1 Crónicas 9:13 - Dios Iwene

¹³ Jobadöma tjömöledösaso jojodötjö luwedö tjö̧jinobe, ja̧danö tjömöledönö öbibö Babilonia nijibetjö tjetjachajinobe. Okobe deinö jobadö tjebachajinadöma, mil setecientos sesenta ö'weje pjabatadö tjetjachajinobe, ja̧danö jobadöda Dios eju jawa otidadö tjö̧jinobe.

1 Crónicas 9:13 ပူးပေါင်းရင်းမြစ်များ

1 Crónicas 26:30

Ja̧danö Hebron itji̧mu tupadanö jojodötjö, Hasabias mikwo̧bi, ömöledöbi israel niji, Jordan ojwetjö jawo̧ laebobekwö niji̧ teada̧lakwawa jojodö tjö̧jinobe. Jobadöma, mil setecientos ja̧ otikwa waisadö tjö̧jinobe, ja̧danö okobe jwiinö Isabenö Jo̧ wei̧ otikwa jawabi, la'aka luwo̧ wei̧ otikwa jawabi, la'aka luwedö ja̧nö jobe jwebebö tjö̧jinobe.

1 Crónicas 26:32

Jobadö Jeriasnöbi, ju'wedö ömöledö dos mil setecientobedönöbi tjöbadekwajinobe, otikwa waisanö otidadönö, ja̧danö tjömöledösaso luwedönö. Ja̧danö, jobadönö badekwajo̧, Davidma jobadönö 'da̧batö ujuninobe, Rubensaso jojodöbi, Gadsaso jojodöbi, Manasessaso ja'ö jojodöbi tjitebo nijinö ja̧nö, Dios wei̧ jawabi, israel la'aka luwo̧ wei̧ jawabi jwebebö tjö̧jobö. Jobekwö laebobe Levisaso jojodötjö tjotidawakwena 'da̧batö tjujunina jawama.

1 Crónicas 26:6

Ja̧danö Obed-edom ö̧'dö̧dö, itji̧ Semaias itji̧muma okobe jwiinö tjotidi̧ jawa waisadö otiwanö otidadö tjö̧jinobe, ja̧danö tja'dö Obed-edom itji̧mu tupadanö jojodötjö luwedö batjibinobe.

1 Crónicas 9:12

Ja̧danö ö'weje pjabatadötjö Adaia mikwo̧bi Juda nijibe tjeachajinobe. Adaia a'dödö tjimibiya wȩyukwa'ye baikwö laebobe. Adaiama Jeroham mikwo̧ itji̧inobe. Ja̧danö Jerohamma Pasur mikwo̧ itji̧inobe. Ja̧danö Pasurma Malquias mikwo̧ itji̧inobe. Ja̧danö ö'weje pjabatadötjö Masai mikwo̧bi Juda nijibe tjeachajinobe. Masai a'dödö tjimibiya wȩyukwa'ye baikwö laebobe. Masaima Adiel mikwo̧ itji̧inobe. Ja̧danö Adielma Jazera mikwo̧ itji̧inobe. Ja̧danö Jazerama Mesulam mikwo̧ itji̧inobe. Ja̧danö Mesulamma Mesilemit mikwo̧ itji̧inobe. Ja̧danö Mesilemitma Imer mikwo̧ itji̧inobe.

1 Crónicas 9:14

Ju'wedö Levisaso jojodötjö Juda nijibe tjebachajinadöma bidö: Semaias mikwo̧ma ömöledökwö tjeachajinobe. Semaiasma Hasub mikwo̧ itji̧. Ja̧danö Hasubma Azricam mikwo̧ itji̧. Ja̧danö Azricamma Hasabias mikwo̧ itji̧. Ja̧danö Hasabiasma Merari mikwo̧ itji̧ tupadanö jojo.