1 Crónicas 3:14 - Dios Iwene

¹⁴ Ja̧danö Manases itji̧ma Amon mikwo̧. Ja̧danö Amon itji̧ma Josias mikwo̧.

1 Crónicas 3:14 ပူးပေါင်းရင်းမြစ်များ

2 Reyes 21:18

Ja̧danö, Manasesma ö'wö baibinobe, ja̧danö ö'wö babibajo̧nö tjo̧tjinobe iteda eju ö'öbösayunö, Uza öbatjo ötjabena. Ja̧danö, Manases webö ö̧jinemi, itji̧ Amon mikwo̧ma Juda la'aka luwo̧ baibinobe.

2 Reyes 21:19

Juda la'aka luwo̧ baibenama, veintidos o̧biya ujuna̧linobe Amonma, ja̧danö dötölataja o̧biya baledibanö, Jerusalen comunidadnö ja̧nö webö ö̧jinobe. Amon ojo'doma, Jotba comunidad jojo Harus itjiju Mesulemet mikwuju.

2 Reyes 21:26

Ja̧danö, Amonnö tjo̧tjinobe wobiakonö, Uza öbatjo mikwayunö, ja̧danö Amon webö ö̧jinemi, itji̧ Josias mikwo̧ma Juda la'aka luwo̧ baibinobe.

2 Reyes 23:30

Ja̧danö, tjuluwo̧ jobekwö ö'wö baibiawö̧, Josias ömöayedöma tjuluwo̧ iteba'o tjaninobe koluka okwa, ja̧danö iteba'o tje'ewinobe Jerusalenbe. Ja̧danö, jobe ichibajadö, Josiasnö tjo̧tjinobe, iteda iteako wobiakonö. Jemi ikenama, tjuluwo̧ Josias ö'wö baibiawö̧, Juda jojodöma Josias itji̧ Joacaz mikwo̧nö omudawö tjujuninobe, ja̧danö uunö o̧te totjebinobe, inesö la'aka luwo̧ baibanö.

2 Reyes 23:34

Ja̧danö, ju'wibi Joacaznö ka̧lena lödajo̧, Egipto la'aka luwo̧ Necaoma Joacaz öpöe Eliaquim mikwo̧nö ujuninobe Juda la'aka luwo̧ baibanö. Ja̧danö, Eliaquimnö la'aka luwo̧ baibanö junajo̧, Eliaquim imi balewö lobö, ju'wi imi Joacim jö̧ba̧lö imidinobe Necaoma. Ja̧danö, ajayi luwo̧ Joacaznö iteda itebo Egiptobe e'ewinobe Necaoma, ja̧danö jobe ö̧jinobe, ö'wö baibenanö kabatö.

1 Crónicas 3:13

Ja̧danö Jotam itji̧ma Acaz mikwo̧. Ja̧danö Acaz itji̧ma Ezequias mikwo̧. Ja̧danö Ezequias itji̧ma Manases mikwo̧.

1 Crónicas 3:15

Ja̧danö Josias itji̧muma bidö: Abönö pöe Johanan mikwo̧, ikena jojo Joacim mikwo̧, ikena jojo Sedequias mikwo̧, ikena jojo Salun mikwo̧.