1 Pedro 1:14 - Dios Iwene

¹⁴ Ja̧danö, Kwabe'do Dios wei̧ ja̧bö ja̧nö, ajayinö kwösödinaduwa ja̧böma kwö̧jaduwoko chömöledö, ina wajwibadö kwö̧jaduwayi kwösödinaduwama.

1 Pedro 1:14 ပူးပေါင်းရင်းမြစ်များ

Hechos 17:30

¿Kwöwaisaduwiji̧? Diosma lekwe omukwatijökötö jo̧banö wajwibadö sulabenö ja̧tjinama, Ina lȩtebökö, jö̧ba̧lö. Jo̧kwaijayonö babema jejenömaökö. Babema Diosma weobe jojodönö, Sulabenö tjomukwati̧ kabatibö tjöbalewacho, jö̧ba̧lö.

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

Romanos 6:4

Ja̧danö, bakobe wodinobetjö̧, jo̧banö tjödinenama, bakobe ökwödönöbi tjödinobe. Ja̧danö, jemi tupakwö Abe'do Diosma, iteda ujulu i̧sebö Jesúsnö woawatjö tjebatajö ja̧inobe. Jejenö jo̧banö tjebatajö ja̧inenama, ju'wibi ja̧inobe chömöledö. Ökwödö jo̧bakwö a̧jadönöbi 'yadibajinö ja̧inobe. Ja̧danö, 'yadibajinö ja̧inobema, 'yayi̧ jawa, wainö ja̧bö dö̧jobö ja̧inobe. Jau chömöledö, yemidanö ajayinö ja̧bö dö̧jinadanö dö̧joböma ja̧inokobe, wainö ja̧bö dö̧jobö ja̧inobe Diosma.

Efesios 2:2

Jejenö ja̧böda ju̧kwiaköbinaduwobe ökwödöma, Diosnö wajwibadö sulabenö ja̧tji̧danö ja̧bö. Ja̧danö, Awetja ösödi̧da ja̧bö ju̧kwiaköbinaduwobe. Jo̧bama iteda ömöayedönö, öwawöködönö webo̧. Ja̧danö, babema böjȩnö ju̧kwadönöbi webo̧, Dios wei̧ öpöjödadönö.

Efesios 5:6

Chömöledö omöna yöba̧ladönöma a̧ja̧kwaduwökönuwi, Biya̧ taba̧lö̧ji jawama taba̧lajökö, jö̧ba̧lö, yöba̧ladönöma. Jweinö yötawa, Dios iwene a̧ja̧kwöködönö, ja̧ suli̧ jawa ja̧badönöma Diosma lȩebakwawö̧.

Deuteronomio 27:10

jo̧kwajabetjö̧ kwuluwo̧duwi Isabenö Jo̧ Dios wei̧ kwa̧ja̧kwaduwobö jo̧be. Jau dömöledö, Dios ömöledököbaduwobetjö̧, babe möle ökwödönö wedi̧, Dios ja̧bö kwö̧jaduwobö wei̧bi, ju'wi wei̧bi a̧ja̧kwö kwö̧jaduwobö jo̧be, —jö̧ba̧lö.

1 Tesalonicenses 4:5

Jau chömöledö, Diosnö wajwibadö ja̧bö tjö̧ji̧danöma, bakwainö 'da̧'da̧akwawa ösödö ja̧nöma, ja̧bö kwö̧jaduwoko.

1 Pedro 1:2

Jau chömöledö, Dabe'do Dios ajayitjöda ökwödönö öwaisinadanö, Dios O̧'wo̧ Luwo̧da ökwödönö 'da̧batö ujuninobe, Jesucristo wei̧ ja̧bö kwö̧jaduwakobetjö̧, ja̧danö Jesucristo ökwösobunö ökwödönö dichö loobö. Ökwödö Dios öwaisawö̧nö böja kwialusöja chiwȩyudobe ötjö Pedroma chömöledö. Böja wȩyudö jamatö, yötawaduwakwö chömöledö: Dios ajayitjö bajalekwönönö ökwödönö lȩlö̧jinö iyobö chösöda. Ja̧danö ajayitjö bajalekwönönö ökwödönö pjaatobö chösöda, kwo̧'wo̧ luwo̧ ösöwachibanö kwö̧jaduwobö.