1 Reyes 11:11 - Dios Iwene

¹¹ Jo̧kwajabetjö̧, Isabenö Jo̧ma Salomonnö yöa̧linobe, baikwö: —Salomon, ökwönö yöbawö chujunijatö ökwöbi kwitji̧mubi israel la'aka luwedö tjö̧jakwa̧ma, baikwö weti̧ kwa̧ja̧kwaduwitjö̧ma, isabenö israel luwedö kwö̧jaduwakwedöja, jö̧ba̧lö. Jo̧kwaijayonö, weti̧ a̧ja̧kwökönö kwö̧jajabe Salomon, jo̧kwajabetjö̧ israel jojodö tjuluwedö kwö̧ja̧duwi̧ ökwödötjö 'dötebakwo̧sa, ja̧danö 'döbebajo̧, kwömöayedötjö jelo̧nö chiyakwo̧sa.

1 Reyes 11:11 ပူးပေါင်းရင်းမြစ်များ

1 Reyes 11:12

Jo̧kwaijayonö, kwabe'do Davidminenö omukwatö, ina 'ya̧kalayima 'dötebökakwo̧sa, ökwö kwitji̧tjöda israel jojodö tjuluwedö kwö̧ja̧duwi̧ 'dötebakwo̧sa.

1 Reyes 11:26

Ja̧danö Salomon öpöjojodötjö jelo̧ma Jeroboan mikwo̧. Jo̧ba Jeroboanma, Nebat itji̧, ja̧danö Efrainsaso comunidad Sereda jojo. Jeroboan ojo'doma, Zerua mikwuju, jilekwenö wobekwinujuma. Ajayinö Salomon ömöayo̧ ö̧jinajayonö, jo̧ba Jeroboanbi Salomon öpöjojo baibinobe.

1 Reyes 11:29

Ja̧danö, ju'wi möle Jeroboan Jerusalentjö labebajo̧ kweachenama, Dios yöawi̧ yöbawo̧, Silo comunidad jojo Ahias mikwoma ju'wedö jojodö deinö jo̧banö öbadekwajinobe. Jo̧banö öbadekwajenama, Ahiasma kamijido̧ wamesa̧do̧ 'yayado̧ 'duawinobe,

1 Reyes 11:31

Ikenama kȩ'ebö lobajo̧, kȩ'ebö loaja̧ jawatjö domulataja jawa Jeroboannö iyö yöawinobe: —Kwitea baibanö bi̧do̧ kwemo, israel jojodö tjuluwo̧ Isabenö Jo̧ Diosma baikwö yöawobetjö̧: –Jeroboan, juluwanö Salomontjö 'dötebocha, okobe deinö israel jojodötjö inesö la'aka luwo̧ ö̧ji̧ma, ja̧danö 'döbebajo̧, ökwö Jeroboannö chiyakwo̧sa, israel jojodö ali̧nösamutjö dosolataja jojodötjö, domulataja jawasaso la'aka luwo̧ bakibanö.

1 Reyes 12:20

Ja̧danö, Salomon itji̧ Roboannö kabatibajadö, okobe deinö israel jojodötjö u'dakwö ju̧kwadöma Nebat itji̧ Jeroboannö tja̧ja̧kwinobe, —Egipto nijibetjö ȩwa̧jabe Jeroboanma, —jö̧ba̧lö, ja̧danö a̧ja̧kwajadö, jo̧banö jwötjinobe, ko̧ko̧kwö tjö̧jobe ichobö. Ikenama, Nebat itji̧ Jeroboannö 'da̧batö tjujuninobe, okobe deinö israel jojodötjö inesö la'aka luwo̧ ö̧jobö. Israel jojodötjö, sule Judasaso jojodöda David itji̧mu tupadanö jojodönö tjösödinobe, —David itji̧mu tupadanö jojodö tjömöayedösa, —jö̧ba̧lö.

2 Reyes 17:15

Isabenö Jo̧ma tja'dödökwö bakobe ja̧bö tjö̧jakwa̧ jawa wene yöbawö ujuninobe, —Isabenö weti̧ kwa̧ja̧kwaduwobö jö̧ba̧ladöja, —jö̧ba̧lö, ja̧danö jobadönö webajo̧, jweinö yöawinobe, a̧ja̧kwökönö tjö̧jitjö̧ma lȩebakwa̧ma. Jo̧kwaijayonö ja̧ jobadönö weinama tjöpöjödinobe israel jojodöma, mikwawökö ji̧ jö̧ba̧lö. Ja̧danö omöna yöba̧ladö batjibanö, tjösödo jö̧tja̧lökwenö kabatibö, mikwawöködö o̧'wo jawanö tjösödinobe. Ja̧danö ajayinö jweinö, —Ju'wedö tjitebotenia jojodö, kwitebo ö'öbö ju̧kwadö sulabenö ja̧bö tjö̧jidanö ja̧bö jö̧kö̧naduwi, —jö̧ba̧lö Isabenö Jo̧ jweinö weinajayonö, wei̧ a̧ja̧kwökönö, bakwainö ju'wedö sulabenö ja̧bö tjö̧ji̧danö ja̧bö tjö̧jinobe israel jojodöma.

2 Reyes 17:21

Ajayinö israel sasoteniatjö domulataja jawa oso David ömöledö tjujulutjö Dios 'yebö loenama, jobadö domulataja jawa oso jojodöma Nebat itji̧ Jeroboannö tjujuninobe, idöda tjuluwo̧ inesö la'aka luwo̧ baibanö. Ja̧danö Israel la'aka luwo̧ babibajo̧, ömöayedö israel jojodönö Isabenö Jo̧ ö̧jelö 'da̧bachibö tji̧'yobö weinobe, ja̧danö inesö sulabenö ja̧awa ja̧tjobö weinobe.