1 Reyes 18:28 - Dios Iwene

²⁸ Jwöiawö̧, ajayitjö bajalekwönönö labinö jwötjeba̧linobe, ja̧danö ja̧bajitjadanö, kwölöte'onöbi, i̧sa̧pi̧nöbi tjosolekwinobe, tjökwösobu ku̧kwi̧nö, —Duluwo̧ Baal, adebi̧ kwa̧ja̧kwo, —jö̧ba̧lö.

1 Reyes 18:28 ပူးပေါင်းရင်းမြစ်များ

1 Reyes 18:27

Ja̧danö, möle ja'ö baibenama, Eliasma jobadönö obö yöa̧linobe, —Kwösödaduwökwe Baalnö labinö jwököbaduwo. Kwösödaduwökwema isabenö diosbo̧, jö̧tö? Jo̧kwajabetjö̧ labinö jwökeba̧laduwo, ökwödönö a̧ja̧kwakobetjö̧. Babema omukwatö ö̧jenaö̧kö̧, 'yo'obö ö̧benaö̧kö̧, jelobe kwebachö ö̧jenaö̧kö̧, a̧ba̧lenaö̧kö̧, labinö jwökeba̧laduwo, jo̧banö kwiwiludaduwakobetjö̧, —jö̧ba̧lö Baal yöawi̧ yöbawadönö obö jwöinobe Eliasma.

Isaías 44:17

Ja̧danö ujuwemi ji̧ba'otjö, iteda ösödakwo̧ diosbo̧nö, o̧'wo jawa otido̧, ja̧danö otidajo̧, bȩbachibö ösödo̧. Bȩbachibö ösödö abebo̧, —Ökwöma chösödökwe diosbo̧ja, chö̧jibinö pjabatitjö, —jö̧ba̧lö abebo̧.

Marcos 5:5

Ja̧danö, jo̧bama yelösöda sulabenö ji̧abijetö. Ba̧kwȩlö̧jatebö, mölebi yö̧tebi mö'ösa'obebi i̧lȩdo̧bebi labinö kwebachibö jwöbeba̧lijetö. Ja̧danö, itedada inawanö 'do'dobakwawö kwebachiabijetö.

Marcos 9:22

O̧'wo̧ luwo̧ sulabo̧ jo̧ma chitji̧nö kwabö lootö jö̧ba̧lö kabatökönö ökwölanö meoböbi, ja̧danö, ojwe okwa mebö oibanö ja̧oböbi ja̧ökwe. Jo̧kwabetjö̧ ökwönö ateba: Chitji̧nö lȩlö̧jino edö pjabati. O̧'wo̧ luwo̧nö sulabo̧nö a'dewö lobi, a'dewö loawama kwöwaisitjö̧ma—abebijetö tjemu abe'doma Jesúsnöma.

Deuteronomio 14:1

Tupakwö yöawinobe Moisesma, israel jojodönö: —Chömöledö, ökwödö israel jojodöma kwuluwo̧duwi Isabenö Jo̧ Dios itji̧mubedöja. Ja̧danö, jo̧ba itji̧muköbaduwobetjö̧, o̧'wo tjo̧achö 'wikekwaduwoböma jwiobe, ja̧danö kwöwö'yeduwi kwöbasa'ye jwobö loköbaduwobö jwiobe, kwömöledö debö 'yi̧nadönö kwo̧'woduwi tjo̧achi̧ i̧sȩböma.