1 Reyes 1:42 - Dios Iwene

⁴² Ina abebö a̧ja̧kwemi ja'ötjö, ö'weje pjabato̧ Abiatar itji̧ Jonatan mikwo̧ma ichibinobe. Ichibiökwe, Adoniasma jo̧banö yöa̧linobe, —Tebachi chömöledöso̧, ökwöma isabenö otiwanö tjomukwatökweja, otiwa jawa wene yöbawö kwichaji̧? Yöbawi, —jö̧ba̧lö.

1 Reyes 1:42 ပူးပေါင်းရင်းမြစ်များ

2 Samuel 15:27

Tukwakwö yöa̧linobe la'aka luwo̧ Davidma tjö̧'da̧de pjabato̧ Sadocnö: —Sadoc, ökwöma tupakwö baledakwa̧ yöbawo̧ja, ¿jö̧tö? Jo̧kwajabetjö̧ baikwö atebakwö, wene jwiinö Jerusalenbe kwȩwa̧jo, kwitji̧ Ajimazkwöbi, Abiatar itji̧ Jonatankwöbi.

2 Samuel 15:36

Sadoc itji̧ Ajimazbi, Abiatar itji̧ Jonatanbi jobadökwö tjö̧jobe, ja̧danö jobadönötjö̧ okobe jwiinö kwa̧ja̧kwaja̧ wene weköbo, chöwaisobö, —jö̧ba̧lö weinobe Davidma, Husaynö.

2 Samuel 17:17

Tjö̧'da̧de pjabatadö tji̧tji̧mu Ajimazbi, Jonatanbi Jerusalen comunidad okwa tetjachobö jwiinobe, tetjachena Absalon ömöayedö jobadönö tjedapji jö̧ba̧lö, jo̧kwajabetjö̧ jobadöma Enroguel comunidadnö tjiteada̧linbe, wene tja̧ja̧kwena, tupakwö la'aka luwo̧ Davidnö yöbawö tji̧'yobö. Ja̧danö, omukwatö tjujuninobe, Sadocbi Abiatarbi baledi̧ wene tja̧ja̧kwenama, bakwuju tjömöayujunö wetjobö, Jonatannöbi, Ahimaznöbi wene yöjawobö, yöjawaja̧ tupakwö Davidnö yötjawobö.

2 Samuel 18:27

Ikenama eda̧lo̧ma yöawinobe, —Chedemi abönö ö'öbakwawo̧ma, Sadoc itji̧ Ajimaz ö'öakwawi̧danö ö'öakwawobe, Ajimazdaena, —jö̧a̧lökwe, —Kwatjö̧ma, Ajimaz ichitjö̧ma, otiwanö baledajena. Ajimazma otiwo̧, ja̧danö jwaikwöda otiwa jawa weneda yöbawo̧, —jö̧ba̧lö yöa̧linobe Davidma.

1 Reyes 1:41

Ja̧ baledi̧ma, Adoniasbi, a̧debaja̧wö̧bi kwanö katjatajena, baledinobe. Ja̧danö trompeta pjutjobe a̧ja̧kwö, Adoniaskwö jo̧ Joabma abebö a̧ja̧kwinobe, —Comunidadtjö, tajawedö labinö ökwöobeda, —jö̧balö.

1 Reyes 1:43

Jo̧kwaijayonö, —Otiwa jawa wene yöbawö kwichaji̧, —jö̧ba̧lö abebö a̧ja̧kwiökwe, —Otiwa jawa wene yöbawö ichö̧kö̧sa. Inesö la'aka duluwo̧ Davidma, kwöjawo̧ Salomonnöda ujunajabe, inesö la'aka luwo̧ baibanö.

1 Reyes 22:18

Yöawiökwe, Israel luwo̧ Acabma Josafatnö yöa̧linobe, —Ökwönö yöta̧latö, –Jwaikwöda sulabenö baledakwa̧ jawada yöbawo̧ Micaiasma, otiwanö baledakwa̧ yöbawökönö, jwaikwöda wene jawada yöbawo̧, –jö̧ba̧lö yötawatö, jö̧tö? Yöta̧laja̧danö baibajabe, —jö̧balö yöawinobe Acabma Josafatnö.

2 Reyes 9:22

Ja̧danö, Jehunö tjöbadekwajenama, —Jehu, wene jwiiji̧? —jö̧ba̧lö abebö a̧ja̧kwinobe Joramma. Abebö a̧ja̧kwökwe, —Wene jwibö dö̧joböma jwiobe la'akatjöda. Kwojo'do Jezabel jwaikwöda sulabenö diosböködönö ösödö jö̧jonö, ja̧danö jwaikwöda mea bobö jö̧jonö, dakwö wene jwiinö dö̧jobö? —jö̧ba̧lö atadinobe Jehuma.