1 Pedro 5:7 - Dios Iwene

⁷ Ja̧danö chömöledö, ökwödöwe, dakwö ja̧dakwajö jö̧ba̧lö yekabiduwenama, Diosnö abebö yekabiduwi̧ iyö loköbaduwo chömöledö, jo̧bama isabenö ökwödönö ösödö ite'ada̧lobetjö̧.

1 Pedro 5:7 ပူးပေါင်းရင်းမြစ်များ

Proverbios 16:3

Ja̧danö, ju'wibi yötawa: Kwotidakwa̧ abönö Isabenö Jo̧nö ösödö jo̧banö akeba̧lo, Chuluwo̧ chotidakwa̧ma ökwöda kwösödi̧danö chotidobö öbibö pjakato, jö̧ba̧lö. Jobekwö, Isabenö Jo̧nö ösödö akeba̧lobetjö̧ kwotidakwa̧ma otiwanö laebakobe, iteda ösödi̧danö.

Mateo 6:27

Ja̧danö chömöledö, Aaa, dakwö ja̧bö lekwe chö̧jakwa̧jö, jö̧ba̧lö kwomukwataduwi̧ma, ¿ajayitjö bajalekwönönö lekwe kwö̧jaduwobö pjaatenaji̧? Pjaatokobe chömöledö.

Mateo 6:28

Ja̧danö, ¿tajawedö kamijido̧ jawa kwomukwataduwobö chömöledö? Mejetjö o̧bubiya kwomukwataduwo chömöledö. Otiwa, ¿jö̧tö? Jejenö otiwi̧ma, ¿'diinö otidajabetjö otiwobeji̧? ¿Kamijido̧ otiwado̧ 'dö̧ajabetjö otiwobeji̧?

Mateo 6:31

Jo̧kwajabetjö̧, ja̧ jawa kwomukwataduwoko chömöledö, Aaa, taji dukwakwa̧jö jö̧ba̧lö, ja̧danö taji dowakwa̧jö jö̧ba̧lö, ja̧danö taji 'dudawakwa̧jö jö̧ba̧lö.

Marcos 4:38

Jejenö baledonö Jesúsma isowi ökömakwöchobe isapjo pjabekwajo̧ aba̧lö a̧jijetö. Ja̧danö, öba̧ja̧di̧ waisachadöma Jesús aba̧lobekwö 'ya̧wibö jwöbeba̧lö jö̧ba̧lijadötö: —¡Ba̧ja̧dakwawa jojo, ökwödöma medaja! ¿Tajawedö kwaba̧la?— jö̧ba̧lijadötö.

Lucas 12:22

Jemi ikenama Jesúsma iteda öba̧ja̧di̧ waisachadönö yöawinobe: —Böjȩ jawama nöinö mikwawokobetjö̧ baikwö yötawaduwakwö chömöledö: Böjȩnö kwö̧jaduwi̧ jawama omukwatö kwö̧jaduwoko, Aaa, ¿taji dukwakwa̧jö? ¿taji 'dudawakwa̧jö? jö̧ba̧löma.

Lucas 12:26

Jau chömöledö, Diosma ida̧ökö ö'wö bakibaduwakwa̧ möle badedö ujuninobe, ja̧ möleda ö'wö batjibakwedö jö̧ba̧lö, ¿jö̧tö? Ja̧danö, ökwödötjö bakwo̧ omukwatena, Aaa, Dios badedö ujunina möle ö'wö batibökena, ja̧ möle balewö lotena, ja̧tjö bajalekwönönö lekwe chö̧jobö jö̧ba̧lö, ¿jö̧tö? Jejenö balewö lotjoböma wayökena ichejekwa chömöledö, jo̧kwaijayonö ja̧bi kwöbalewaduwoböma juluwöködöja, ¿jö̧tö? Jo̧kwajabetjö̧ baikwö yötawaduwakwö chömöledö: Ö'wö bakibaduwakwa̧ möle ja'yubebi balewö loköbaduwobö kwujuluwaduwökötjö̧ma, ¿tajawedö ju'wi kwö̧ja̧duwi̧ jawa dakwö ja̧dakwajö jö̧ba̧lö kwomukwataduwobö chömöledö? ¿Dakwö ja̧dakwajö? kwomukwataduwoböma jwiobe chömöledö. Diosnöda kwo̧'wo̧ kwöwana̧laduwo, jo̧bada otiwanö te'ada̧lo̧ jö̧ba̧lö.

Juan 10:13

Ja̧danö, o̧bȩja̧dönö ite'ada̧lobö midö weökwema jo̧ba a̧jwi̧mutjokobetjö̧ o̧'wo̧ tjo̧bö̧kö̧ jobadönöma. Jo̧kwaobetjö̧ tebo awili ichenama le'dedibö döbibajo̧, te'ada̧lökönö—yöawinobe—.

Filipenses 4:6

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

1 Samuel 30:6

Tjömöledö deiawö̧, tjo̧'wo sulawö̧ tjö̧jinobe David ömöayedöma, ja̧danö tjo̧'wo sulawö̧ ja̧nö, ju'wedöma tjuluwo̧ Davidnö inawiya ikwawö lotjobö yötja̧lakwawinobe. Jejenö yötja̧lakwawiökwe, jwiinö o̧'wo tjo̧achinobe Davidma, jo̧kwaijayonö Uluwo̧ Isabenö Jo̧ Diosma ujuluwachibanö pjaatinobe.