1 Crónicas 7:24 - Dios Iwene

²⁴ Ja̧danö Beria itjijuma Seera mikwuju. Jobuju Seerama Bet-horon comunidadbiya ajayinö otidinuju, mösa'o la'aka Bet-horon comunidadbi, mösa'o wa̧pekwa'o Bet-horon comunidadbi.

1 Crónicas 7:24 ပူးပေါင်းရင်းမြစ်များ

1 Reyes 9:17

Ja̧danö, jejenö iyiökwe, yemidanö tjotidinobe Guezer comunidadma, ja̧danö ju'wibi wabeko ji̧ comundad Bet Joron comunidadbi,

1 Crónicas 7:23

Jemi ikenama, Efrainma yemidanö ilekwokwö ö̧jinobe, ja̧danö metu'wo bajibinobe. Metu'wo babibaju, jitji̧nö jeminobe, ja̧danö jemajökwenö Beria jö̧ba̧lö imidinobe Efrainma, ömöledösasoma nöinö wene tjöbaledinobetjö̧.

1 Crónicas 7:25

Ja̧danö Efrain itji̧ jelo̧ma Refa mikwo̧. Ja̧danö Refa itji̧ma Resef mikwo̧. Ja̧danö Resef itji̧ma Telah mikwo̧. Ja̧danö Tela itji̧ma Tahan mikwo̧.

Josué 10:10

Ja̧danö Isabenö Jo̧ma israel jojodö tjöba a'otjö jwiinö yetjaibobö weinobe, Dakwö ja̧dakwajö jö̧ba̧lö tjö̧bawö ja̧tjenanö baibanö. Ja̧danö, jobe Gabaontjö israel jojodöma ba̧jȩkwadönö kwabawö lotjinobe, jobetjö a'dewö lotjenanö baibanö. Jejenö tjujuluwawö̧, amorreo jojodöma jobetjö dötjibajinobe, Bet-horonbe 'ya̧kwawamabenö, ja̧danö tjökömanö lubö, israel jojodöma jobadönö kwabawö lotjinobe, Azeca comunidadbebi, Maceda comunidadbebi tjichibenanö kabatö.

Josué 16:3

Ja̧danö jobetjö, jawo̧ meajobekwö bajalenö jafletitas jojodö tjitebobe ichibanö, mösa'o la'aka Bet Joron comunidadbe ichibanö, ja̧danö jobetjö Guezer comunidadbe ichibanö, ja̧danö jobetjö jwaibalawa Mediterreano ichibanö dötewobe bakwachobema.

Josué 16:5

Efrainsaso jojodö tjitebo, tja'dödötjö bakwasokwena tupadanö jojodö tjitebo niji bakwachobema, baikwö laebobe: Tjitebo a̧likwöchobe bakwachobema, jawo̧ laebobekwö ji̧ comunidad Atarot Adartjö, mösa'o wa̧pekwa'o Bet Joron comunidadbe ichibanö ,