Jo̧ba ja̧bö ö̧jinadanö ja̧bö kwö̧jo jö̧ka̧linobe Jeroboan, jo̧kwaijayonö jejenö ja̧bökönö, jwaikwöda sulabenö ja̧köbajabe, okobe deinö ökwötjö ajayinö ji̧nadötjö bajalekwönönö jwiinö sulabenö jabo̧ja. Jau Jeroboan, ötjönö öpöjödö, kwösödakwawö̧nö kwotidinobe, 'dii jawatjö o̧'wo jawa kwösödakwawö̧nö kwotidajabe, ja̧danö jejenö ja̧bö chödameakwinö ja̧köbajabe.
1 Reyes 14:15 - Dios Iwene15 —Isabenö israel jojodönö lȩebakobe Isabenö Jo̧ma, baikwö wanedö yötawa: Ojwe okwa ja̧'ye isa'ye tjö̧awi̧danö tjö̧tjawakwedö israel jojodöma, Isabenö Jo̧ma jobadönö meibakobetjö̧. Jau, bemi niji inesö otiwemi niji israel jojodö tja'dödönö iyinobe Isabenö Jo̧ma, jo̧kwaijayonö jo̧banö ösödöködö israel jojodöma, jo̧banö kabatibö, Asera ötjabokonö ösödakwawa o'iju otidö tjösödajabe, Isabenö Jo̧ma jwiinö ödameakwenanö baibanö. Jo̧kwaiökwe, Isabenö Jo̧ma bemi niji otiwemi nijitjö 'yebö loakobe israel jojodönö, ja̧danö Eufrates ojwe tupakwönö tjipjelekwachibanö ikwö loakobe. အခန်းကိုကြည့်ပါ။ |
1 Reyes 14:15
32 ပူးပေါင်းရင်းမြစ်များ
Ja̧danö, Peka israel la'aka luwo̧ öjonö, Asiria la'aka luwo̧ Tiglat-pileser mikwo̧ma israel nijibe ölakwabikwawö ichinobe, ja̧danö ichibajo̧ Ijon comunidadbi, Abel-bet-maaca comunidadbi, Janoa comunidadbi, Cedes comunidadbi, Hazor comunidadbi, Galaad nijibi, Galilea nijibi, okobe jwiinö Neftalisaso nijibi mebibö ujuluwinobe. Ja̧danö, juluwajo̧, jobe ju̧kwinadönö do̧batö, tjitebotjö labebö öibinobe jobadönö, iteda itebo Asiriabe.
Isabenö okobe jwiinö tjösödökwe Isabenö Jo̧ Dios wei̧ katjatibinobe Israel jojodöma. Jo̧banö kabatibö, idöda tjösödawö̧ batjibanö du̧ju̧taja pakayadö tji̧tji̧mu tjo̧'wo jawa tjotidinobe, ja̧danö Asera ötjabokonö ösödakwawa'o tjujuninobe, ja̧danö okobe deinö mölejȩnö lö̧jadönö bȩbachibö tjösödinobe, ja̧danö Baal ötjabökwenö tjösödinobe.
Ja̧danö, o̧'wo jawa ösödö, idöda tji̧tji̧mu ömadönöbi ya̧dönöbi kwabö juwö tjiyinobe. Ja̧danö tupakwö baledakwa̧ yöbawadönö abebö tja̧ja̧kwinobe, ja̧danö mea boawa sulabenö ja̧tjinobe. Isabenö okobe jwiinö Isabenö Jo̧ öpöjödi̧ jawa ja̧badö batjibanö tjiyawinobe israel jojodöma, Isabenö Jo̧ jwiinö jobadönö ödameakwawenanö baibanö.
bajaliyanö Isabenö Jo̧ma iteda ö̧jelö israel jojodönö a'dewö loenanö baibanö. Ja̧ a'dewö loinama, ajayinö Isabenö Jo̧ yöawinadanö badekwachinobe. Isabenö Jo̧ yöawi̧ yöbawadöma yötjawinobe, a̧jakwökönö tjö̧jitjö̧ma Dios a'dewö loakwa̧ wenema, ja̧danö yöawinadanö Israel jojodönö idöda tjitebotjö a'dewö loinobe, ja̧danö babe mölebi baibanö, ina Asiria nijinö tju̧ju̧kwobe.
Jobekwö otiwanö tjö̧jokobe Dios wei̧ öpöjödadöma. Jobadö Dios wei̧ öpöjödadönöma Dios tjitebotjö a'dewö loakwawö̧. Ja̧danö, ju'wedönö omöna yöba̧lö, yöbawö tju̧juninadanö badekwachinö i̧seböködönöbi meje’ye ‘yetji̧danö tjitebotjö Diosma 'yebö loakwawö̧— jobekwö Salomón iteda itji̧nö möayo̧nö jwebebö yöawinama.
Jobadö Juan öba̧ja̧di̧ waisachadö Jesús ö̧jelö tjȩwa̧jonö, Jesúsma ju'wedö jobe ko̧ko̧kwajadö jojodönö yöawinobe Juannö, baikwö: —Chömöledö, belö jojodö deobe kwi̧'yinaduwobe, ¿jö̧tö? ¿Tajawedö edö kwi̧'yinaduwobeda? ¿Sule jobe pokwi̧ jawa edinö, jwa̧lȩ'epjo jwa̧lȩ'ewena isa'ye bȩachibobe kwedaduwotö jö̧ba̧lö jobe edö kwi̧'yinaduwiji̧?
Jejenö yötja̧lökwe Jesúsma atadinobe: —Jobadö tjöpöjödi̧ma kwo̧'wo̧ tjo̧kekwaduwa. Jobadöma mölejȩbe jo̧ Chabe'do ujuninököwö̧. Ja̧danö baikwö wanedö yötawa: Okobe jwiinö Chabe'do batjonö ujuninökö jawama, 'yebö lotjakobe. Jo̧kwajabetjö̧ tjöpöjödi̧ma kwomukwataduwa chömöledö. Jobadöma, Jojodönö otiwanö öbibadösa, jö̧ba̧lö yötja̧lijayonö, otiwanöma öbiböködö. Jobadöma tjöbajale tjewawadö ja̧nö, ju'wedö tjöbajale tjewawadönö ötjibobe. Ja̧danö, kwöwaisaduwa chömöledö, bakwo̧ öbajale tjewawo̧ma jelo̧ öbajale tjewawo̧nö öibitjö̧ma, laju okwa bakobe metjakwedö— jö̧ba̧lö yöawinobe.
Juan öba̧ja̧di̧ waisachadö tjȩwa̧jaja̧ ikena, Jesúsma ju'wedö jobe ko̧ko̧kwajadö jojodönö yöawinobe Juannö, baikwö: —Chömöledö, belö jojodö deobe kwi̧'yinaduwobe, ¿jö̧tö? ¿Tajawedö edö kwi̧'yinaduwobeda? Sule jobe pokwi̧ jawa edinö, jwa̧lȩ'epjo jwa̧lȩ'ewena isa'ye bȩachibobe kwedaduwotö jö̧ba̧lö ¿jobe edö kwi̧'yinaduwiji̧?
Isabenö ötjönöma kwösödinaduwokobe. Ökwödöma e'ewö kwebachiaköbijaduwatö ökwödöda kwotidinaduwama, kwo̧'wo̧ kwöwana̧linaduwawö̧ma. Moloc o̧'wo̧ jawabi, ja̧ o̧'wo̧ jawa e'ewakwawejukwö, ja̧danö, Renfan, sili'idanö ichejekwo̧ o̧'wo̧ jawabi e'ewö kwebachiaköbijaduwatö, ja̧ o̧'wo̧ jawada ösödö. Jo̧kwaitjö̧ ju'wedöma ökwödönö tjujuluwobö wetakwo̧sa. Ja̧danö, Babilonia mikwemi tupakwö ökwödönö öbibö tje'ewobö wetakwo̧sa, jö̧ba̧lö yöbawijetö Dios yöawi̧ yöbawinama da'dödöminenöma— yöbawijetö Estebanma.
Ja̧danö ju'wibi Isabenö Jo̧ma ökwödönöbi, kwuluwo̧duwi inesö la'aka kwuluwo̧duwi baibanö 'da̧batö kwujunaduwinökwenöbi öbibö e'ewakobe, ökwödöbi kwa'dödöbi edajitjokobe ju'wedö tjitebobe kwö̧jaduwobö, ja̧danö jobe ja̧nö tjösödawö̧ o̧'wo jawanö ösödö kwö̧jaduwakwedöja, towisa'otjöbi, inawatjöbi otikwawö̧nöma.
ကြော်ငြာတွေ