1 Crónicas 7:22 - Dios Iwene

²² Jobekwö itji̧munö kwabö lotjiökwe, tjabe'do Efrainma lekwe möle budekwö ö̧jinobe, ja̧danö ubudekwiawö̧, ömöledöma o̧'wo tjo̧achi̧ seachibanö pjatjatotö jö̧ba̧lö, jo̧banö edö tji̧'yinobe.

1 Crónicas 7:22 ပူးပေါင်းရင်းမြစ်များ

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

Génesis 37:35

Okobe deinö i̧tji̧muma ömadöbi, ya̧döbi tjabe'donö dösölö̧jinö yöba̧lijadötö o̧'wo söawobö pjabatö. Jejenö pjabatö yötja̧lijayonö o̧'wo söawinokokobe. Ja̧danö jö̧ba̧lijetö: —Isabenö debö chi̧'yenanö kabatö chitji̧kwö yemidanö chö̧jobö ina cho̧'wo̧ tjo̧tekwakwo̧sa— jö̧ba̧lijetö. Ja̧danö, lekwe möle budekwabijetö, itji̧ Josénö omukwata̧lö.

1 Crónicas 7:21

Ja̧danö Tahat itji̧ma Zabad mikwo̧. Ja̧danö Zabad itji̧ma Sutela mikwo̧. Ju'wedö Efrain itji̧muma Ezer mikwo̧bi, Elad mikwo̧bi. Jo̧kwaijayonö, jobadöma Gat comunidad pjeanö tji̧'yinobe, jobe ju̧kwadö tjajwi̧mu pakayadönö tjö̧naukwobö, ja̧danö tjönaukwiawö̧, Gat jojodöma Ezernöbi, Eladnöbi kwabö lotjinobe.

1 Crónicas 7:23

Jemi ikenama, Efrainma yemidanö ilekwokwö ö̧jinobe, ja̧danö metu'wo bajibinobe. Metu'wo babibaju, jitji̧nö jeminobe, ja̧danö jemajökwenö Beria jö̧ba̧lö imidinobe Efrainma, ömöledösasoma nöinö wene tjöbaledinobetjö̧.

Diosnö ösödo̧ Job mikwo̧ usula emawina jawa 2:11

Job ömöledötjö ju'wedö tjö̧jinobe, Teman niji jojo Elifaz mikwo̧bi, Suah niji jojo Bildad mikwo̧bi, Namat niji jojo Zofar mikwo̧bi. Jobadöma tja̧ja̧kwinobe, inesö suli̧ Jobnö baledina jawama, ja̧danö a̧ja̧kwajadö, tjömöledöso̧ o̧'wo ösöwachibanö pjatjatobö tjomukwatinobe. Ja̧danö, tjitebokwena nijitjö ichö, jobadö wamedukwama bakobe Job ö̧jobekwö tjichinobe, Job ujuluwachibanö pjatjatobö.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.