1 Reyes 18:12 - Dios Iwene

¹² Jejenö yötawoböma yetabi chuluwo, baikwö yöta̧la, Acabnö yöbawö chi̧'yaja̧ okobe, Isabenö Jo̧ o̧'wo luwo̧ma jelobekwö ökwönö öibakwo̧, wajwitobekwö. Ja̧danö, Acabnö yötawaja̧ okobe, ökwönö öbadekwajökötjö̧ma, –Omöna yöba̧lo̧ja, –jö̧ba̧lö ötjönö kwabö loakwo̧ Acabma. Jobekwö suli̧ kwöwaedokotjö chuluwo̧ Elias, ötjöma Isabenö Jo̧nö yebabinö ösödo̧chobetjö̧. Jau Elias, tjemubayo̧ chö̧jinemi baikwöma, bakwelöjatebö Diosnö ösödo̧sa, Acab ötjönö kwabö loobö kwisakwoko chuluwo̧.

1 Reyes 18:12 ပူးပေါင်းရင်းမြစ်များ

1 Reyes 18:11

Ja̧danö, babema ötjönö weköbajabe, –Kwuluwo Acabnö yöbawaji, Eliasma bai ö̧jobe, –jö̧ba̧lö.

2 Reyes 2:11

Ja̧danö, jemi ikena, jemi tupakwö kwebachö, yötja̧lakwawemi ja'ötjö, jobadönö 'da̧batö junö, juluwanö tjö'wejenö ökwöla, kabayudödanö, ja̧danö kolukadanö ichejekwöla baledinobe. Ja̧danö, jemi ikenama jwa̧le'epjo labinö jalawapjoma Eliasnö kabeibö e'ewinobe, mölejȩbe.

2 Reyes 2:16

Ja̧danö jobe ju̧kwadö Dios yöawi̧ yöbawadöma Eliseonö yötja̧linobe, —Eliseo, ökwödö kwömöayedötjö̧, cincuentabedö kwetjachobö juluwadö tjuju̧kwobe, weköbobö adebakwö, ajayi kwuluwo̧bina Elias iteba'o isakwö kwetjachobö. Dedemi Isabenö Jo̧ O̧'wo Luwo̧ma, Eliasnö emajo̧, iteba'o jelobe ikwö loajena, mösa'o jele'otjöena, wabeko jelekotjöena, weköbakwa̧ji̧? —jö̧ba̧lö atjebökwe, —Tjisakwobö weköbaduwoko, —jö̧ba̧lö atadinobe Eliseoma.

Proverbios 8:13

Ju'wibi yöbawuju: —Chömöledö, Isabenö Jo̧nö yebabinö omukwatö kwö̧jaduwobö jö̧ka̧laduwitjö̧ma suli̧ jawa kwöpöjödaduwobö jo̧be. Ötjöma suli̧ jawa öpöjödujusa, jojodö sulabenö tjo̧mukwati̧ma. Baikwö jojodö sulabenö tjo̧mukwati̧ jwiinö chöpöjödobe: Bakwo̧, ötjödasa waiso̧ma, jö̧ba̧lö omukwato̧nöma jwiinö chöpöjödobe. Ja̧danö, ju'wibi jojodö tjo̧mukwati̧ma jwiinö chöpöjödobe: Bakwo̧ ju'wedönötjö o̧penönö inesö luwo̧ jo̧sa, jö̧ba̧lö, omukwato̧nöma jwiinö chöpöjödobe. Ja̧danö ju'wi jawabi ju'wi jawa chöpöjödobe: Sulabenöda omukwatö jo̧nö jwiinö chöpöjödobe. Ja̧danö, jelo̧nöbi jwiinö chöpöjödobe, jojodönö jelobekwö tjo̧mukwatobö ö'öbönö yöba̧lo̧nöma. Ja̧ jawa jwiinö chöpöjödobe— yöbawuju, jweinö omukwatö ja̧kwawa wanekwachujuma, isudada.

Isaías 50:10

Baikwö yöta̧laduwakwö chömöledö: Ökwödötjö didöda Isabenö Jo̧ Diosnö yebabinö ösödö kwö̧jaduwobeda? Ökwödö Diosnö ösödadösa jö̧ba̧ladöma, Dios ömöayo̧ yöawi̧ a̧ja̧kwö kwö̧jaduwo chömöledö. Ja̧danö ökwödötjö yȩa'wo okwa, dewi̧ ja'yubebi dewokobe kwebachadöma, Isabenö Jo̧nö kwo̧'woduwi wana̧lö kwö̧jaduwo, kwuluwo̧duwi Diosnö ösödö kwö̧jaduwo, —Diosda pjaatakwo̧, —jö̧ba̧lö.

Mateo 2:16

Waisadö Belenbe tji̧'yakwa̧ abönö, yemidanö ichö tjemunö yödawakobe ökwönö, jö̧ba̧lö Herodesnö yötjawinajayonö, yöbawöma tjetjachajinokobe, ja̧danö tjichiökökwe, Herodesma jwiinö ölabinobe, ja̧danö Jesúsnö kwabö lootö jö̧ba̧lö iteda ömöayedö guardia jojodönö weinobe, okobe deinö Belennö ju̧kwadö tji̧tji̧mu ömadö döbalataja o̧biya baikwönönöbedönö kwabawö lotjobö. Waisadöma jo̧banö yötjawinobe o̧biya dötölataja baledajena, sili'ima ajayinö öwawachinobe jö̧ba̧lö, jo̧kwajabetjö̧ Jesúsnöbi kwabö lootö jö̧ba̧lö, okobe deinö tji̧tji̧mu ömadö döbalataja o̧biya baikwönönöbedönö kwabawö loinobe.

Mateo 4:1

Jemi ikenama, Dios O̧'wo̧ Luwo̧ma Jesúsnö öibinobe, jojodö deobe i̧'yobö, jobetjö Jesús sulabenö ja̧ojobö ja̧okojobö jö̧ba̧lö Awetja edö ja̧obö.

Lucas 1:15

kwitji̧ma isabenö Dios öba a'otjö juluwo̧ ö̧jakobetjö̧. Ja̧danö, kwitji̧ma Dios wei̧da ja̧bö ö̧jakobetjö̧, la'akatjöda ubasobu o̧'dobubi, ju'wi nio ojwiyobi owöbi owökakwo̧. Ja̧danö ojo'do jukwa'wo okwa ina a̧jayi, Dios O̧'wo̧ Luwo̧ma jo̧bakwö ö̧jakobe.

Hechos 12:19

Ja̧danö, la'aka luwo̧ Herodesma, Pedro dei̧ wene yötjawi̧ a̧ja̧kwö webijetö guardia jojodönö Pedronö tjisakwobö. Jobadöma tjisakwemi deijetö Pedroma. Deiökwe Herodesma abeba̧lijetö Pedronö te'ada̧lakwawa jojodö guardianöma ¿Dakwö baledaja̧da? jö̧ba̧lö. Ikenama, Bidöma otiwanö te'ada̧löködö, jö̧ba̧lö, webijetö ju'wedönö kwabö lotjobö jobadönöma, Pedroma jobadötjö döibajobetjö̧. Ikenama Herodesma Judeatjö labebö jelobe 'yi̧jetö, Cesareabe, ja'yubeda lekwe ö̧jobö.

Hechos 8:39

Ikenama jobadöma ojwetjö a̧laibö Dios O̧'wo̧ Luwo̧ma Felipenö jelobe ö̧jobö e'ewijetö. Etiopía jojoma yemidanöma edijökötö Felipenöma. Jo̧bama Felipenö e'ewaja̧ ikena o̧'wo̧ ösöwanö ȩwa̧jijetö.

2 Timoteo 3:15

ja̧danö ju'wibi Dios iwene kwöwaisa, ina tjemu kwö̧jayi ökwönö tjöba̧ja̧dinobetjö̧. Ja̧danö, jejenö kwöwaisobetjö̧ 'diinö do̧ba̧lö kwösödobö jo̧be, chösödi̧ wenema isabenö wene jö̧ba̧lö. Jau Timoteo, ökwönö tjöba̧ja̧dina jawa Dios iwene jawama, waisanö kwomukwatobö ba̧ja̧dakwawa jawa tjöba̧ja̧dinobe, ¿jö̧tö? Ja̧danö, waisanö kwomukwatobö tjöba̧ja̧dinama, otiwa jawa wene waisanö kwomukwatobö pjaatinobe, Cristo Jesúsnö ösödö kwö̧jibobö, ¿jö̧tö? Jau Timoteo, jejenö waisanö kwomukwatobö pjaatinobe tjöba̧ja̧dinama, jo̧kwajabetjö̧ ja̧ laebi̧ kwöwaisachibinobetjö̧ isabenö wene 'diinö do̧ba̧lö kwö̧jobö jo̧be.

1 Samuel 16:2

Yöa̧lökwe, Samuel atadinobe, —Yetabi, jejenö omudawö kwujunajökwenö o̧te tobebö chi̧'yitjö̧ma, Saulma a̧ja̧kwena, ja̧danö a̧ja̧kwö, ötjönö kwabö loena, —jö̧ba̧lö. Atadökwe, Isabenö Jo̧ma yöa̧linobe, —Baikwö ja̧bi, o̧te tobebö kwi̧'yi̧ wene Saul öwaisachibapji jö̧ba̧lö. Pakayasujunö la'akatjöda metu'wo jö̧kujunö öbibö kwi̧'yo Belentjö kwabö juwö kwiyobö, ja̧danö yökawo, –Baikwö chichajabe, belö kwabö juwö Isabenö Jo̧nö chiyobö, –jö̧ba̧lö.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

1 Samuel 2:26

Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.