1 Crónicas 6:8 - Dios Iwene

⁸ Ahitobma Sadoc mikwo̧ abe'doinobe. Sadocma Ahimaas mikwo̧ abe'doinobe.

1 Crónicas 6:8 ပူးပေါင်းရင်းမြစ်များ

2 Samuel 15:27

Tukwakwö yöa̧linobe la'aka luwo̧ Davidma tjö̧'da̧de pjabato̧ Sadocnö: —Sadoc, ökwöma tupakwö baledakwa̧ yöbawo̧ja, ¿jö̧tö? Jo̧kwajabetjö̧ baikwö atebakwö, wene jwiinö Jerusalenbe kwȩwa̧jo, kwitji̧ Ajimazkwöbi, Abiatar itji̧ Jonatankwöbi.

2 Samuel 17:15

Ikenama jobetjö labebö, Husayma Diostjö jojodötjö tjö̧'da̧de pjabatadö Sadocnöbi, Abiatarnöbi yöawinobe, —Ajitofelma baikwö Absalonnöbi, israel jojodötjö damönöbi yöawatö ja̧tjobö, ja̧danö ötjöma baikwö ja̧tjobö yötawatö, —jö̧ba̧lö.

2 Samuel 17:17

Tjö̧'da̧de pjabatadö tji̧tji̧mu Ajimazbi, Jonatanbi Jerusalen comunidad okwa tetjachobö jwiinobe, tetjachena Absalon ömöayedö jobadönö tjedapji jö̧ba̧lö, jo̧kwajabetjö̧ jobadöma Enroguel comunidadnö tjiteada̧linbe, wene tja̧ja̧kwena, tupakwö la'aka luwo̧ Davidnö yöbawö tji̧'yobö. Ja̧danö, omukwatö tjujuninobe, Sadocbi Abiatarbi baledi̧ wene tja̧ja̧kwenama, bakwuju tjömöayujunö wetjobö, Jonatannöbi, Ahimaznöbi wene yöjawobö, yöjawaja̧ tupakwö Davidnö yötjawobö.

2 Samuel 17:20

Ikenama Absalon ömöayedöma jejube ichibö, abebö tja̧ja̧kwinobe, —Ajimaznöbi Jonatannöbi disakwa, ¿dai tjö̧jobeda? —jö̧ba̧lö. Abebö tja̧ja̧kwoko, —Jobadöma ida̧ökö ja'yuwödö petjibajabe, —jatadinobe. Jejenö jatadawö̧, ja'yuwödö pebibö tjisakwinobe, ja̧danö badekwajöködö, Jerusalenbe tjȩwa̧jinobe.

2 Samuel 18:19

Ja̧danö, ölakwabikwawö katjatibajabema, Sadoc itji̧ Ajimazma Joabnö aebinobe, —La'aka luwo̧ Davidnö baladaja̧ wene yötawobö webitjö, öpöjojodötjö ö̧jibinö Isabenö Jo̧ma pjaatajabe jö̧ba̧lö, yötawobö, —aebinobe Ajimazma.

2 Samuel 18:22

Ikenama Ajimazma yemidanö Joabnö aebinobe, —Jo̧ba cusita jojo ö'öakwawijayonö, ötjönöbi weköbobö jö̧ta̧la, ökömanö ötjöbi ö'öbakwawö yötawobö, —jö̧ba̧lö. Aebökwe, Joabma atadinobe, —Chömöledöso̧ möayo̧, tajawedö ö'öbakwawö yökawobö kwösödobeda? Ö'öbakwawö yöbawö kwi̧'yitjö̧ma, mikwa jwiinö ö'öbakwawö yökawena, —jö̧ba̧lö atadinobe.

2 Samuel 20:25

Ja̧danö Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe. Ja̧danö Sadocbi, Abiatarbi, Diostjö jojodötjö tjö̧'dade pjabatadö otidö tjö̧jinobe.

2 Samuel 8:17

Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

1 Reyes 1:34

Jobe Guijon ojwese'dotjö, ö'weje pjabato̧ Sadocbi, Dios yöawi̧ yöbawo̧ Natanbi Salomon uunö o̧te totjebakobe, –Isabenö bite Salomonda israel jojodö la'aka tjuluwo̧ baibajabe, –jö̧ba̧lö. Ja̧danö trompeta, pjuköbaduwobö jakobe, –Lekwe möle Salomon la'aka duluwo̧ ö̧jobö dösöda, –jö̧ba̧lö.

1 Reyes 1:44

Jau, la'aka luwo̧ Davidma, ö'weje pjabato̧ Sadocnöbi, Dios yöawi̧ yöbawo̧ Natannöbi, Benaiasnöbi, ömöayedö la'aka luwo̧nö tjöbeba̧lö teada̧ladönöbi weajabeta, Salomonkwö tji̧'yoböma. Weiawö̧, Salomonnö wetjatö, la'aka luwo̧ ajwi kabayunö öwobö,

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 2:35

Ja̧danö, la'aka luwo̧ Salomonma, Benaiasnö 'da̧batö ujuninobe, Joab ö̧jinemi, ölakwabikwawa jojodö la'aka tjuluwo̧ ö̧jobö. Ja̧danö ö'weje pjabato̧ Sadocnö 'da̧batö ujuninobe, Abiatar ö̧jinemi Diostjö jojodötjö ö'weje pjabato̧ otidobö.

1 Crónicas 12:28

Ja̧danö ölakwabikwawa jawa juluwo̧ Sadoc mikwo̧bi, yöne ömöledö veintidosbedö tjömöledösasotjö luwedöbi.

1 Crónicas 24:3

Ja̧danö, Eleazar itji̧ tupadanö jojo Sadoc mikwo̧bi, Itamar itji̧ tupadanö jojo Ahimelec mikwo̧bi pjatjatonö, okobe deinö Aaron itji̧mu tupadanö jojodönö tjömöledösasokwena jojodö batjibanö 'da̧batö ujuninobe Davidma, bakwasokwena tjotido jö̧tja̧lidanö otiwanö tjotidakobetjö̧.

1 Crónicas 6:7

Meraiotma Amarias mikwo̧ abe'doinobe. Amariasma Ahitob mikwo̧ abe'doinobe.

1 Crónicas 6:9

Ahimaasma Azarias mikwo̧ abe'doinobe. Azariasma Johanan mikwo̧ abe'doinobe.