1 Reyes 13:14 - Dios Iwene

¹⁴ Dios yöawi̧ yöbawo̧ ökömanö lubö i̧'yinobe. Lubö 'ya̧jo̧, Dios yöawi̧ yöbawo̧nö öbadekwajinobe, encina towi teebe 'bo̧nö, ja̧danö badekwajo̧ jo̧banö abebö a̧ja̧kwinobe, —Ökwödaji̧, Dios ömöayo̧ Juda nijitjö ichajo̧ma? —jö̧ba̧lö. Abebö a̧ja̧kwökwe, —Jau, ötjödasa, —jö̧ba̧lö atadinobe.

1 Reyes 13:14 ပူးပေါင်းရင်းမြစ်များ

Génesis 12:6

Ichibajadöma okobe jwiinö Canaán nijinö kwebachijadötö, Siquem comunidad tjichibenanö kabatö. Jobema towi nöowi ji̧jetö Moré mikwowi. Ja̧danö, ja̧ mölema jobema Canaán jojodöbi ju̧kwijadötö.

1 Reyes 13:13

Tji̧sebökwe, itjimunö weinobe, —Chajwi bulo oma'anö, wa̧kwawaka kwöwanaduwo, jo̧ba ökömanö lubö chi̧'yakobetjö̧, —jö̧ba̧lö. Weajawö̧, wanawaka tjöwaninobe ajwi oma'anö, jadanö tjöwanajö̧kwe oma'anö wamatö,

1 Reyes 13:15

Atadökwe, pöema a̧debinobe, —Chejube kwicho, chejutjö kwakwawa kwukwobö, —jö̧ba̧lö.

1 Reyes 19:4

ja̧danö jemi tupakwö jojodö deobe jo̧dawa'ye i̧'yinobe, bakwöta möle baledibanö. Möle baledibanö jojodö deobe kwebachajo̧, arbusto towi ösadalena öbamatinobe. Jobe bamatajo̧, ö'wö baibotö jö̧ba̧lö Isabenö Jo̧nö aebinobe, —Chuluwo̧ Isabenö Jo̧, tjo̧wita, chö̧ji̧ chöpöjödachibajabe, tjo̧wi ötjönö kwabö loköbobö atebakwö. Jau chuluwo̧, cha'dödö tjotiwi̧tjö bajalekwönönö otiwö̧kö̧sa ötjöma, ja̧danö ö'wö babibajadö tjö̧ji̧danö, ida̧ökö ötjöbi ö'wö batibobö chösöda, kwabö loköbotjö, —jö̧ba̧lö aebinobe.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Juan 4:6

Jobema ojwese'do jo̧be, Jacob ojwese'do. Ja̧danö, Jesúsma, ödö i̧'yemi me'dawachibökwe je'do ö'öbö bamatö ö'wachinobe, jweinö ö̧jena.

2 Corintios 11:27

Ja̧danö, nöinö usula emawö otidiachijatö, ja̧danö nöinö yö̧te abökönö ji̧achijatö, ja̧danö a̧wi̧chi̧tjöbi ojwiyotjöbi, o̧ti̧ tjöbö ji̧achijatö, ja̧danö nöinö kwakwawabi jwibö ji̧achijatö, ja̧danö chejubi jwibö, kamijido̧ otiwado̧bi jwibö, tiyuwobe ji̧achijatö chömöledö.