1 Reyes 13:11 - Dios Iwene

¹¹ Ja̧danö, ja̧ möle bakwo̧ pöema Betelnö ö̧jinobe, ajayinö Dios yöawi̧ yöbawö otidinama. Itji̧muma baledaja̧ tjedinobe, ja̧danö edejadö, tjȩwa̧jenama tjabe'donö yötjawinobe, okobe jwiinö ja̧ möle Dios yöawi̧ yöbawo̧ Beteltjö ja̧aja̧ wenebi, la'aka luwo̧nö yöawaja̧ jawabi.

1 Reyes 13:11 ပူးပေါင်းရင်းမြစ်များ

1 Reyes 13:10

Ikenama, jejenö jö̧ba̧lajo̧, jalachibö ȩwa̧jinobe jelemabenö, Betelbe ichinökömanö.

1 Reyes 13:12

Yötjawiökwe, tjabe'doma abebö a̧ja̧kwinobe, —Dimanö ȩwa̧ja̧da, Dios yöawi̧ yöbawo̧ma? —jö̧ba̧lö. Abebö a̧ja̧kwawö̧, itji̧muma jo̧banö tji̧sȩbinobe, Judatjö ichajo̧ Dios yöawi̧ yöbawo̧ ȩwa̧ja̧ja manama.

1 Reyes 13:25

Jemi ikenama, jojodöma jobe tjöbaledinobe, ja̧danö iteba'o jobe bo̧be tjedinobe, ja̧danö didiba ö'öbö ö̧jobe tjedinobe. Ikenama, pöe ö̧jemi comunidad Betelbe tjichibinobe, ja̧danö ichibajadö, tjedaja̧ wene yötjawinobe.

2 Reyes 23:18

Yötjawökwe, —Ja̧ owobiakoma wainö ji̧, jo̧ba Dios yöawi̧ yöbawina iwe'ijuma, kwopjolataduwoko, —jö̧ba̧lö. Ja̧danö, jobekwö weawö̧, jo̧ba iwe'iju owobiakotjö tjeminokobe, ja̧danö ju'wibi jo̧ba ipjeanö tjotji̧nökwe, israel jojo Dios yöawi̧ yöbawina iwe'ijubi owobiakotjö tjeminokobe.

Mateo 7:22

Inesö jojodönö lȩebakwa̧ möle baibenama, ba̧jekwadö ötjönö yötja̧lakwedö: Duluwo̧, isabenö kwömöayedösa. Ökwö kwiminö Dios yöawi̧ yödawijatö, ja̧danö ökwö kwiminö tjo̧'wo̧ luwo̧nö sulabedönö a'dewö lodijatö, ja̧danö jojodö edajitjökö ujulu jawa kwiminö di̧sebijatö, jö̧ba̧lö yötja̧lakobe.

1 Timoteo 3:5

Baikwö yötawa Timoteo: Bakwo̧ iteda ejunö ju̧kwadönö jweebakwawa wajwiitjö̧ma, ju'wedö, Dios i̧tji̧munö jweebakwawabi wajwiena.

2 Pedro 2:16

Jejenö ösödina chömöledö, ja̧danö jelo̧ma jo̧banö sulabenö yökawa jö̧ba̧lö yöawinobe. Jau chömöledö, jejenö sulabenö yöawobö omukwatiökwe, iteda ajwida jojodö tjiwenenö lȩbebö yöawinobe. Kwöwaisaduwa chömöledö, ajwikwawedö bu̧lu̧döma yöba̧löködö, jo̧kwaijayonö Balaam ajwi buluma jojodö tjiwenenö yöawinobe, ja̧danö Balaam o̧'wo̧ jwiinö sulabenö yöawobö omukwataja̧ma kaatibobö yöawinobe. Jau chömöledö, ökwödönö sulabenö yöbawadöma, jo̧ba Balaam omukwatinadanö omukwatadö, balada tjemotö jö̧ba̧lö omukwatö. Jobadönö kwa̧ja̧kwaduwobö isabenö jwiobe chömöledö.

1 Samuel 10:11

Jejenö baledena, ajayinö Saulnö waisadöma Saul Dios yöawi̧ yöawobe tjedinobe, ja̧danö Dios yöawi̧ yöawiawö̧, yöba̧lakwawö abebö tja̧ja̧kwinobe, —Bite Cis itji Saulnö dakwö baledobeda, jo̧babi Dios yöawi̧ yöbawo̧ baibanö ö̧jobeji̧? —jö̧ba̧lö.