1 Reyes 16:25 - Dios Iwene

²⁵ Isabenö Jo̧ öba a'otjö, isabenö jwiinö sulabenö ja̧bö ö̧jinobe Omrima. Okobe deinö jo̧batjö ajayinö ji̧nadö la'aka luwedö sulabenö ja̧tjitjö̧ bajalekwönönö jwiinö sulabenö jainobe Omrima.

1 Reyes 16:25 ပူးပေါင်းရင်းမြစ်များ

1 Reyes 14:9

Jo̧ba ja̧bö ö̧jinadanö ja̧bö kwö̧jo jö̧ka̧linobe Jeroboan, jo̧kwaijayonö jejenö ja̧bökönö, jwaikwöda sulabenö ja̧köbajabe, okobe deinö ökwötjö ajayinö ji̧nadötjö bajalekwönönö jwiinö sulabenö jabo̧ja. Jau Jeroboan, ötjönö öpöjödö, kwösödakwawö̧nö kwotidinobe, 'dii jawatjö o̧'wo jawa kwösödakwawö̧nö kwotidajabe, ja̧danö jejenö ja̧bö chödameakwinö ja̧köbajabe.

1 Reyes 16:33

Ju'wibi tjösödoko Asera ötjaboko jo̧'wo jawa otidö ösödinobe Acabma. Jobekwö jwiinö sulabenö ja̧bö ö̧jinobe Acabma, Isabenö Jo̧ jwiinö ödameakwawenanö baibanö. Acabtjö ajayinö ji̧nadö Israel la'aka luwedöbinadöma, Israel jojodö tjösödökwe Isabenö Jo̧ Dios ödameakwobö ja̧tjinobe, jo̧kwaijayonö okobe deinö jobadö ja̧tjinemi bajalekwönönö, Isabenö Jo̧ jwiinö ödameakwobö sulabenö ja̧inobe Acabda.

1 Reyes 21:25

Isabenö jwaikwöda sulabenö ja̧bö ji̧na Acabma. Jo̧batjö ajayinö ji̧nadö la'aka luwedötjö bajalekwönönö jwaikwöda Isabenö Jo̧ öpöjödi̧ jawa ja̧obö isakwinobe. Ilekwo Jezabelma tupakwönönö sulabenö ja̧obö webö jö̧jinobe, ja̧danö weji̧danö jwaikwöda sulabenö ja̧bö ö̧jinobe Acabma.

2 Reyes 17:2

Isabenö Jo̧ öba a'otjö, sulabenö ja̧bö ö̧jinobe Oseasma, jo̧kwaijayonö jo̧batjö ajayinö ji̧nadö Israel la'aka luwedö inesö sulabenö ja̧tji̧nadanömaökö.