1 Reyes 1:38 - Dios Iwene

³⁸ Jemi ikenama, David weaja̧danö, ö'weje pjabato̧ Sadocbi, Dios yöawi̧ yöbawo̧ Natanbi, Benaiasbi, ömöayedö la'aka luwo̧nö tjöbeba̧lö teada̧ladöbi Salomonnö tjöwaninobe, inesö la'aka luwo̧ David ajwi kabayu oma'anö, jadanö jo̧banö öbibö tji̧'yinobe Guijon ojwese'dobe.

1 Reyes 1:38 ပူးပေါင်းရင်းမြစ်များ

2 Samuel 13:29

Ja̧danö, weawö̧, weaja̧danö ja̧tjinobe, Amnonnö kwabö lotjinobe. Ja̧danö, jejenö kwabö lotjiawö̧, okobe deinö ju'wedö La'aka luwo̧ David itji̧muma, tjajwikwena kabayu wanö, dötjibajinobe.

2 Samuel 15:18

Ja̧danö, David jobe iteada̧lonö, okobe deinö ömöayedöma David öba a'o tjöbaledinobe, ja̧danö la'aka luwo̧nö tjöbeba̧lö teada̧ladö quereteo ötjabawö̧bi, peleteo ötjabawö̧bi tjöbaledinobe, ja̧danö ju'wedö filisteo jojodö Gat comunidadtjö Davidkwö ichinadö seiscientosbedöbi tjöbaledinobe la'aka luwo̧ David öba a'o.

2 Samuel 20:7

Weökwe, Sabanö lubö i̧'yinobe Abisaima, ja̧danö öibawö̧, Joab ömöayedö ölakwabikwawa jojodöbi, la'aka luwo̧nö tjöbeba̧lö teada̧ladöbi, ju'wedö David ömöayedötjö inesö juluwadöbi Abisaikwö tji̧'yinobe.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 1:26

Jo̧kwaijayonö ju'wedönö a̧debajayonö, ötjö kwömöayo̧nöbi, ö'weje pjabato̧ Sadocnöbi, ökwönö tjöbeba̧lö teada̧ladötjö la'aka tjuluwo̧ Benaiasnöbi, kwitji̧ kwömöayo̧ Salomonnöbi a̧debökötö.

1 Reyes 1:33

ja̧danö ichibajadönö weinobe: —Ötjö kwuluwo̧duwi chömöayedö la'aka luwedönö öbibö, chitji̧ Salomonnö chajwi kabayunö öwobö weköbaduwo, ja̧danö chajwi oma'anö öwonö, jobadönö ökibaduwo, Guijon ojwese'dobe.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 2:15

Wejökwe, —Kwöwaisa Betsabe, abönö pöe chö̧jobetjö̧, ötjöda la'aka luwo̧ batibobö ji̧nobe, ja̧danö okobe deinö israel jojodöma ötjönö tjomukwatinobe, –Adoniasda inesö la'aka luwo̧ baibakwo, –jö̧ba̧lö. Jo̧kwaijayonö, la'aka luwo̧ chö̧jo̧ jö̧ta̧lemima, chöjawo̧nöda baledajabe, Isabenö Jo̧ Dios jo̧banöda la'aka luwo̧ baibobö weinobetjö̧.

1 Reyes 2:35

Ja̧danö, la'aka luwo̧ Salomonma, Benaiasnö 'da̧batö ujuninobe, Joab ö̧jinemi, ölakwabikwawa jojodö la'aka tjuluwo̧ ö̧jobö. Ja̧danö ö'weje pjabato̧ Sadocnö 'da̧batö ujuninobe, Abiatar ö̧jinemi Diostjö jojodötjö ö'weje pjabato̧ otidobö.

1 Crónicas 18:17

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧muma, la'aka luwedö ja̧nö, yöne ömöayedö tjö̧jinobe.

1 Samuel 30:14

Jemi abönö ökwödöma naukwabinö dölakwabikwawijatö, a̧li̧kwöchobe. Cereteos jojodö tjitebotjöbi, Juda nijitjöbi, Calebmine itebotjöbi naukwabinö ölakwabikwawö kwedachijatö, ja̧danö ju'wibi Siclag comunidad juwö lodijatö, —jö̧ba̧lö yöawinobe Davidnö.