1 Crónicas 5:8 - Dios Iwene

⁸ Bela mikwo̧bi. Ja̧danö Belatjö ajayinö ji̧nadö tjimibiya wȩyukwa'yema baikwö laebobe. Belama Azaz mikwo̧ itji̧, ja̧danö Azazma Sema mikwo̧ itji̧, ja̧danö Semama Joel mikwo̧ itji̧. Rubensaso jojodöma Aroer nijinö tjö̧jinobe, ja̧danö tjitebo nijima, u'dakwöchobe Nebo comunidadbebi, Baal-meon comunidabebi ichibanö jalinobe.

1 Crónicas 5:8 ပူးပေါင်းရင်းမြစ်များ

1 Crónicas 5:4

Ja̧danö Rubensaso jojo Joel mikwo̧ itji̧mu tupadanö jojodö tjimibiya wȩyukwa'ye baikwö laebobe: Joel itji̧ma Semaias mikwo̧, ja̧danö Semaias itji̧ma Gog mikwo̧, ja̧danö Gog itji̧ma Simei mikwo̧,

Isaías 15:2

Jobekwö balediawö̧, Moabitas jojodöma tjösödökwenö iyawejube tji̧'yakwedö, Dibon comunidad jojodöma möemi tjösödökwenö iyawemikwenabe tji̧'yakwedö, tjubudekwobö. Jau, Nebo comunidad baledaja̧bi, Medeba comunidad baledaja̧bi, tjubudekwakobe Moabitas jojodöma. Okobe deinö o̧'wo tjo̧achö, tjöwö'ye jwobawajadö tjubudekwakwedö, ja̧danö okobe deinö o̧'wo tjo̧achö tjaasa'ye jwobawajadö tjubudekwakwedö.

Isaías 17:2

—Ja̧danö Aroer comunidad pjeanö ji̧ comunidadbiyama, jojodö deobe baibakobe, sule tjajwi̧mu obejadö abawemi baibakobe. Ja̧danö, jojodö deiawö̧, jobe bamatö otiwanö tjabakwedö obejadöma, ja̧danö bakwo̧bi obejadönö yetjaibanö ja̧ökakwo̧, jobe ju̧kwadö deobetjö̧.

Deuteronomio 32:49

—Moises, babema Moab niji mösa'o, Abarin mösa'ijutjö Nebo mikwa'o kwönöchobö jo̧be. Jau Moises, ja̧'oma Jerico comunidad badeibösa'o, ja̧danö ja̧'o kwönöcho, nöchajo̧ mötjö israel jojodönö chiyakwa̧ niji canaan niji kwedobö.

Deuteronomio 34:1

Jemi ikenama, Moab niji ba̧ba̧lawobe israel jojodö tjö̧jelö labebö, Moisesma mösa'o Nebo mikwa'o önöchinobe, wa̧pekwa'o Pisga ötjabobe ichibenanö. Ja̧ Pisga ötjabemima, Jerico comunidad badeibö. Ja̧danö, jobe nöchajo̧nö i̧sȩbinobe Isabenö Jo̧ma, israel jojodönö iyakwa̧ nijima. Moisesnö i̧sȩbinama baikwö laebobe: Okobe jwiinö Galaad niji i̧sȩbinobe, Dan comunidadbe ichibanö,

Josué 12:2

Jobadö la'aka luwedö tjujuluwinawö̧tjö bakwo̧ma Sijon mikwo̧. Jo̧ba Sijonma, amorreo jojodötjö la'aka luwo̧ ö̧jinobe, ja̧danö itebo la'aka comunidadma Hesbonnö ö̧jinobe, ja̧danö ju'wi itebo comunidadma Arnon wabekö ö'öbö jȩmi comunidad Aroer mikwobe. Okobe jwiinö jo̧ba Sijon yöbawö weinemima, baikwö laebobe: Arnon wabeko ja'ötjö, u'dakwö Jaboc ojwe baibanö weinobe, ja̧danö jawo̧ laebobekwö amonitas jojodö tjitebo ö'öbö ichibanö. Ja̧danö Galaad nijitjö ja'ö, a̧li̧kwö jawa niji weinobe Sijonma.

Josué 13:17

ja̧danö Hesbon comunidadbi, okobe jwiinö Hesbon jȩna ba̧ba̧lawobe comunidadteniabi. Ja̧ comunidadteniama, baikwö laebobe: Dibon comunidadbi, Bamot Baal comunidadbi, Bet Baal Megon comunidadbi,