1 Reyes 13:20 - Dios Iwene

²⁰ Jemi ikenama, baikwö baledinobe: Dios yöawi̧ yöbawo̧nö a̧debajo̧, jo̧bakwö mesasötetjö tjö̧bemi ja'ötjö, Isabenö Jo̧ma iteda yöawi̧ yöawinobe pöenö, damötjö Dios yöawi̧ yöbawö otidinanö,

1 Reyes 13:20 ပူးပေါင်းရင်းမြစ်များ

1 Reyes 13:19

Ja̧danö, jejenö omöna yöa̧liökwe, Dios yöawi̧ yöbawo̧ma pöe yöa̧li̧ ösödinobe, jadanö jo̧bakwö 'ya̧nö, ejutjö ukwinobe, ja̧danö owinobe.

1 Reyes 13:21

ja̧danö yöawiökwe, Juda nijitjö ichajo̧ Dios yöawi̧ yöbawo̧nö jwöbö yöa̧linobe, —Ayö, baikwö yöawobe Isabenö Jo̧ma ökwönö, –Isabenö Jo̧ weina jawa a̧ja̧kwökönö, weinöködanö sulabenö ja̧köbajabe. Kwuluwo̧ Isabenö Jo̧ Diosma jweinö ökwönö weinajayonö, a̧ja̧kwökönö wainö sulabenö ja̧köbajabe.

Mateo 7:22

Inesö jojodönö lȩebakwa̧ möle baibenama, ba̧jekwadö ötjönö yötja̧lakwedö: Duluwo̧, isabenö kwömöayedösa. Ökwö kwiminö Dios yöawi̧ yödawijatö, ja̧danö ökwö kwiminö tjo̧'wo̧ luwo̧nö sulabedönö a'dewö lodijatö, ja̧danö jojodö edajitjökö ujulu jawa kwiminö di̧sebijatö, jö̧ba̧lö yötja̧lakobe.

Juan 11:51

Jejenö jö̧ba̧lö Caifásma wajwiijayonö baledakwa̧ jawa yöawinobe, Jesúsda ö'wöchakobe, ökwödö judío jojodö dö'wöchokobö, jö̧ba̧lö. Jejenö Caifásda yöawijayonö iteda omukwati̧maökö. Ite omukwati̧ma sulabenö omukwatinobe. Ja̧ yöawinama Dios omukwati̧da yöawinobe. Ja̧danö, Caifásma ja̧ o̧ba baledibanö Diostjö jojodötjö ö'weje la'aka pjabato̧ jawa otidinobe. Jo̧bama jejenö baledakwa̧ yöawinobe, Jesúsma ö'wöchakwo̧ ökwödö judío jojodö dö'wöchokobö, jö̧ba̧lö.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.