1 Reyes 17:12 - Dios Iwene

¹² Aeboko, jatadinobe: —Kwuluwo̧ Isabenö Jo̧ Dios öba a'otjö, isabenö yötawakwö, pan jwibujusa ötjöma. I̧sa̧pjanö, sule ja'yubeda harinaso̧pja junalujusa, ja̧danö o̧tesa̧yunö, sule ja'yubeda o̧tema junalujusa. Jau, babema ja'yubeda pjei̧ ö̧'iya imi ko̧ko̧dö emujusa, ökwöla nötedö, ja̧ ja'yubeda chujuna̧li̧ chöbalobö, ötjöbi, chitji̧bi bajaleapo dukwakwa̧ dukwobö, ja̧danö jemi ikenama, ja kwajadö, du̧kwa jwibö ö'wö badibakwedösa, pan jwita ökwönö ichejebö chiyobö, —jö̧ba̧lö jatadinobe.

1 Reyes 17:12 ပူးပေါင်းရင်းမြစ်များ

Génesis 21:15

Jemi tupakwö, ojwiyo i̧sȩdo̧tjö̧ otikwa'wonö okwobu okobe jwiinö tjowajena Agarma jitji̧nö junibijotö towi ja'yuwowi la'aka.

Génesis 21:16

Junibö jemi tupakwö cien metros jenanö 'ya̧jaju ba̧nö jwöbeba̧lijotö ¡chitji̧we! ö'wöchi̧ma chedökö, jö̧ba̧lö, isudada. Ja̧danö, jobe ba̧nö nöinö budekwabijotö.

2 Samuel 15:21

Yöa̧lökwe, Itayma la'aka luwo̧ Davidnö atadinobe, —Ja̧maökö chuluwo̧ la'aka luwo̧, Isabenö Jo̧ ö̧ji̧ wene ji̧danö, ja̧danö ökwö inesö la'aka chuluwo̧ kwö̧ji̧ wenedanö, isabenö yötawakwö, okobe jwiinö kwekachi̧teniama, ötjöbi ökwökwö chichocha. Jau chuluwo̧, ö'wö batibitjö̧bi, ina 'yaba̧lo̧ chö̧jitjö̧bi, bakwaiobe, ötjö kwömöyo̧ma ökwökwö chi̧chakwo̧sa, —jö̧ba̧lö.

1 Reyes 17:1

Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.

1 Reyes 17:11

Aeboko, ojwiyo ichejebö ji̧'yinobe, ja̧danö ji̧'yemi ja'ötjö yemidanö jwöinobe, —Jojosuju, ju'wibi pan ja'yubenö kwichejebobö atebakwö, chukwobö, —jö̧ba̧lö.

1 Reyes 17:13

Jatadökwe, Elias yöa̧linobe: —Yebabökönui jojosuju, a̧wi̧chi̧tjö woköbaduwökakwedöja. Yöka̧laja̧danö, ja'yubenö pan kwöbalo. Baikwö wetakwö, ajayinöma pan ja'yuwapja̧ otidaju, ötjönö kwichejebo, chukwobö, ja̧danö jemi ikenama, ökwöbi, kwitji̧bi kwukwaduwakwa̧ kwotido.

Mateo 26:7

Jobe ja̧nö ukwemi, bakwuju isujuma tebachö jichejebinobe, isa̧yu̧ otiwayu̧ nöinö mikwawi̧ omewi̧ jawasa̧yu̧, ja̧danö ja̧ omewi̧ jawa Jesús uu wame tojebinobe.

1 Samuel 14:39

Jau chömöledö, baikwö isabenö yötawaduwakwö, Ökwödö israel jojodönö dö̧jibinö pjabato̧ Isabenö Jo̧ Dios yaba̧lo̧ ö̧ji̧ wenedanö, ju'wibi isabenö yötawaduwakwö, isabenö Dios öba a'otjö wene dujuna̧lobö suli̧ waedajo̧ma, ö'wö baibobö jo̧be, chitji̧ Jonatanda wene dujuna̧lobö suli̧ öwaedatjö̧ma, isabenö ö'wö baibobö jo̧be, —jö̧ba̧lö yöa̧linobe Saulma. Ja̧danö, jojodöma wene tjujuna̧lobö baibaja̧ tjöwaisinobe, Jonatan wayo̧ neaja̧ tjedajobetjö̧, jo̧kwaijayonö bakwo̧bi Saulnö yöawinokobe.

1 Samuel 14:45

Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.

1 Samuel 20:21

Ja̧danö, 'böbajo̧, chömöayo̧nö wetocha, –Nayunu isakwö emaji, –jö̧ba̧lö. Ja̧danö, isakwemi, –Kwöbaledajabe, baikwönönö isakwö ichi, –jö̧ba̧lö yöta̧lobe kwa̧ja̧kwitjö̧ma, kwöwaisakwo̧ja, isabenö wene jwia jö̧ba̧lö. Jau David, Isabenö Jo̧ yaba̧lo̧ ö̧ji̧ wene isabenö ji̧danö, isabenö wene yötawakwö, jejenö nayunu isakwo̧nö yöta̧litjö̧ma, wene jwiobetjö̧ yöta̧lakobe. Ja̧danö, wene jwiinö kwichena, ökwönö labokobetjö̧.

1 Samuel 20:3

Atadiökwe, Davidma yöa̧linobe, —Isabenö yötawakwö Jonatan, kwabe'doma isabenö ötjönö kwabö loobö isakwo̧. Ja̧danö ökwönö yöbawökönö isakwi̧ma, baikwö yöta̧la, kwabe'doma ötjönö kwösödi̧ wene öwaisobe, yö̧ne dömöledödanö ösödabikwawö dö̧jobe jö̧ba̧lö. Ja̧danö jejenö öwaisobetjö̧, ötjönö kwabö loobö isakwi̧ma yöbawö̧kö̧, –Jonatannö yötawitjö̧ma o̧'wo tjo̧achena, –jö̧ba̧lö. Jau Jonatan, ökwönö yöawököjayonö, isabenö ötjönö kwabö loobö isakwo̧ kwabe'doma, baikwö yöta̧la: Duluwo̧ Isabenö Jo̧ Dios yaba̧lo̧ ö̧ji̧ wenema isabenö wene, ja̧danö ökwö yaba̧lo̧ kwö̧ji̧ wenebi, isabenö wene Jonatan, ¿jö̧tö? Ja̧danö ja̧ wene isabenö ji̧danö, ju'wibi yötawakwö isabenö woto jö̧ta̧lobe, wanedö yötala bakwo̧ ömasapa bakwötanö ö̧ja̧ti̧danö wobalema yö̧neawobe, —jö̧ba̧lö yöa̧linobe Davidma.

1 Samuel 25:26

Jau chuluwo̧, baikwö isabenö yötawakwö, Isabenö Jo̧ ö̧ji̧ wenebi, ökwö kwö̧ji̧ wenebi isabenö wene, ja̧danö ja̧ isabenö ji̧danö yötawakwö, Diosda isabenö tjöbeba̧lö pjaatajabe, ökwöda balekwa mikwa ökwönö sulabenö ja̧badönö kwabö loköbapji jö̧ba̧lö. Jau chuluwo̧, jejenö ja̧köbatjö̧ma, sulabenö ja̧böködönöbi kwabawö loköbo jö̧ka̧lajena, ja̧danö jejenö kwabö lobajo̧, wene juna̧lo̧ bakibajena. Jo̧kwaijayonö Diosma otiwanö pjaatajabe, jejenö baledapji jö̧ba̧lö. Jau chuluwo̧ isabenö Diosda balekwa mikwa lȩebakwo̧ Nabalnöma, baikwö wanedö yötawa, okobe deinö kwöpöjojodöbi, ökwönö suli̧ baledobö ösödadöbi Nabaldanö batjibitjö̧ma, isabenö kwöpöjojojodö deinö kwö̧jena, jo̧ba Nabalma isabenö Dios lȩebakwo̧obetjö̧.

1 Samuel 26:10

Isabenö yötawakwö, Isabenö Jo̧ yaba̧lo̧ ö̧ji̧ wene ji̧danö, baikwö isabenö yötawakwö, la'akatjöda Dios omudawö ujuninökwenö suli̧ chöwaedobö jwiakobe. Isabenö Jo̧ ösöditjö̧ma, jo̧bada Saulnö lȩbebö kwabö loena, ja̧danö pöe waekwö ö'wö baibena, ja̧danö öpöjojodökwö ölakwabikwawö debö i̧'yena. Jo̧kwaijayonö, la'akatjöda ötjö jo̧banö suli̧ chöwaedobö jwiakobe, Saulma Diosda omudawö ujuninökweobetjö̧. Jo̧banö kwabö lobökönö, baikwö ja̧do, Saul uu ö'öbö jö̧te otokwöte demo, ja̧danö itea ojwiyosa̧pja̧bi demo, ja̧danö emajadö dȩwa̧jo, —jö̧ba̧lö yöa̧linobe Davidma ömöayo̧ Abisainö.