1 Reyes 16:9 - Dios Iwene

⁹ Jemi ikenama, ömöayo̧ Zimri mikwo̧ma uluwo̧ Elanö kwabö loobö omukwatö ujuninobe. Ela ömöayedö kolukiyanö ölakwabikwawajadö tjuluwedö la'aka luwedöma duju̧taja tjö̧jinobe, Zimri mikwo̧ma jobadötjö ja'ö la'aka luwo̧ ö̧jinobe, ja̧danö jelo̧ ju'wedönö webö ö̧jinobe. Ja̧danö, baikwö laebobe Zimri Elanö kwabö loina wenema. Ju'wi möle Elama iteda ömöayo̧, eju teada̧lakwawa luwo̧ Arsa mikwo̧ ejunö ö̧jinobe, ja̧danö Arsa ejunö ja̧nö, nöinö o̧walinobe Elama, jwiinö 'dukwachökwe baibanö.

1 Reyes 16:9 ပူးပေါင်းရင်းမြစ်များ

Génesis 15:2

Jejenö yöawökwe Abramma abebö a̧ja̧kwijetö: —Chuluwo̧, Isabenö Jo̧ Dios ¿dakwö mikwawobö kwiyakwa̧ma? Wotaja̧ okobe ¿tinö emibobö wetakwa̧da chitji̧ detobema?— abebö a̧ja̧kwijetö—. Wotaja̧ okobema chömöayo̧ Damasco jojo, Eliezer mikwo̧ okobe jwiinö chiteaaja̧ma iteda u̧kwa tea baibakobe.

Génesis 24:10

Ikenama domulatajabedö ka̧mȩyu̧dö tjoma'anö wanabijetö uluwo̧ Abraham ömöledönö iyakwa̧, jwiinö mikwawi̧ jawa. Wanö kabatö e'ewö 'yi̧jetö Mesopotamia nijibe, Nacor comunidad jobekwö.

Génesis 24:2

Ju'wi möle, Abrahamma ömöayedötjö inesö jo̧nö, Abraham itea okobe jwiinö te'ada̧lajibo̧nö webijetö: —Chömöayo̧, Dios, mölejȩbi böjȩbi otidina Dios öba a'otjö kwiwene yöbawö junitjö, weköbi̧ma cha̧ja̧kwocha, jö̧ba̧lö. Baikwö wetakwö: Chitji̧ Isaac ilekwo bajibakwujunö bemi Canaán jojodö ya̧dötjö kwisakwoko. Babeda kwiwene yöbawö kwujuni̧ i̧sebö, chi̧sȩ'bo teebekwöchobe 'bibeba̧litjö, Weköbi̧ma isabenö cha̧ja̧kwocha. Isaac bajibakwujunö bemi Canaán jojodö ya̧dötjö chisakwokobe, jö̧ba̧lö.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.

Génesis 39:9

Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.

1 Reyes 15:27

Ja̧danö, Isacarsaso jojo bakwo̧, Ahias itji̧ Basa mikwo̧ma, omukwatö ujuninobe, Nadabnö suli̧ öwaedakwa̧ma, ja̧danö omukwatö ujunaja̧danö, Nadabnö kwabö loinobe. Baikwö baledinobe Nadabnö kwabö loinama: Nadabbi, okobe deinö ömöayedö ölakwabikwawa jojodöbi, Filisteo jojodökwö tjölakwabikwawinobe, ja̧danö filisteo jojodö tjitebo comunidad Guibeton tjujuluwotö jö̧ba̧lö, tjösawibö tjö̧jinobe. Ja̧danö, jejenö tjösawö tjö̧jemi ja'ötjö, Basama Nadabnö kwabö loinobe,

1 Reyes 16:10

Ja̧danö, jejenö o̧walemi ja'ötjö, Zimrima o̧do okwa tebachö, Elanö kwabö loinobe, ja̧danö jo̧banö kwabö lobajo̧, la'aka luwo̧ ö̧jinemi la'aka luwo baibinobe Zimrima. Ja̧ baledina mölema, Juda la'aka luwo̧ Asa ida̧ökö veintisiete o̧biya la'aka luwo̧ ö̧jena baledinobe.

1 Reyes 16:8

Juda la'aka luwo̧ Asa ida̧ökö veintiseis o̧biya baledibanö la'aka luwo̧ ö̧jenama, Basa itji̧ Ela mikwo̧ma Israel la'aka luwo̧ baibinobe, jadanö Tirsa comunidadnö ja̧nö, dötölataja o̧biya baledibanö Israel jojodönö webö ö̧jinobe Elama.

1 Reyes 18:3

Ja̧danö, kököachibiökwe, Acabma iteda ömöayo̧ Abdias mikwo̧nö jwöinobe, meje'ye jȩmi isakwakobetjö̧. Jo̧ba Abdiasma, Acab eju teada̧lakwawa luwo̧ ö̧jinobe, jo̧kwaijayonö Acab yö̧ne ömöayo̧so̧ ö̧jinayonö, otiwanö yebabinö Isabenö Jo̧nö ösödö ö̧jinobe Abdiasma. Baikwö laebobe Abdias Diosnö ösödi̧ i̧sȩbina wenema:

1 Reyes 20:12

Acab yöa̧la̧ja̧ Ben-adadnö yötjawenama, Ben-adadma ömöayedö la'aka luwedökwö, ejunö ja̧nö tjowa̧linobe. Ja̧danö, Acab yöa̧laja̧ a̧jakwajo̧, iteda ömöayedönö weinobe, —Tjo̧wi, Samaria comunidad medibakwa̧ jawa kwotidaduwo, juluwanö medibakobetjö̧, —jö̧ba̧lö. Ja̧danö, weaja̧danö tjölakwabikwawakwa̧ jawa tjotidinobe.

1 Reyes 20:16

Ko̧ko̧kwajadö, doscientros treinta y dos luwedö ju'wedö siete milbedönö ötjibonö, möle ja'ö jawo̧ jweinö ö̧jena latjebinobe, Ben-adad ömöayedö inesö ba̧jekwadökwö tjölakwabikwawobö. Ja̧danö, latjebenama, Ben-adadbi ju'wedö iteda ömöayedö treinta y dosbedö la'aka luwedöbi, sabana'wotjö otikwejunö ja̧nö 'dukwachawö̧ batjibanö tjowa̧linobe.

2 Reyes 12:20

Ja̧danö, Joas ömöayedötjö ju'wedö omukwatö tjujuninobe, jo̧banö kwabö lotjoböma, ja̧danö ju'wi möle Sila comunidadbe 'ya̧kwawama mana ö'öböseju Milo mikwejunö ö̧jenama, Joasnö kwabö lotjinobe.

2 Reyes 15:10

Ja̧danö, Jabes itji̧ Salum mikwo̧ma omukwatö ujuninobe, uluwo̧ Zacariasnö kwabö loobö, ja̧danö Ibleam comunidadtjö jo̧banö kwabö loinobe, ja̧danö Zacarias webö ö̧jinemi, Salumda israel la'aka luwo̧ baibinobe.

2 Reyes 15:25

Ja̧danö, dötölataja o̧biya baledibanö webö ö̧jemi ja'ötjö, ömöayo̧ ölakwabikwawadötjö luwo̧ Pekamikwo̧bi, ju'wedö ömöayedö Galaad jojodötjö cincuentabedöbi omukwatö tjujuninobe, tjuluwo̧ Pekaianö kwabö lotjobö. Ja̧danö, omukwatö tjujunaja̧danö, Pekaia Samaria comunidadnö iteda eju 'diinö tjöekwobe ö̧jemi ja'ötjö, tjuluwo̧ Pekaianö kwabö lotjinobe. Jobekwö iteda uluwo̧nö kwabö loinobe Pekama, ja̧danö uluwo̧nö kwabö lobajo̧, webö ö̧jinemi Pekada israel la'aka luwo̧ baibinobe.

2 Reyes 15:30

Jemi ikenama Ela itji̧ Oseas mikwo̧ma omukwatö ujuninobe, uluwo̧ Pekanö kwabö loobö, ja̧danö omukwatö junajo̧, uluwo̧bajo̧ Pekanö kwabö loinobe, ja̧danö Peka webö ö̧jinemi, Oseasda Israel la'aka luwo̧ baibinobe. Ja̧ baledina mölema, Juda la'aka luwo̧ Uzias itji̧ Jotam mikwo̧ webö ö̧jonö baledinobe, Jotamma ida̧ökö veinte o̧biya baledibanö webö ö̧jenama.

2 Reyes 9:14

Baikwö laebobe Jehu iteda uluwo̧ Joram wei̧ kabatibö, jo̧banö ujuluwina wenema: Ajayinöma Joramma okobe deinö Israel jojodötjö ölakwabikwawa jojodökwö, Ramot de Galaad comunidadnö tjöbeba̧lö ö̧jinobe, Siria la'aka luwo̧ Hazaelma israel niji tebachö ujuluwapji jö̧ba̧lö.

Proverbios 31:4

Ju'wi jawabi jwebebö yötawakwö chitji̧: Ökwöma inesö la'aka luwo̧ja. Ja̧danö, inesö la'aka luwedöma ubasobu o̧'do̧bu nöinöma, 'dukwachinö tjowobö jwiobe. Ja̧danö, ju'wibi ju'wi o̧'do̧bu tjowobö ba̧kwȩlöjatebö isakwakwawama jwiinö sulobe chitji̧.

Daniel 5:30

Ja̧danö, iya̧da yö̧teda Daniel yöawaja̧danö baledinobe, Babilonia jojodö la'aka tjuluwo̧ Belsasarnö kwabö lotjinobe.

Lucas 21:34

Tupakwö yöawinobe Jesúsma: —Wanedö yötawa: Te'ada̧lönö eda̧lö kwö̧jaduwo chömöledö, böjȩ jojodö tjösödi̧ jawama ökwödönö ömökapji jö̧ba̧lö. Jau chömöledö, nöinö pjiesta junö, ja̧danö nio ojwiyo owa̧lö, ja̧danö böjȩnö kwö̧ja̧duwi̧ omukwatö kwö̧jaduwitjö̧ma, yemidanö chichakwa̧ kwomukwataduwökena, ja̧danö chichakwa̧ te'ada̧lökönö kwö̧jaduwonö, juluwanö ja̧ möle baibena.