1 Reyes 1:53 - Dios Iwene

⁵³ Yöba̧lajo̧, la'aka luwo Salomonma iteda ömöayedönö weinobe, Diosnö iyawötenö ö̧jelö Adoniasnö tjichejebobö, ja̧danö Salomon öba a'o ichibö, bȩachibinobe, —Chuluwoja, —jö̧ba̧lö. Ichibiökwe, —Kwejube da̧ji̧ chöpöe, —jö̧ba̧lö webö loinobe Salomonma.

1 Reyes 1:53 ပူးပေါင်းရင်းမြစ်များ

2 Samuel 1:2

Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

2 Samuel 14:24

Jo̧kwaijayonö, Jerusalenbe tjichibenama, öba a'o Absalon ichibobö weinokobe Davidma, —Wainö, iteda ejunö ö̧jobö jo̧be, chöba a'o ichibobö jwibo̧, —jö̧ba̧lö. Jo̧kwajabetjö̧, iteda ejunö ö̧jinobe, ja̧danö la'aka luwo̧ David öba a'o ichibinokobe.

2 Samuel 14:28

Dötölataja o̧biya baledibanö, abe'do la'aka luwo̧ Davidnö edökönö Jerusalennö ö̧jinobe Absalonma.

2 Samuel 14:33

Atadökwe, Joabma la'aka luwo̧ David ö̧jobekwö i̧'yinobe, ja̧danö Absalon yöa̧laja̧ yöawinobe. Yöawiökwe, Absalon öba a'o ichibobö weinobe, ja̧danö David öba a'o ichibö, öba nijakwö öbamatinobe, isabenö la'aka chuluwo̧ja jö̧ba̧lö. Ja̧danö, la'aka luwo̧ Davidma Absalonnö ösödö du̧atinobe, ökwönö edö chösöda, jö̧ba̧lö.

1 Reyes 1:16

ja̧danö ichibaju, jilekwe David öba a'o juu nijakwö bȩbachibö jösödinobe, —La'aka chuluwo̧ja, —jö̧ba̧lö. Jejenö jichibiökwe, la'aka luwo̧ Davidma abebö a̧ja̧kwinobe, —Kwösödi̧ma di̧yada chilekwo? —jö̧ba̧lö.

1 Reyes 1:31

Yöawoko, Betsabema jöba nijakwö bȩjachibinobe David öba a'otjö, jadanö ösödö yöja̧linobe, —Chuluwo la'aka luwo̧ David, lekwe möle inesö la'aka duluwo̧ kwö̧jobö chösöda, —jö̧ba̧lö.

1 Reyes 1:52

Jejenö yötja̧liökwe, Salomonma atadinobe: —Isabenö yötawaduwakwö, Adoniasma isabenö chömöayo̧ otiwo̧ ö̧jitjö̧ma, isabenö ja'yubebi sulabenö ja̧tökakwo̧sa jo̧banöma. Jo̧kwaijayonö, chömöayo̧ sulabo̧ ja̧nö, sulabenö jaitjö̧ma, isabenö ö'wö baibakwo̧, —jö̧ba̧lö atadinobe.

1 Reyes 2:1

Ja̧danö, David ö'wö baibakwa̧ yöneawachibenama, iteda itji̧ la'aka luwo̧ Salomonnö yöawinobe, baikwö:

1 Reyes 2:36

Jemi ikenama, la'aka luwo̧ Salomonma Davidnö sulabenö yöba̧lina Siminö jwöinobe, ö̧jobekwö ichobö. Ja̧danö, ichibajo̧nö weinobe: —Simi, kweju kwotido Jerusalen comunidadnö. Ikenama, otidajo̧, bena Jerusalennöda kwö̧jo, jelobekwö labebökönö.

Proverbios 24:21

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, Isabenö Jo̧nö yebabinö kwomukwatobö jo̧be. Ja̧danö, böjȩnö inesö la'aka luwo̧nöbi otiwanö omukwatö kwö̧jobö jo̧be, chuluwo̧, jö̧ba̧lö. Ja̧danö, Isabenö Jo̧ wei̧bi, böjȩnö inesö la'aka luwo̧ wei̧bi kwa̧ja̧kwobö jo̧be. Chitji̧ jwebebö yötawakwö: Isabenö Jo̧nöbi, inesö la'aka luwo̧nöbi a̧ja̧kwöködö labidökwö pjabacha̧lö kwö̧joko.