1 Reyes 1:17 - Dios Iwene

¹⁷ Abebö a̧ja̧kwioko, —Chuluwo̧, damötjö ötjö kwömöayujunö yöbawö kwujunijatö, –Ö'wö batibenama, la'aka luwo̧ chö̧jemi isabenö kwitji̧ Salomonda la'aka luwo̧ baibanö ö̧jakwo̧, jo̧bada chiteaka inesö la'aka luwo̧ ö̧bakanö öbamatakwo̧, –jö̧ba̧lö yöbawö kwujunijatö.

1 Reyes 1:17 ပူးပေါင်းရင်းမြစ်များ

Génesis 18:12

Ja̧danö, jobujuma Isabenö Jo̧ Dios yöawi̧ a̧ja̧kwö obö omukwatijotö jomajadenö, ötjöma ida̧ökö pjolobachujusa ¿dakwö chösödobö pöe chilekwekwö alewö chö̧ji̧ma? jö̧ba̧lö.

1 Reyes 1:13

Babeda juluwanö kwilekwe La'aka Luwo David ö̧jobekwö kwi̧'yo, jadanö jo̧banö yöka̧lo baikwö: –Chuluwo chilekwe David, damötjö̧ ötjö kwömöayujunö yöbawö kwujuninobe, -Ö'wö batibaja̧ ikenama, kwitji̧ Salomonda chö̧jinemi inesö la'aka luwo̧ baibakwo̧, jo̧bada inesö la'aka luwo̧ iteakanö öbakwo̧, -jö̧ba̧lö yöbawö kwujunijatö, jö̧tö? Jo̧kwaijayonö jelo̧ Adoniasda inesö la'aka luwo̧ baibajabe, tajawedö jejenö baledobö weköbaja̧da? –jö̧ba̧lö yöka̧lo.

1 Reyes 1:14

Ja̧danö, ina jo̧bakwö yöba̧lakwawö kwö̧jemi ja'ötjö, ötjöbi ichibö yötawakwo̧sa, isabenö yöka̧laja̧danö baledobe, jö̧ba̧lö, —weinobe Natanma.

1 Reyes 1:16

ja̧danö ichibaju, jilekwe David öba a'o juu nijakwö bȩbachibö jösödinobe, —La'aka chuluwo̧ja, —jö̧ba̧lö. Jejenö jichibiökwe, la'aka luwo̧ Davidma abebö a̧ja̧kwinobe, —Kwösödi̧ma di̧yada chilekwo? —jö̧ba̧lö.

1 Reyes 1:18

Jejenö yöbawö kwujuninajayonö, baikwö yötawakwö chuluwo̧, wajwiköbonö, Adoniasma la'aka luwo̧ baibajabe.

1 Reyes 1:30

Damötjö israel jojodö tjuluwo̧ Isabenö Jo̧ Dios öba a'otjö ökwönö yöbawö chujunijatö, –Isabenö kwitji̧ Salomonda chö̧baja̧ ikena inesö la'aka luwo ö̧bakwo̧ma, chiteaka la'aka luwo̧ ö̧binakanö, jo̧bada öbamatakwo̧, –jö̧balö yöbawö chujunijatö. Ja̧danö, babe möleda, ja̧ yöbawö chujunina badekwachinö wetakwo̧sa, —jö̧ba̧lö yöbawö ujuninobe.

1 Pedro 3:6

Sara mikwinujuma jejenö ji̧nuju chömöledö, jilekwe Abraham wei̧ ja̧ja̧kwinobe, chuluwo̧ja jö̧ba̧lö. Ja̧danö chömöledö, ökwödö ya̧dö yebabökönö jweinö ja̧bö kwö̧jaduwitjö̧ma, ökwödönö otiwanö omukwatö Sara ji̧tji̧mu tupadanö jojodö jö̧ba̧lö ötjabikobe ökwödönö.