1 Reyes 18:3 - Dios Iwene

³ Ja̧danö, kököachibiökwe, Acabma iteda ömöayo̧ Abdias mikwo̧nö jwöinobe, meje'ye jȩmi isakwakobetjö̧. Jo̧ba Abdiasma, Acab eju teada̧lakwawa luwo̧ ö̧jinobe, jo̧kwaijayonö Acab yö̧ne ömöayo̧so̧ ö̧jinayonö, otiwanö yebabinö Isabenö Jo̧nö ösödö ö̧jinobe Abdiasma. Baikwö laebobe Abdias Diosnö ösödi̧ i̧sȩbina wenema:

1 Reyes 18:3 ပူးပေါင်းရင်းမြစ်များ

Génesis 22:12

Ja̧danö, ángelma jö̧ba̧lijetö: —Abraham, ¡kabati! ¡Kwitji̧nö 'wibebö lobökönuwi! Babema ötjö weti̧ a̧ja̧kwö kwitji̧nö, jo̧dawo̧nö ö'wiawökönö ötjönö kwiyobe chedobetjö̧ chöwaisa, ökwöma ötjönö kwo̧'wo wa̧na̧lö ösödo̧ja, jö̧ba̧lö— jö̧ba̧lijetö ángelma.

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

Génesis 41:40

Jo̧kwaobetjö̧ ökwönöda chujunocha ötjö chömöayedö chejunö otidadö tjuluwo̧ baibanö. Ökwö kwujuluwemi o̧penönö juluwo̧ma deakobe. Ötjöda, bemi la'aka luwo̧ma ökwötjö o̧penönö inesö jo̧sa— jö̧ba̧lijetö faraónma Josénöma.

Génesis 42:18

Wa̧pötakwa möle baledibajena ömöayedönö webijetö öpöedönö tjichejebobö ö̧jobekwö. Ichajadönö jö̧ba̧lijetö: —Ötjöma Diosnö yebabo̧sa, ja̧danö, jo̧banö jweinö omukwatö jo̧sa. Jo̧kwaobetjö̧ ötjö weti̧ kwa̧ja̧kwaduwitjö̧ma kwö̧jibaduwinö pjatatena.

1 Reyes 16:9

Jemi ikenama, ömöayo̧ Zimri mikwo̧ma uluwo̧ Elanö kwabö loobö omukwatö ujuninobe. Ela ömöayedö kolukiyanö ölakwabikwawajadö tjuluwedö la'aka luwedöma duju̧taja tjö̧jinobe, Zimri mikwo̧ma jobadötjö ja'ö la'aka luwo̧ ö̧jinobe, ja̧danö jelo̧ ju'wedönö webö ö̧jinobe. Ja̧danö, baikwö laebobe Zimri Elanö kwabö loina wenema. Ju'wi möle Elama iteda ömöayo̧, eju teada̧lakwawa luwo̧ Arsa mikwo̧ ejunö ö̧jinobe, ja̧danö Arsa ejunö ja̧nö, nöinö o̧walinobe Elama, jwiinö 'dukwachökwe baibanö.

1 Reyes 18:12

Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

1 Reyes 18:2

Weökwe, Acab öba a'o öwawachobö i̧'yinobe Eliasma. Ja̧ möle baledi̧ baikwö laebobe. Lekwe ojwiyo o̧bokobetjö, nöinö a̧wi̧chi̧ lö̧jinobe Samaria comunidadtjö.

2 Reyes 4:1

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Diosnö ösödo̧ Job mikwo̧ usula emawina jawa 28:28

bö̧jȩ jojodönö yöawinobe baikwö: –Isabenö waisanö omukwatakwawa waisadöma, Isabenö Jo̧ Diosnö yebabinö omukwatö ösödadöda, ja̧danö isabenö waisanö omukwatakwawa okwa jawa waisachibadöma, sulabenö ja̧awa öpöjödö kabatibadöda, –jö̧ba̧lö yöawinobe Diosma, —Job yöa̧linobe.

Proverbios 14:26

Ja̧danö, ju'wibi yötawa: Isabenö Jo̧nö yebabinö omukwatö jo̧ma o̧'wo̧ ösöwanö jo̧, Isabenö Jo̧ma ötjönö te'ada̧lo̧ jö̧ba̧lö. Ja̧danö, jo̧ba i̧tji̧mu̧nöbi te'ada̧lo̧ Isabenö Jo̧ma.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.

Hechos 10:2

Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Hechos 10:35

Bakwo̧, jelobe jo̧bi jelobe jo̧bi, Diosnö yebabinö omukwato̧nö Diosma otiwanö edobe—yöbawijetö—.