1 Reyes 17:13 - Dios Iwene

¹³ Jatadökwe, Elias yöa̧linobe: —Yebabökönui jojosuju, a̧wi̧chi̧tjö woköbaduwökakwedöja. Yöka̧laja̧danö, ja'yubenö pan kwöbalo. Baikwö wetakwö, ajayinöma pan ja'yuwapja̧ otidaju, ötjönö kwichejebo, chukwobö, ja̧danö jemi ikenama, ökwöbi, kwitji̧bi kwukwaduwakwa̧ kwotido.

1 Reyes 17:13 ပူးပေါင်းရင်းမြစ်များ

Génesis 26:24

Ichibaja̧ yöte Isabenö Jo̧ Diosma öwawachijetö Isaacnö. Öwawachö yöbawijetö: —Isaac, ötjöma kwabe'do Abraham Uluwo̧ Diossa. Yebabökönuwi, ökwökwö chö̧jobetjö̧. Ja̧danö, dösölö̧jinö edö pjatatakwo̧sa. Isaac, ökwötjö tupadanö jojodöma tjöba̧jekwachinö pjatatakwo̧sa. Chömöayo̧ Abrahamnö chiwene yöbawö chujuninadanö dösölö̧jinö edö pjatatakwo̧sa ökwönöma— yöbawijetö Isabenö Jo̧ Diosma Isaacnöma.

1 Reyes 17:12

Aeboko, jatadinobe: —Kwuluwo̧ Isabenö Jo̧ Dios öba a'otjö, isabenö yötawakwö, pan jwibujusa ötjöma. I̧sa̧pjanö, sule ja'yubeda harinaso̧pja junalujusa, ja̧danö o̧tesa̧yunö, sule ja'yubeda o̧tema junalujusa. Jau, babema ja'yubeda pjei̧ ö̧'iya imi ko̧ko̧dö emujusa, ökwöla nötedö, ja̧ ja'yubeda chujuna̧li̧ chöbalobö, ötjöbi, chitji̧bi bajaleapo dukwakwa̧ dukwobö, ja̧danö jemi ikenama, ja kwajadö, du̧kwa jwibö ö'wö badibakwedösa, pan jwita ökwönö ichejebö chiyobö, —jö̧ba̧lö jatadinobe.

1 Reyes 17:14

Jau jojosuju, a̧wi̧chi̧tjö woköbaduwökakwedöja, israel jojodö tjösödökwe Isabenö Jo̧ Diosma baikwö yöawobetjö̧, –Harinaso̧pja 'dö̧ibökakobe, ja̧danö o̧tebi 'dö̧ibökakobe, Isabenö Jo̧ma yemidanö ojwiyo o̧bobö weenanö kabatö, —jö̧ba̧lö yöbawö weinobe Eliasma.

2 Reyes 6:16

Yöa̧lökwe, —Yebabökönui chömöayo̧, tjö̧ba̧jekwijayonö, ökwödökwö ju̧kwadö ölakwabikwawadöma, jobadö tjö̧ba̧jȩkwi̧tjö bajalekwönönö ba̧jȩkwadö pjabatö tju̧ju̧kwobe, —jö̧ba̧lö atadinobe.

Éxodo 14:13

Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Proverbios 3:9

Ja̧danö ju'wibi jwebebö yötawakwö: Chitji̧, kwujuna̧li̧tjö Isabenö Jo̧nö kwiyo, ökwöda jwiinö mikwawo̧ja, jö̧ba̧lö. Ja̧danö, kwöbatjonö ajayinö wa̧ji̧tjö̧ Isabenö Jo̧nö kwiyo, ökwöda, jö̧ba̧lö.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

Isaías 41:13

Jobekwö ja̧kobe chömöledö, ötjö kwösödaduwökwe Isabenö Jo̧ Diosda kwöwaisaduwobekwöchobesamu kwömamuduwinö do̧ba̧lö chö̧jobetjö̧, ja̧danö ötjödasa ökwödönö yöbawo̧ma, —Ötjöda ökwödönö pjatatobetjö̧, yebabökönaduwi, —jö̧ba̧lö.

Mateo 10:37

Chömöledö, ötjö chöba̧ja̧di̧ waisachadö inesö tjösödo jö̧tja̧lökwema ötjödasa, jo̧kwajabetjö̧ ötjönö tjösödi̧tjö bajalekwönönö tjabe'donöbi, tjojo'donöbi ösödadöma, ötjö chöba̧ja̧di̧ waisachadö tjö̧joböma mikwawöködö, ötjödasa inesö tjösödo jö̧tja̧lökwechobetjö̧. Ja̧danö, ötjönö tjösödi̧tjö bajalekwönönö tjitji̧nöbi, tjitjijunöbi ösödadöma, ötjö chöba̧ja̧di̧ waisachadö tjö̧joböma mikwawöködö, ötjödasa inesö tjösödo jö̧tja̧lökwechobetjö̧.

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Mateo 6:33

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe. Jau chömöledö, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Hechos 27:24

baikwö yöawatö: Pablo, yekabi. Ina debö kwebachö̧kö̧ja. Isabenö ökwöma Roma la'aka luwo̧ César öba a'otjö kwö̧jakobe. Ja̧danö, Diosma ökwönö lȩlö̧jino edö, ökwönöbi ökwökwö kwebachadönöbi pjaatakobe, kwö̧jibaduwinö ja̧bö. Jejenö yöawatö Dios weajökwe ángelma.

Hebreos 11:17

Ja̧danö Abrahamma, Diosnö o̧'wo̧ öwana̧lobetjö̧ Dios wei̧ a̧ja̧kwinobe, jo̧dawo̧ itji̧ Isaacnö iyobö wei̧ma, u̧lume'a 'wibebö juwö. Diosma Abraham itenöda isabenö ösödö a̧ja̧kwojobö edobö jejenö weinobe. Ja̧danö döwaisa chömöledö. Ajayinöma Diosma Abrahamnö, Ökwö kwitji̧, Isaactjöda, ökwötjö tupadanö jojodö tjöbötjachakobe, jö̧ba̧lö, yöbawö ujuninobe. Jejenö yöbawö ujuninajayonö Diosma weinobe Abrahamnö, jo̧ba itji̧ Isaacnö iyobö. Ja̧danö, Abrahamma Diosnö o̧'wo̧ wana̧lö ö̧jobetjö̧, jo̧ba wei̧ a̧ja̧kwinobe, Diosma chitji̧ wobajaletjö tjeachajoböma juluwo̧, jö̧ba̧lö. Ja̧danö, itji̧nö juwö iyawemi wame wanajo̧ u̧lume'a 'wiebotö jö̧ba̧lö isa̧pi̧ i̧sebinobe Abrahamma. Jo̧kwaijayonö jejenö i̧sebena Diosma jwöinobe, Kabatakwawi, jö̧ba̧lö. Jejenö balediökwe Abrahamma omukwatinobe, Diosma chitji̧nö wobajaletjö tjeachajinö tjeatajabe, jö̧ba̧lö. Isabenö chömöledö, ja̧ baledinama i̧sebobe, Abrahamma Diosnö o̧'wo̧ wana̧lö ö̧jinobe, jö̧ba̧lö.

1 Pedro 1:7

ja̧ usula kwemawaduwi̧ baledibö isabenö Dios yöawi̧ kwösödaduwi̧ wenema otiwanö öwawakobetjö̧. Jau chömöledö, isabenö usula kwemawaduwobö jo̧be. Baikwö wanedö yötawa: Oro ökwölanö lödebö tjotidökötjö̧ma, bakwainö otiwi̧ma öwawökena, ¿jö̧tö? Sule ökwölanö lödebö tjotidaja̧ ikenada otiwanö öwawobe oro otiwi̧ma, ¿jö̧tö? Ökwödö Dios yöawi̧ kwösödaduwi̧bi ja̧danö chömöledö. Usula emawökönö kwö̧jaduwitjö̧ma, otiwanö Dios yöawi̧ kwösödaduwijayonö, kwösödaduwi̧ma otiwanö öwawökena, sule usula emawö kwöbaledaduwajenada otiwanö öwawena otiwanö kwösödaduwi̧ wenema. Jo̧kwajabetjö̧ isabenö usula kwemawaduwobö otiwobe chömöledö. Jau chömöledö, oroma mikwawijayonö, ja'yubeda mikwawobe, oroma tupakwö jwiakobetjö̧. Jo̧kwaijayonö ökwödö Dios yöawi̧ kwösödaduwi̧ma orotjö bajalekwönönö mikwawi̧ chömöledö, jo̧kwajabetjö̧ orotjö bajalekwönönö isabenö kwösödaduwi̧ wene otiwanö öwawobö jo̧be. Jau chömöledö, babe usula kwemawaduwi̧ma, ökwöladanö ichejekwa, bakwainö otiwanö kwösödaduwi̧ wenema öwawobö, ja̧danö ja̧ jawa usula emawö kwöbaledaduwenama, isabenö Dios yöawi̧ kwösödaduwi̧ wenema öwawakobe chömöledö. Ja̧danö chömöledö, jejenö öwawobetjö̧, 'dö̧ibaji̧ möle Jesucristo ichenama, Diosma otiwanö ösödadöja jö̧ba̧lö yöawakobe, ja̧danö dejatinö ujulu ökwödönö iyakobe, ja̧danö ökwödönö otiwanö omukwatakobe chömöledö. Jejenö jo̧be chömöledö, jo̧kwajabetjö̧ babe usula kwemawaduwijayonö, yayonö kwo̧'wo̧ ösöwachibanö ja̧döja, otiwa jö̧ba̧lö.