Ina jö̧ba̧lijetö Isabenö Jo̧ Diosma Abramnöma: —Abram, ökwötjö tupadanö jojodönöma, tjitebonö ba̧jekwachö juluwadö batjibobö dösölö̧jinö edö pjatatakwo̧sa. Ja̧danö Abram, ökwönö otiwanö kwö̧jobö dösölö̧jinö edö pjatatakwo̧sa. Jejenö pjatatobetjö̧ okobe deinö bö̧jenö ju̧kwadöma jojodö yötjawi̧ a̧ja̧kwö tjöwaisachibakwedö, Abramma Dios dösölö̧jinö edö pjaatökwe, jö̧ba̧lö. Ja̧danö Abram, ökwönö dösölö̧jinö edö pjatatobetjö̧, ökwönödamaö̧kö̧, okobe deinö böjȩnö ju̧kwadönö dösölö̧jinö edö pjatatocha— yöba̧lijetö Isabenö Jo̧ Diosma Abramnöma.
1 Reyes 11:12 - Dios Iwene12 Jo̧kwaijayonö, kwabe'do Davidminenö omukwatö, ina 'ya̧kalayima 'dötebökakwo̧sa, ökwö kwitji̧tjöda israel jojodö tjuluwedö kwö̧ja̧duwi̧ 'dötebakwo̧sa. အခန်းကိုကြည့်ပါ။ |
1 Reyes 11:12
16 ပူးပေါင်းရင်းမြစ်များ
Jo̧kwajabetjö̧, Isabenö Jo̧ma Salomonnö yöa̧linobe, baikwö: —Salomon, ökwönö yöbawö chujunijatö ökwöbi kwitji̧mubi israel la'aka luwedö tjö̧jakwa̧ma, baikwö weti̧ kwa̧ja̧kwaduwitjö̧ma, isabenö israel luwedö kwö̧jaduwakwedöja, jö̧ba̧lö. Jo̧kwaijayonö, weti̧ a̧ja̧kwökönö kwö̧jajabe Salomon, jo̧kwajabetjö̧ israel jojodö tjuluwedö kwö̧ja̧duwi̧ ökwödötjö 'dötebakwo̧sa, ja̧danö 'döbebajo̧, kwömöayedötjö jelo̧nö chiyakwo̧sa.
Jo̧kwaijayonö, jwiinöma ökwödötjö 'dötebökakwo̧sa, ina israel jojodötjö bakwaso luwedö kwö̧jaduwobö wetakwo̧sa, ötjö chömöayo̧mine Davidnö ösödö chomukwatobetjö, ja̧danö ötjö omudawö chujuninemi Jerusalen comunidad ösödö chomukwatobetjö, ökwödö David itji̧mu tupadanö jojodö ina bakwaso luwedö kwö̧jaduwobö wetakwo̧sa, —jö̧ba̧lö yöawinobe Isabenö Jo̧ma, Salomonnöma.
Ikenama kȩ'ebö lobajo̧, kȩ'ebö loaja̧ jawatjö domulataja jawa Jeroboannö iyö yöawinobe: —Kwitea baibanö bi̧do̧ kwemo, israel jojodö tjuluwo̧ Isabenö Jo̧ Diosma baikwö yöawobetjö̧: –Jeroboan, juluwanö Salomontjö 'dötebocha, okobe deinö israel jojodötjö inesö la'aka luwo̧ ö̧ji̧ma, ja̧danö 'döbebajo̧, ökwö Jeroboannö chiyakwo̧sa, israel jojodö ali̧nösamutjö dosolataja jojodötjö, domulataja jawasaso la'aka luwo̧ bakibanö.
Jo̧kwaijayonö, ju'wedö domulataja jawasaso Salomontjö 'dötebijayonö, ina bakwaso la'aka luwo̧ ö̧jobö wetocha. Jau, Salomon abe'do chömöayo̧mine Davidnö otiwanö omukwatö ösödo̧sa, ja̧danö okobe jwiinö israel niji sasokwena nijitjö ötjöda chitebo baibanö 'da̧batö chujuninemi Jerusalen comunidad otiwanö omukwato ösödo̧sa, jadanö ja omukwatö, ina bakwaso luwo̧ ö̧jobö wetakwo̧sa Salomonnö.
— –Jo̧kwaijayonö, la'aka luwo̧ ö̧ji̧ Salomontjö 'dötebijayonö, ina 'ya̧alayima 'dötebökakwo̧sa. Israel jojodö la'aka tjuluwo baibanö omudawö chujuninökwe, Salomon abe'do Davidma otiwanö weti̧ a̧ja̧kwö ji̧na, jadanö ja̧ weti̧ a̧ja̧kwö ö̧jina omukwatö, ina Salomon 'ya̧alayima la'aka luwo̧ ö̧jobö wetakwo̧sa.
—Chöba a'otjö Acab –Mikwawö̧kö̧sa, –jö̧ba̧lö i̧sebaja̧ kwedaji̧? Baikwö yötawakwö, lȩtebakwa yötawajökwe, chöba a'otjö, –Mikwawö̧kö̧sa, –jö̧ba̧lö, o̧'wo tjo̧achi̧ i̧sȩbö jo̧, ja̧danö jejenö ö̧jobetjö̧, iteda ina 'ya̧alayima ömöledönö lȩtebökakwo̧sa, itji̧da la'aka luwo̧ ö̧jenada, okobe deinö ömöledönö söbebö lobö lȩtebocha, —jö̧ba̧lö yöawinobe Isabenö Jo̧ma, Eliasnö.
Jobekwö yöawiökwe, Ezequiasma omukwatinobe, —Jobekwö yadakwö baledobö ji̧jayonö, ina 'yata̧layi, ötjöbi ju'wedö chömöledö Juda jojodöbi otiwanö dö̧jakwedösa, debö chi̧'yaja̧ okobe baledakwa̧da yöawajabe, —jö̧ba̧lö. Ja̧danö jobekwö omukwatö, Isaias yöawi̧ ösödö atadinobe: —Jau Isaias, Isabenö Jo̧ yöawi̧ yökawajama, otiwa, otiwanö yökawajabe, —jö̧ba̧lö.
Jo̧kwaijayonö, sulabenö ja̧bö ö̧jijayonö, yayonö itebosaso Judasaso söbebö looböma öpöjödinobe Isabenö Jo̧ma. Ömöayo̧mine Davidnö otiwanö omukwatobetjö̧, ja̧danö Davidnö, —Kwitji̧mu tupadanö jojodö ba̧kwelöjatebö webö tjö̧jobö wetocha, —jö̧ba̧lö yöbawö ujuninobetjö̧, Yoram sulabenö ja̧bö ö̧jijayonö, Juda jojodönö söbebö loinokobe.
Ja̧jaye otikwa tjöba a'otjö kwöbaduwi bȩbachibö nijakwö kwuuduwinö kwösödaduwoko ötjöda Isabenö Jo̧chobetjö̧, Kwösödaduwökwe Dioschobetjö̧. Ile nibebo̧sa ökwödönöma, Ötjönöda kwösödaduwo, jö̧ba̧lö. Isabenö, o̧'wo jawa ösödadönöma lȩtebakwo̧sa, ja̧danö jobadönödamaö̧kö̧, ba̧kwȩlö̧jatebö̧ lȩtebakwo̧sa jobadötjö tupadanö jojodönöbi. Jao, ötjönö öpöjödö o̧'wo jawa ösödadö tji̧tji̧munöbi, tjö̧'dö̧dönöbi, ja̧danö tjö̧'dö̧dö tji̧tji̧munöbi, ja̧danö tupakwö, tjö̧'dö̧dö tjö̧'dö̧dönöbi lȩtebakwo̧sa.
ကြော်ငြာတွေ