1 Crónicas 6:53 - Dios Iwene

⁵³ Ja̧danö Ahitob itji̧ma Sadoc mikwo̧. Ja̧danö Sadoc itji̧ma Ahimaas mikwo̧.

1 Crónicas 6:53 ပူးပေါင်းရင်းမြစ်များ

2 Samuel 20:25

Ja̧danö Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe. Ja̧danö Sadocbi, Abiatarbi, Diostjö jojodötjö tjö̧'dade pjabatadö otidö tjö̧jinobe.

2 Samuel 8:17

Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

1 Reyes 1:26

Jo̧kwaijayonö ju'wedönö a̧debajayonö, ötjö kwömöayo̧nöbi, ö'weje pjabato̧ Sadocnöbi, ökwönö tjöbeba̧lö teada̧ladötjö la'aka tjuluwo̧ Benaiasnöbi, kwitji̧ kwömöayo̧ Salomonnöbi a̧debökötö.

1 Reyes 1:34

Jobe Guijon ojwese'dotjö, ö'weje pjabato̧ Sadocbi, Dios yöawi̧ yöbawo̧ Natanbi Salomon uunö o̧te totjebakobe, –Isabenö bite Salomonda israel jojodö la'aka tjuluwo̧ baibajabe, –jö̧ba̧lö. Ja̧danö trompeta, pjuköbaduwobö jakobe, –Lekwe möle Salomon la'aka duluwo̧ ö̧jobö dösöda, –jö̧ba̧lö.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 2:35

Ja̧danö, la'aka luwo̧ Salomonma, Benaiasnö 'da̧batö ujuninobe, Joab ö̧jinemi, ölakwabikwawa jojodö la'aka tjuluwo̧ ö̧jobö. Ja̧danö ö'weje pjabato̧ Sadocnö 'da̧batö ujuninobe, Abiatar ö̧jinemi Diostjö jojodötjö ö'weje pjabato̧ otidobö.

1 Reyes 4:4

Joyada itji̧ Benaias mikwo̧ma, ölakwabikwawa jojodötjö la'aka luwo̧ ö̧jinobe. Sadocbi, Abiatarbi Diostjö jojodötjö ö'weje pjabatadö tjö̧jinobe.

1 Crónicas 12:28

Ja̧danö ölakwabikwawa jawa juluwo̧ Sadoc mikwo̧bi, yöne ömöledö veintidosbedö tjömöledösasotjö luwedöbi.

1 Crónicas 23:16

Ja̧danö Gerson itji̧mu tupadanö jojodötjö, la'aka tjuluwo̧ma Sebuel mikwo̧.

1 Crónicas 24:3

Ja̧danö, Eleazar itji̧ tupadanö jojo Sadoc mikwo̧bi, Itamar itji̧ tupadanö jojo Ahimelec mikwo̧bi pjatjatonö, okobe deinö Aaron itji̧mu tupadanö jojodönö tjömöledösasokwena jojodö batjibanö 'da̧batö ujuninobe Davidma, bakwasokwena tjotido jö̧tja̧lidanö otiwanö tjotidakobetjö̧.

1 Crónicas 24:31

Ja̧danö, Aaron itji̧mu tupadanö jojodö tjotidawakwena 'da̧batö tjujuninadanö, ju'wedö Levisaso jojodöbi tjotidawakwena 'da̧batö tjujuninobe. Jobadöbi la'aka luwo̧ David öba a'otjöbi, ö'weje pjabatadö Sadocbi, Ahimelecbi tjöba a'otjöbi, ju'wedö ö'weje pjabatadötjö luwedö tjöba a'otjöbi, ju'wedö Levisaso jojodötjö luwedö tjöba a'otjöbi inawiya jabö tjedinobe, tjotidakwa̧kwena Dios i̧sȩbakobetjö̧. Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi jobe ju'wedö tjöba a'otjö inawiya jabö tjedinobe.

1 Crónicas 6:52

Ja̧danö Zeraias itji̧ma Meriaot mikwo̧. Ja̧danö Meraiot itji̧ma Amarias mikwo̧. Ja̧danö Amarias itji̧ma Ahitob mikwo̧.

1 Crónicas 6:54

Baikwö laebobe Levisaso jojodö tjitebo niji wȩyukwa'ye. Ju'wedö israel jojodö tjitebo nijitjö, Levisaso jojodönö tjitebo comunidad baibanö 'da̧batö tjiyenama, abönö Coatsaso jojodötjö Aaron itji̧mu tupadanö jojodönö tjiyinobe. Baikwö laebobe Aaron itji̧mu tupadanö jojodönö tjiyinama:

1 Crónicas 6:8

Ahitobma Sadoc mikwo̧ abe'doinobe. Sadocma Ahimaas mikwo̧ abe'doinobe.

1 Samuel 2:35

Ja̧danö, ökwönöbi, kwitji̧mu tupadanö jojodönöbi kabatibö, ökwö kwö̧jinemi, balekwo̧nöda kabebö chujunakwo̧sa, isabenö otido jö̧a̧li̧danö otidakwo̧nöma. Jo̧bama isabenö okobe jwiinö chösödi̧danö, ja̧danö chomukwati̧danö otidö ö̧jakwo̧, ja̧danö jo̧banö iteda i̧tji̧mu tupadanö jojodönö chiyocha, jo̧badanö otiwanö tjotidakwedönöma. Jau Eli, jobadöma ba̧kwelöjatebö omudawö chujunajökwe la'aka luwo̧ öba a'otjö otidö tjö̧jakwedö.