, öba nijakwö, öba u̧yu̧ju̧kijunö waneba̧lö bȩachibinobe, Diosnö abebö.

1 Reyes 18:42 ပူးပေါင်းရင်းမြစ်များ

Génesis 24:52

Jobadö yötja̧li̧ a̧ja̧kwö Abraham ömöayo̧ma öba bȩbachibijetö nijakwö, Isabenö Jo̧ Dios öba a'otjö, Otiwanö pjakatajabe, jö̧ba̧lö.

2 Samuel 12:16

Jejenö balediökwe, Davidma Diosnö aebinobe itji̧nö, ja̧danö Diosnö abebö, u̧kwa ö̧tö̧chö, yö̧te baledibanö nijinöda ö̧binobe, Diosnö abebö.

1 Reyes 18:41

Jemi ikenama, Eliasma Acabnö weinobe, —Ida̧ökö ojwiyo labinö o̧bakwa̧ ökwöi̧ cha̧ja̧kwa, jo̧kwajabetjö̧ ba'ali kwukwajo, ja̧danö kwowajo, —jö̧ba̧lö.

1 Reyes 18:43

Ja̧danö, Eliasma iteda ömöayo̧nö weinobe, —Jwaibalawa lo̧bekwö kwedobö 'ya̧wi, —jö̧ba̧lö. 'Ya̧nö edajo̧, tjebachajö yöawinobe Eliasnö, —Jwia, chedökö, —jö̧ba̧lö yöawinobe. Yöawökwe, yemidanö edö i̧'yobö weinobe, jelemutjö dötölatajanö baibanö.

1 Reyes 19:13

Iwene ökwöi̧ a̧ja̧kwajo̧, Eliasma öba umuchekwinobe ö̧ka̧miji̧do̧ wamesa̧do̧nö, ja̧danö labebö, ötöla teachawemi a'o öjamatinobe. Ja̧danö, bakwo̧ iwene ökwöinobe, —Elias, tajawedö bai kwö̧jobeda? —jö̧ba̧lö.

Diosnö ösödo̧ Job mikwo̧ usula emawina jawa 37:11

Ojwiyo emö, ojwiyo'wo okwa ano̧ Diosma, ja̧danö ojwiyo'wotjö böba dejatinö kwaobö webo̧.

Isaías 38:2

Jobekwö yöawiökwe, o̧'wo tjo̧achö, tjöekwemi jo̧bekwö edö öjalachibinobe Ezequiasma, ja̧danö o̧'wo tjo̧achö aebinobe Isabenö Jo̧nö:

Isaías 6:2

Ja̧danö jo̧ba öba a'o wamekwöchobe, ömöayedö serafines ötjabawö̧ tjuluwo̧nö tjiteada̧lobe chedijatö. Jobadö serafinesbedöma, tjöwa̧japa jelemutjö bakwapa̧ juna̧ladönö chedijatö, ja̧danö tjuluwo inesö otiwiawö̧, dö̧pa̧latajanö tjöba muchekwö tjö̧jobe chedijatö, ja̧danö dö̧pa̧latajanö tjömasapiya muchekwö tjö̧jobe chedijatö, ja̧danö dö̧pa̧latajanö kötjobe chedijatö.

Daniel 9:3

Jejenö iwȩyudina yöba̧lajo̧, chuluwo̧ Isabenö Jo̧ Diosnö budekwö atebijatö ökwödönö pjaatobö. Ja̧danö cho̧'wo̧ tjo̧achi̧ma Dios öba a'otjö öwawakobetjö̧, chu̧kwa ö̧töchö, kamijido̧ epju̧yunö kalukaa̧do̧ 'dubawö, ökwölaso̧pja̧nö ba̧nö atebijatö, isabenö chömöledö Israel jojodönö o̧'wo̧ tjo̧acho̧sa jö̧ba̧lö.

Daniel 9:7

Chuluwo̧ Dios, isabenö ba̧kwȩlö̧jatebö sulabenö ja̧bökönö bakwainö otiwanö ja̧bo̧ja chuluwo̧, jo̧kwaijayonö jejenöma ja̧böködösa ökwödöma, ja̧danö sulabenö ja̧badödobetjö̧ isabenö kwöba a'otjö tabakwö dö̧jobö jo̧be. Okobe deinö ökwödö Judá jojodö jejenö dötabakwobö jo̧be, Jerusalénnö ju̧kwadöbi, okobe deinö Israel jojodö Israel nijinö ju̧kwadöbi, ökwödö jelobetenia ödö dipjelekwachibanö ditebotjö a'dewö loköbinawö̧bi, ökwönö kabatibadödobetjö̧ isabenö kwöba a'otjö dötabakwobö jo̧be.

Mateo 14:23

Jojodö tjȩwa̧jobö weaja̧ ikenama, Jesúsma jo̧dawa'ye mö'ösa'obe önöchinobe, jo̧dawa'ye Diosnö aebobö. Yö̧te baibanö, Jesúsma jobe jo̧dawa'ye ö̧jibinobe,

Marcos 14:35

Ikenama jemi tupakwö 'ya̧jo̧ nijinö de'bo'bonö bamatö Abe'do Diosnö budekwabijetö: —¡Papayu. Ötjöwe!— budekwabijetö—. Ökwö kwösöditjö̧ma biya̧ ötjönö baledakwa̧ma baledökönö pjabati— budekwabijetö.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Hechos 10:9

Ja̧danö, ju'wi dewachö, jweinö ö̧jena, jobadö 'ya̧jadöma Jopetjöma yöneawachibobe 'yi̧jadötö. Yöneawachibobe tjichena Pedroma Diosnö abebö mö nöchijetö o̧do wame. Jobadö tjichakwa̧ma wajwibijetö Pedroma.

Josué 7:6

Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.

1 Samuel 12:18

Jejenö yöbawajo̧, Samuelma Isabenö Jo̧nö aebinobe, ja̧danö aebaja̧danö böbabi, o̧jwiyobi weinobe. Jejenö balediawö̧, jwiinö yetjaibinobe israel jojodöma, Isabenö Jo̧nöbi, ömöayo̧ Samuelnöbi yetjaibanö.