1 Reyes 13:26 - Dios Iwene

²⁶ Ja̧danö, pöe ajayinö Dios yöawi̧ yöbawinama yötjawi̧ a̧ja̧kwinobe, ja̧danö a̧ja̧kwenama, yöa̧linobe, —Tjedajökwema, Dios yöawi̧ yöbawo̧, Isabenö Jo̧ wei̧ a̧ja̧kwökönö wainö ja̧bajo̧ma. Isabenö Jo̧ wei a̧ja̧kwökönö sulabenö ja̧iökwe, jo̧banö iyö loajabe, didiba jo̧banö mebibö kwabö loobö. Jau, Isabenö Jo̧ jo̧banö baledakwa̧ yöawaja̧danö baledajabe, —jö̧ba̧lö yöa̧linobe pöema.

1 Reyes 13:26 ပူးပေါင်းရင်းမြစ်များ

2 Samuel 12:10

Jo̧kwajabetjö̧, jejenö ja̧köbi̧tjö̧, baikwö yötawakwö tupakwö baledakwa̧ma: Dios wei̧ma mikwawökö ji̧ jö̧ba̧lö, Hitita jojo Urias ilekwonö 'döbebö, kwilekwo bajibanö kweminobetjö̧, bemi tupakwö kwi̧tji̧mu tupadanö jojodötjö ba̧kwelöjatebö ölakwabikwawa ja̧kobe, —jö̧ba̧lö Dios yöawi̧ yöawinobe Natanma Davidnö.

2 Samuel 12:14

Jo̧kwaijayonö, sulabenö ja̧köbinama, Isabenö Jo̧ Dios öpöjojodö sulabenö jo̧banö yötja̧lobö ja̧köbajabetija David, jo̧kwajabetjö Dios lȩebakwa̧ baikwö yötawakwö, kwitji̧ Betsabe jeminökwema isabenö ö'wö baibakobe, —jö̧ba̧lö yöawinobe Natanma, Davidnö.

1 Reyes 13:25

Jemi ikenama, jojodöma jobe tjöbaledinobe, ja̧danö iteba'o jobe bo̧be tjedinobe, ja̧danö didiba ö'öbö ö̧jobe tjedinobe. Ikenama, pöe ö̧jemi comunidad Betelbe tjichibinobe, ja̧danö ichibajadö, tjedaja̧ wene yötjawinobe.

1 Reyes 13:27

Ikenama pöema iteda itji̧munö weinobe, ajwi bulu oma'anö wanawaka tjöwanobö, ja̧danö tjabe'do weawö̧, weaja̧danö ja̧tjinobe.

Proverbios 11:31

Ja̧danö, ju'wibi yötawa: Dios wei̧ a̧ja̧kwadöma, bö̧jenö ja̧nö otiwanö tjö̧ji̧ mikwa baibanö iyawa emadö. Jobekwö Dios wei̧ a̧ja̧kwadö otiwanö tjȩmitjö̧ma sulabenö omukwatadöma ¿tajida tjȩmakwa̧jö? Isabenö yötawa: Sulabenö ja̧badöma sulabenö tjö̧ji̧ mikwa baibanö lȩekwada tjȩmakwedö.

1 Corintios 11:30

Jejenöobetjö̧, ökwödötjö ba̧jekwadö kwö'wöchaduwobe, ja̧danö kwime'dawaduwobe, ja̧danö ju'wedö debö tji̧'yinobe chömöledö.

1 Pedro 4:17

Jau chömöledö, isabenö usula demawobö jo̧be, 'dö̧ibaji̧ möle yöneawachibobetjö̧. Diosma jojodö ja̧tji̧ otiwinojobö sulinojobö jö̧ba̧lö tjo̧wi̧ jamatö yöawobö jo̧be, ja̧danö jejenö yöawakwa̧ma, iteda ömöledönö abönö yöawobö jo̧be. Ja̧danö chömöledö, ökwödö Dios lȩebi̧tjö ji̧badö jejenö usula demawobö ji̧tjö̧ma, ¡Ayö, Dios jawa otiwa jawa wene öpöjödadöwe! ¡Dios lȩebenama, jobadöma isabenö inesö labi̧ jawa tjemakwedöwe!