1 Reyes 15:27 - Dios Iwene

²⁷ Ja̧danö, Isacarsaso jojo bakwo̧, Ahias itji̧ Basa mikwo̧ma, omukwatö ujuninobe, Nadabnö suli̧ öwaedakwa̧ma, ja̧danö omukwatö ujunaja̧danö, Nadabnö kwabö loinobe. Baikwö baledinobe Nadabnö kwabö loinama: Nadabbi, okobe deinö ömöayedö ölakwabikwawa jojodöbi, Filisteo jojodökwö tjölakwabikwawinobe, ja̧danö filisteo jojodö tjitebo comunidad Guibeton tjujuluwotö jö̧ba̧lö, tjösawibö tjö̧jinobe. Ja̧danö, jejenö tjösawö tjö̧jemi ja'ötjö, Basama Nadabnö kwabö loinobe,

1 Reyes 15:27 ပူးပေါင်းရင်းမြစ်များ

1 Reyes 14:14

—Ju'wibi yötawakwö jojosuju, Isabenö Jo̧ma jelo̧nö israel la'aka luwo̧ baibanö kabebö ujunakwo̧, ja̧danö kabebö ujunajökwema, okobe deinö Jeroboan itji̧mu tupadanö jojodönö söbebö loakwo̧. Jau, babe möle Dios Jeroboannö lȩebakwa̧ma ida̧ökö jamatobe.

1 Reyes 15:28

ja̧danö kwabö lobajo̧, Nadab ö̧binemi Basada la'aka luwo̧ baibinobe. Ja̧ baledina mölema, Juda la'aka luwo̧ Asa ida̧ökö wapötakwa o̧biya la'aka luwo̧ ö̧jaja̧ ikenama baledinobe.

1 Reyes 16:10

Ja̧danö, jejenö o̧walemi ja'ötjö, Zimrima o̧do okwa tebachö, Elanö kwabö loinobe, ja̧danö jo̧banö kwabö lobajo̧, la'aka luwo̧ ö̧jinemi la'aka luwo baibinobe Zimrima. Ja̧ baledina mölema, Juda la'aka luwo̧ Asa ida̧ökö veintisiete o̧biya la'aka luwo̧ ö̧jena baledinobe.

1 Reyes 16:15

Juda la'aka luwo Asa ida̧ökö veintisiete o̧biya baledibanö la'aka luwo̧ ö̧jenama, Zimrima Israel la'aka luwo̧ baibinobe. Jadanö, Tirsa comunidadtjö webö ö̧jinobe Zimrima, jo̧kwaijayonö sule jelemutjö dötölataja möle baledibanö webö ö̧jinobe. Zimri uluwo Elanö kwabö lobajo̧, la'aka luwo̧ baibenama, israel jojodötjö ölakwabikwawa jojodöma Filisteo jojodö tjitebo comunidad Guibetontjö ölakwabikwawö tjö̧jinobe.

1 Reyes 16:16

Ja̧danö, jobe tjö̧jemi ja'ötjö, yötjawi̧ tja̧ja̧kwinobe, Zimrima la'aka duluwo̧ Elanö sulabenö jaobö omukwatajo̧, jo̧banö kwabö loajabeta, jö̧ba̧lö tja̧ja̧kwinobe. Ja̧danö, jejenö a̧ja̧kwajadö, i̧ya̧da möle tjölakwabikwawelö okobe deinö jobe ju̧kwadö israel jojodöma, ölakwabikwawa jojodötjö la'aka luwo̧ Omrinö omudawö tjujuninobe, israel jojodötjö inesö la'aka luwo̧ baibanö.

1 Reyes 16:17

Jemi ikenama Omribi, okobe deinö israel jojodötjö ölakwabikwawa jojodöbi Guibetontjö labebö, Tirsa comunidadbe tji'yinobe, ja̧danö Tirsa comunidad tjötjösawinobe, Zimrinö tjujuluwobö.

1 Reyes 16:7

Jwiinö sulabenö ja̧bö ö̧jinobe Basama, Isabenö Jo̧ jwiinö jo̧banö ödameakwawenanö baibanö. Isabenö Jo̧ öba a'otjö Basa sulabenö jaina wenema, baikwö laebobe: Jwaikwöda Jeroboanbi, Jeroboan ömöledöbi sulabenö ja̧bö tjö̧jinadanö, bakwainö sulabenö ja̧inobe Basama, ja̧danö ju'wibi, lȩlöinö edökönö, okobe deinö Jeroboan ömöledönö kwabawö loinobe Basama. Jejenö sulabenö jaiökwe, jwiinö jo̧banö ödameakwinobe Isabenö Jo̧ma, ja̧danö iteda yöawi̧ yöawinobe iteda yöawi̧ yöbawo̧ Jehu mikwo̧nö, —Basa sulabenö jabö ö̧jinobetjö̧, Basanöbi, ömöledönöbi lȩebakwo̧ Isabenö Jo̧ma, —jö̧ba̧lö.

1 Reyes 16:9

Jemi ikenama, ömöayo̧ Zimri mikwo̧ma uluwo̧ Elanö kwabö loobö omukwatö ujuninobe. Ela ömöayedö kolukiyanö ölakwabikwawajadö tjuluwedö la'aka luwedöma duju̧taja tjö̧jinobe, Zimri mikwo̧ma jobadötjö ja'ö la'aka luwo̧ ö̧jinobe, ja̧danö jelo̧ ju'wedönö webö ö̧jinobe. Ja̧danö, baikwö laebobe Zimri Elanö kwabö loina wenema. Ju'wi möle Elama iteda ömöayo̧, eju teada̧lakwawa luwo̧ Arsa mikwo̧ ejunö ö̧jinobe, ja̧danö Arsa ejunö ja̧nö, nöinö o̧walinobe Elama, jwiinö 'dukwachökwe baibanö.

2 Reyes 12:20

Ja̧danö, Joas ömöayedötjö ju'wedö omukwatö tjujuninobe, jo̧banö kwabö lotjoböma, ja̧danö ju'wi möle Sila comunidadbe 'ya̧kwawama mana ö'öböseju Milo mikwejunö ö̧jenama, Joasnö kwabö lotjinobe.

2 Reyes 12:21

Jobadö Joasnö kwabö lobinadöma, yöne ömöayedö Simeat itji̧ Josacar mikwo̧bi, Somer itji̧ Jozabad mikwo̧bi. Ja̧danö ö'wö babibajo̧nö tjo̧tjinobe a'dödökwö, a'dö David itebo comunidad ötjabena. Ja̧danö, Joas la'aka luwo̧ öjinemi, itji̧ Amasiasma la'aka luwo̧ baibinobe.

2 Reyes 9:14

Baikwö laebobe Jehu iteda uluwo̧ Joram wei̧ kabatibö, jo̧banö ujuluwina wenema: Ajayinöma Joramma okobe deinö Israel jojodötjö ölakwabikwawa jojodökwö, Ramot de Galaad comunidadnö tjöbeba̧lö ö̧jinobe, Siria la'aka luwo̧ Hazaelma israel niji tebachö ujuluwapji jö̧ba̧lö.

Josué 19:44

Elteque comunidadbi, Guibeton comunidadbi, Balat comunidadbi,

Josué 21:23

Ja̧danö, Dansaso jojodöbi Coat itji̧mu tupadanö jojodönö tjiyinobe, Elteque comunidadbi, Guibeton comunidadbi,