1 Reyes 15:25 - Dios Iwene

²⁵ Jeroboan ö'wö baibaja̧ ikenama, itji̧ Nadabma Israel niji la'aka luwo̧ baibinobe. Juda niji la'aka luwo̧ Asa ida̧ökö dötölataja o̧biya baledibanö la'aka luwo̧ ö̧jenama, la'aka luwo̧ baibinobe Nadabma, ja̧danö dötölataja o̧biya baledibanö israel jojodönö webö ö̧jinobe.

1 Reyes 15:25 ပူးပေါင်းရင်းမြစ်များ

1 Reyes 13:34

Ja̧danö, jejenö sulabenö ja̧iökwe, Diosma jo̧banö lȩebinobe. Jeroboan itji̧mu tupadanö jojodö israel luwedö tjö̧jo jö̧tja̧lijayonö, luwedö tjö̧joböma weinokobe Diosma, jwiinö okobe deinö Jeroboan itji̧mu tupadanö jojodönö söbebö loinobe Diosma, ji̧bo̧ bakwo̧bi deinö.

1 Reyes 14:12

—Ja̧danö ökwö Jeroboan ilekwonö baikwö wetakwö, a̧la̧ibö kwejube kwȩwa̧jo̧. Ja̧danö, kwitebo comunidadbe kwichibenama, jenada ö'wö baibakwo̧ kwi̧tji̧ma.

1 Reyes 14:20

Jeroboan israel jojodötjö inesö la'aka luwo̧ ö̧jinama, veintidos o̧biya baledibanö la'aka luwo̧ ö̧jinobe, ja̧danö veintidos o̧biya la'aka luwo̧ ja̧jo̧, ö'wö baibinobe. Jemi ikenama Jeroboan ö̧jinemi, itji̧ Nadab mikwoma israel jojodötjö la'aka luwo̧ baibinobe.

1 Reyes 15:26

Jo̧ba Nadabma sulabenö ja̧bö ö̧jinobe, Isabenö Jo̧ öba a'otjöma, iteda abe'do sulabenö ja̧bö ö̧jinadanö, jobabi sulabenö ja̧inobe, ja̧danö ju'wibi abe'do sulabenö jainadanö, ömöayedö israel jojodönö sulabenö ja̧tjobö weinobe.

1 Reyes 16:21

Ja̧ möle, Ela ö'wö baibaja̧ ikenama, israel jojodötjö ja'öma, Guinat itji̧ Tibni mikwo̧nö tjösödinobe, —Tibnida inesö la'aka duluwo̧ ö̧jobö jo̧be, —jö̧ba̧lö. Ja̧danö ja'öma Omrinö tjösödinobe, —Omrida inesö la'aka duluwo̧ ö̧jobö jo̧be, —jö̧ba̧lö.