1 Reyes 13:21 - Dios Iwene

²¹ ja̧danö yöawiökwe, Juda nijitjö ichajo̧ Dios yöawi̧ yöbawo̧nö jwöbö yöa̧linobe, —Ayö, baikwö yöawobe Isabenö Jo̧ma ökwönö, –Isabenö Jo̧ weina jawa a̧ja̧kwökönö, weinöködanö sulabenö ja̧köbajabe. Kwuluwo̧ Isabenö Jo̧ Diosma jweinö ökwönö weinajayonö, a̧ja̧kwökönö wainö sulabenö ja̧köbajabe.

1 Reyes 13:21 ပူးပေါင်းရင်းမြစ်များ

Génesis 3:7

Ikenama waisachibijadötö tja̧di̧ju jwibö tjö̧jajabema. Jo̧kwayiawö̧ higuera towi öjiyatjö tja̧do̧danö di̧'yakwabinö a̧du̧kwijadötö, tjötabakwawobetjö̧.

2 Samuel 24:13

Weökwe, David ö̧jobekwö ichibö, Dios yöawaja̧ yöawinobe Gadma, ja̧danö David omudawö ujunobö yöawinobe: Bi̧ya Dios lȩebakwa̧ma, ¿dakwö lȩebobö omudawö kwujujunobeda? Wapötakwa o̧biya baledibanö a̧wi̧chi̧ tjöoböö̧kö̧, wamedukwa ja̧wo̧dö baledibanö kwöpöjojodö ökwödönö tjujuluwonö dökibajaduwoböö̧kö̧, wapötakwa möle baledibanö jojodö tjö'wöchobö Dios weoböö̧kö̧. Ökwöda omukwatö yöbawitjö, ötjönö webinanö ȩwa̧bijö chatadakobetjö̧.

2 Samuel 6:7

Jejenö maoko jawa maiökwe, Diosma ödameakwinobe Uzanö, ja̧danö jenada Diosma Uzanö lȩbebö kwabö loinobe. Jejenö lȩebökwe, jenada Dios iteapjo ö'öbö ja̧nö ö'wö baibinobe Uzama, Dios iteapjo maajobetjö̧.

1 Reyes 13:17

Isabenö Jo̧ma jweinö ötjönö weinobetjö̧, –Jobetjö kwökönö, ja̧danö owökönö, juluwanö kwȩwa̧jo, ja̧danö kwi̧'yina manabenö ȩwa̧jökönö, jelemabenö kwȩwa̧jo, –jö̧balö weinobetjö̧, ökwökwö chi̧'yoböma jwiobe, —jö̧ba̧lö atadinobe.

1 Reyes 13:20

Jemi ikenama, baikwö baledinobe: Dios yöawi̧ yöbawo̧nö a̧debajo̧, jo̧bakwö mesasötetjö tjö̧bemi ja'ötjö, Isabenö Jo̧ma iteda yöawi̧ yöawinobe pöenö, damötjö Dios yöawi̧ yöbawö otidinanö,

1 Reyes 13:22

Jau, ökwönö, -Ja̧ nijinö ja̧nö kwukwoko, ja̧danö kwowoko, -jö̧ba̧lö weinajayonö, yayonö tjebachajö baikwö ichö kwukwajabe, ja̧danö kwowajabe. Jo̧kwajabetjö̧, weti̧ a̧ja̧kwökönö wainö ja̧köbajobetjö̧, ökwönö tjo̧tjenama, kwa'dödönö tjo̧tjinemi tjo̧tjökakwo̧ja ökwönöma, jelobeda kwiteba'o tjo̧tja̧kwo̧ja, —jö̧ba̧lö Dios yöawaja̧ yöawinobe pöema.

1 Reyes 20:36

Jejenö öpöjödiökwe, yöawinobe Dios yöawi̧ yöbawo̧ma, —Isabenö Jo̧ ötjönö kwaköbobö wei̧ kwa̧ja̧kwokobetjö̧, isabenö lȩebakwo̧ ökwönö, chö̧jelö lakebenama, didibama juluwanö kwabö loakwo̧ja, —jö̧ba̧lö. Ja̧danö, yöa̧laja̧danö baledinobe, ö̧jelö laebenama, didibama juluwanö jobanö öbadekwajinobe, ja̧danö jo̧banö kwabö loinobe.

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.

1 Samuel 15:19

Jo̧kwajabetjö̧, tajawedö Isabenö Jo̧ wei̧ a̧ja̧kwökönö, weökö jawa ja̧köbaja̧da? Tajawedö mebibö, tjujuna̧li̧ do̧kataja̧da, tajawedö Dios weökö jawa sulabenö ja̧köbaja̧da? —jö̧ba̧lö Samuel yöawinobe Dios Saulnö yöa̧li̧ma.

1 Samuel 4:18

Elima jwiinö pöe ö̧jinobe, ja̧danö jwiinö o̧tewo̧ ö̧jinobe. Ja̧danö jejenö Dios iteapjo do̧tjatajabeta jö̧ba̧lö a̧ja̧kwenama, Elima o̧'wo tjo̧achö iteakatjö ökömakwö meinobe, ja̧danö mebö ulumea 'deawinobe, ja̧danö ö'wö baibinobe. Jwiinö pöe ö̧jobetjö̧, ja̧danö jwiinö ömöko̧obetjö̧, 'debawö ö'wö baibinobe. Ö'wö baibakwa̧ abönö, jo̧ba Elima cuarenta o̧biya baledibanö israel jojodönö jwebeba̧lö jina.