1 Reyes 1:44 - Dios Iwene

⁴⁴ Jau, la'aka luwo̧ Davidma, ö'weje pjabato̧ Sadocnöbi, Dios yöawi̧ yöbawo̧ Natannöbi, Benaiasnöbi, ömöayedö la'aka luwo̧nö tjöbeba̧lö teada̧ladönöbi weajabeta, Salomonkwö tji̧'yoböma. Weiawö̧, Salomonnö wetjatö, la'aka luwo̧ ajwi kabayunö öwobö,

1 Reyes 1:44 ပူးပေါင်းရင်းမြစ်များ

Génesis 36:24

Ja̧danö Seir ikena itji̧ Zibeón mikwo̧ma i̧tji̧mu du̧ju̧tajanö ömadönö 'yabebijetö, bidö: Aiah, Anánö. Jo̧ba Anáma mejetjö ojwese'do tube'do ajayinö badekwajina, abe'do Zibeón a̧jwi̧mu bu̧lu̧dönö meje'ye tjukwobö öbibö 'ya̧jo̧.

2 Samuel 20:7

Weökwe, Sabanö lubö i̧'yinobe Abisaima, ja̧danö öibawö̧, Joab ömöayedö ölakwabikwawa jojodöbi, la'aka luwo̧nö tjöbeba̧lö teada̧ladöbi, ju'wedö David ömöayedötjö inesö juluwadöbi Abisaikwö tji̧'yinobe.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 1:33

ja̧danö ichibajadönö weinobe: —Ötjö kwuluwo̧duwi chömöayedö la'aka luwedönö öbibö, chitji̧ Salomonnö chajwi kabayunö öwobö weköbaduwo, ja̧danö chajwi oma'anö öwonö, jobadönö ökibaduwo, Guijon ojwese'dobe.

1 Reyes 1:43

Jo̧kwaijayonö, —Otiwa jawa wene yöbawö kwichaji̧, —jö̧ba̧lö abebö a̧ja̧kwiökwe, —Otiwa jawa wene yöbawö ichö̧kö̧sa. Inesö la'aka duluwo̧ Davidma, kwöjawo̧ Salomonnöda ujunajabe, inesö la'aka luwo̧ baibanö.

1 Reyes 1:45

ja̧danö Guijon ojwese'dotjö Sadocbi, Natanbi Salomon uunö o̧te totjebajabeta, inesö la'aka luwo̧ baibanö. Ikenama jobetjö tjebachajö, David ejube tjo̧'wo ösöwachibanö nöchö tji̧'yajabe. Jejenö balediawö̧, okobe deinö comunidad jojodöma tjo̧'wo ösöwachibanö jwötjeba̧lobe, ja̧danö ja̧ baledi̧ ökwöi̧da kwa̧ja̧kwaduwajabe.

1 Crónicas 17:1

Jemi ikenama, Davidma ida̧ökö wene jwiinö iteda eju otiwejunö ö̧jenama, Davidma omukwatö yöa̧linobe Dios yöawi̧ yöbawo̧ Natan mikwo̧nö: —Natan, ötjöma beju otiweju, cedro towi ötebiyatjö otikwejunö otiwanö chö̧jobe, ¿jö̧tö? Jau, otiwejunö chö̧jobe, jo̧kwaijayonö otiwejunö chö̧jonö, Chuluwo̧ Isabenö Jo̧ iteapjoma otiwejunö jo̧kobe, löwötenöda, sabana'wotjö otikwejunöda jo̧be Chuluwo̧ iteapjoma. Chedemi sula, ötjö otiwejunö chö̧jonö, chuluwo̧ iteapjo sulabejunöda jo̧böma, —jö̧ba̧lö yöa̧linobe Davidma Natannö.

1 Crónicas 18:17

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧muma, la'aka luwedö ja̧nö, yöne ömöayedö tjö̧jinobe.

1 Crónicas 6:8

Ahitobma Sadoc mikwo̧ abe'doinobe. Sadocma Ahimaas mikwo̧ abe'doinobe.

1 Samuel 30:14

Jemi abönö ökwödöma naukwabinö dölakwabikwawijatö, a̧li̧kwöchobe. Cereteos jojodö tjitebotjöbi, Juda nijitjöbi, Calebmine itebotjöbi naukwabinö ölakwabikwawö kwedachijatö, ja̧danö ju'wibi Siclag comunidad juwö lodijatö, —jö̧ba̧lö yöawinobe Davidnö.