Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Reyes 12:1 - Dios Iwene

1-3 Jemi ikenama, Nebat itji̧ Jeroboanma Salomon ö'wö baibaja̧ wene a̧jakwinobe. Ja̧ wene a̧jakwenama, israel nijinö deinöbe Jeroboanma, Salomon öba a'otjö döbibajo̧, ina Egipto nijinö ö̧jinobetjö̧. Ja̧danö, Salomon ö'wö baibaja̧ ikenama, ju'wedö israel jojodöma yöbawadönö wetjinobe, Jeroboan israel nijibe tjeachajobö. Ikenama, okobe deinö israel jojodötjö sasokwena jojodöma Siquen comunidadnö tjo̧ko̧kokwinobe ja̧danö Salomon itji̧ Roboanma jobe i̧'yinobe, jobetjö sasokwena jojodöma jobanö inesö la'aka tju̧luwo̧ baibanö tjujunakobetjö̧. Jejenö ichibiawö̧, Nebat itji̧ Jeroboanbi, ju'wedö israel jojodötjö ko̧ko̧kwadöbi Salomon itji̧ Roboan öba a'o ichibö yötja̧linobe:

အခန်းကိုကြည့်ပါ။ ကော်ပီ




1 Reyes 12:1
14 ပူးပေါင်းရင်းမြစ်များ  

Ichibajadöma okobe jwiinö Canaán nijinö kwebachijadötö, Siquem comunidad tjichibenanö kabatö. Jobema towi nöowi ji̧jetö Moré mikwowi. Ja̧danö, ja̧ mölema jobema Canaán jojodöbi ju̧kwijadötö.


Ikenama, Salomonma ö'wö baibinobe, jadanö ö'wö babibajo̧nö tjotjinobe, abe'do David imi laebelö, David itebo comunidad ötjabena. Ja̧danö, ö'wö baibaja̧ ikenama, Salomon itji̧ Roboan mikwo̧ma la'aka luwo̧ baibinobe.


Israel jojodötjö inesö la'aka luwo̧ babibajo̧, efrain niji mösa'iju jȩmi comunidad Siquen 'diinö tjöbebö otidinobe Nebat itji̧ Jeroboanma, ja̧danö jobe ö̧jinobe, iteda webö ö̧jemi comunidad baibanö. Ikenama, ja'yubenö lekwajabetjö̧, jobetjö labebö, Peniel comunidadbe i̧'yinobe, ja̧danö Peniel comunidadbi 'diinö tjöbebö otidinobe.


Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö.


Jejenö yöawawö̧, bi̧ya comunidadbiya 'da̧batö tjujuninobe, tjöeba̧lakwawa comunidad baibanö: Galilea niji comunidad Cedes 'da̧batö tjujuninobe, tjöeba̧lakwawa comunidad baibanö. Cedesma, Neftalisaso jojodö tjitebo comunidad, mösa'iju jȩmi comunidad. Ju'wibi Siquen comunidad 'da̧batö tjujuninobe. Siquenma Efrainsaso niji mösa'iju jȩmi comunidad. Ju'wibi Quiriat Arba ju'wi imi Hebron comunidad 'da̧batö tjujuninobe. Hebronma Judasaso niji mösa'iju jȩmi comunidad. Jejenö Jordan ojwetjö jawo̧ meajobekwö wapötakwa comunidad 'da̧batö tjujuninobe, tjöeba̧lakwawa comunidad baibanö.


Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.


Ja̧danö, tja'dömine Jose iwe'iju, Egipto nijitjö tjichejebina iwe'ijuma, Siquen comunidadtjö tjo̧tjinobe. Ja̧ Josenö tjo̧tjinemima, damötjö̧ Jacob Siquen mikwo̧ abedo Jamor mikwo̧tjö midö eminemi. Jacobma cien balada ö̧pibiya imidinobe Jamornö, iteda itea niji baibanö emobö, ja̧danö ja̧ nijima Jose itji̧mu tupadanö jojodö tjitea niji baibinobe.


Ja̧danö, Gedeon ö'wö baibaja̧ ikenama, itji̧ Abimelecma iteda ojo'do jömöledöbi, jömöledösaso jojodöbi tjö̧jobekwö i̧'yinobe, Siquen comunidadbe. Ichibö, jobadönö yöa̧linobe baikwö:


Ikenama, okobe deinö Siquen comunidad la'aka luwedöbi, Bet Milo comunidad luwedöbi, ko̧ko̧kwö, inesö nöowi Encina towibe tji̧'yinobe, Siquen comunidad ö'öbö towibema, ja̧danö jobetjö̧ Abimelecnö 'da̧batö tjujuninobe, inesö la'aka tjuluwo̧ baibanö ö̧jobö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ