1 Reyes 11:26 - Dios Iwene

²⁶ Ja̧danö Salomon öpöjojodötjö jelo̧ma Jeroboan mikwo̧. Jo̧ba Jeroboanma, Nebat itji̧, ja̧danö Efrainsaso comunidad Sereda jojo. Jeroboan ojo'doma, Zerua mikwuju, jilekwenö wobekwinujuma. Ajayinö Salomon ömöayo̧ ö̧jinajayonö, jo̧ba Jeroboanbi Salomon öpöjojo baibinobe.

1 Reyes 11:26 ပူးပေါင်းရင်းမြစ်များ

Génesis 35:16

Ikenama jobetjö labebajadö Efrata comunidadkwö ȩwa̧jijadötö. Ina Efrata comunidad ödöobe Raquelnöma jukwa'wo niatibijetö, me'tuwo jujunöma. Jwiinö niatibijetö Raquelnöma.

2 Samuel 20:21

Ökwödönö söbebö lodoböma jö̧ta̧lökö, jo̧kwaijayonö, bakwo̧, Efrain mösa'ijutjö ichajo̧ Bicri itji̧ Sabama, la'aka duluwo̧ David wei̧ öpöjödö, ölakwabikwawobö jö̧a̧lobe. Jo̧kwajabetjö̧, Sabanö pjabatökönö, jo̧banö do̧batö kwiyaduwitjö̧ma, ölakwabikwawökönö kwiteboduwitjö̧ dȩwa̧jakwedösa, —jö̧ba̧lö atadinobe Joabma. Yöa̧loko, —Jau, teada̧li, uu bulatö lobö, tjöekwemi wamenö ikwö diyakobe, —jö̧ba̧lö jatadinobe.

1 Reyes 11:11

Jo̧kwajabetjö̧, Isabenö Jo̧ma Salomonnö yöa̧linobe, baikwö: —Salomon, ökwönö yöbawö chujunijatö ökwöbi kwitji̧mubi israel la'aka luwedö tjö̧jakwa̧ma, baikwö weti̧ kwa̧ja̧kwaduwitjö̧ma, isabenö israel luwedö kwö̧jaduwakwedöja, jö̧ba̧lö. Jo̧kwaijayonö, weti̧ a̧ja̧kwökönö kwö̧jajabe Salomon, jo̧kwajabetjö̧ israel jojodö tjuluwedö kwö̧ja̧duwi̧ ökwödötjö 'dötebakwo̧sa, ja̧danö 'döbebajo̧, kwömöayedötjö jelo̧nö chiyakwo̧sa.

1 Reyes 11:25

Ja̧danö, Siria niji la'aka luwo̧ ja̧nö, Salomon la'aka luwo̧ ö̧jena baledibanö, jwiinö israel jojodönö öpöjödö, Salomon öpöjojo ö̧jinobe, ja̧danö Edom niji luwo̧ Hadad sulabenö ja̧bö ö̧ji̧danö, jobabi jwiinö sulabenö jabö ö̧jinobe.

1 Reyes 14:16

Jau jojosuju, kwilekwe Jeroboan sulabenö ja̧iökwe, jobekwö lȩebakobe Diosma israel jojodönö, kwilekwe isabenö jwiinö sulabenö ja̧inobetjö̧. Kwilekwe Jeroboanma Dios weökö jawa sulabenö ja̧inobe, ja̧danö ju'wibi iteda sulabenö ja̧aja̧danö ju'wedö israel jojodönöbi sulabenö Dios weökö jawa sulabenö ja̧tjobö weinobe, ja̧danö jejenö sulabenö ja̧tjiökwe, israel jojodönö le'dedö loakobe Isabenö Jo̧ma, —jö̧ba̧lö yöawinobe Ahiasma, Jeroboan ilekwonöma.

1 Reyes 16:3

jadanö jejenö chödameakwobetjö̧, ökwöla jwiinö ubö loi̧danö, jwiinö ökwö Basanö söbebö lotakwo̧sa ökwönöbi, kwömöledönöbi. Jau Basa, Jeroboan ömöledönö baledinadanö, ökwö kwömöledönöbi baledobö wetakwo̧sa, baikwö yöta̧la:

1 Reyes 21:22

Jau Acab, chödameakwinö jaköbajabe, jadanö israel jojodö sulabenö ja̧tjobö weköbajabe, jo̧kwajabetjö ökwönö lȩbebö söbebö lotocha, baikwö yötawa: Ökwötjö ajayinö ji̧nadö la'aka luwedö Jereboanbi, Basabi tjömöledö deinö batjibanö lȩtebinadanö, ökwötjö tupadanö jojodönöbi söbebö lotocha, ji̧bo̧ bakwo̧bi deinö, —jö̧ba̧lö Dios yöawi̧ yöawinobe Eliasma.

1 Reyes 9:22

Jobadö 'dii̧nö tjotidobö wei̧danöma weinokobe, a̧dekwanö israel jojodönöma, Isabenö bidöma chömöledö otiwadö, jö̧ba̧lö. Israel jojodötjö Salomon ömöayedö tjotidinama, bi̧ya: Ju'wedöma ölakwabikwawa jojodö tjö̧jinobe, ju'wedöma ölakwabikwawa jawa luwedö tjö̧jinobe, ju'wedöma kolukanö kwebachö ölakwabikwawadö tjö̧jinobe, ju'wedöma kabayudönö wa̧nö ölakwabikwawadö tjö̧jinobe, ju'wedöma la'aka luwedö tjö̧jinobe,

1 Crónicas 2:19

Jemi ikenama Azubama ö'wö bajibinobe, ja̧danö ö'wö bajibaja̧ ikena, jelujunö eminobe Calebma, Efrata mikwujunö, ja̧danö Efratama Caleb itji̧ Hur mikwo̧nö jeminobe.

Jueces 12:5

Ja̧danö Galaad jojodöma Jordan ojwe peikwelö tjujuluwinobe, ja̧danö tötjeba̧linobe, Efrainsaso ölakwabikwawa jojodö petjibapji jö̧ba̧lö. Ja̧danö, Efrainsaso ölakwabikwawadötjö bakwo̧ ichibö, —Petibobö jö̧ta̧la, —jö̧ba̧lö aebenama, abebö tja̧ja̧kwinobe, —Ökwöma Efrainsaso jojoköbiji̧? —jö̧ba̧lö. Ja̧danö, —Efrainsaso jojobö̧kö̧sa, —jö̧ba̧lö ataditjö̧ma,

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.