1 Crónicas 26:4 - Dios Iwene

⁴ Ja̧danö Obed-edom itji̧mubi apjude teada̧ladö tjö̧jinobe. Obed-edom itji̧muma bidö: Abönö pöe Semaias mikwo̧bi, Jozabad mikwo̧bi, Joa mikwo̧bi, Sacar mikwo̧bi, Natanael mikwo̧bi,

1 Crónicas 26:4 ပူးပေါင်းရင်းမြစ်များ

2 Samuel 6:10

Jo̧kwajabetjö̧, iteda itebo Jerusalen, David itebo comunidad ötjabobe e'ewobö öpöjödobetjö̧, jelobe jobetjö yöneawobe junö tji̧'yinobe, Gat comunidad jojo Obed Edom mikwo̧ ejube. Ja̧danö Obed Edom ejunö ujuninobe Isabenö Jo̧ iteapjoma.

2 Samuel 6:11

Jobe junajadö, tjȩwa̧jinobe Jerusalenbe, ja̧danö wamedukwa ja̧wo̧dö baledibanö, Gat comunidad jojo Obed Edom ejunö ji̧nobe Isabenö Jo̧ iteapjoma. Ja̧danö, iteda iteapjo Obed Edom ejunö jo̧betjö̧, Isabenö Jo̧ma otiwanö pjaatinobe, Obed Edomnöbi, ömöledönöbi.

2 Samuel 6:12

Ja̧danö la'aka luwo̧ Davidnö yötjawinobe, —Isabenö Jo̧ iteapjo Obed Edom ejunö jo̧betjö̧, otiwanö pjaatajabe jo̧banöbi, ömöledönöbi, okobe jwiinö ujuna̧li̧bi, —jö̧ba̧lö. Jo̧kwajabetjö̧, jejenö yötjawiökwe, Davidma Dios iteapjo ichejebinobe Obed Edom ejutjö, ja̧danö tjo̧'wo ösöwachibanö David itebo comunidad Jerusalenbe tjichejebinobe.

1 Crónicas 13:14

Jobe junajadö, tjȩwa̧jinobe Jerusalenbe, ja̧danö wamedukwa ja̧wo̧dö baledibanö, Gat comunidad jojo Obed Edom ömöledökwö, ejunö ji̧nobe Dios iteapjoma. Ja̧danö, iteda iteapjo Obed Edom ejunö jo̧betjö̧, Isabenö Jo̧ma otiwanö pjaatinobe, Obed Edomnöbi, ömöledönöbi, okobe jwiinö ujuna̧li̧ jawabi.

1 Crónicas 15:18

Ja̧danö jobadönö pjabatadö batjibanö omudawö tjujuninawö̧ma, bidö: Zacarias mikwo̧bi, Jaaziel mikwo̧bi, Semiramot mikwo̧bi, Jehiel mikwo̧bi, Uni mikwo̧bi, Eliab mikwo̧bi, Benaia mikwo̧bi, Maaseias mikwo̧bi, Matatias mikwo̧bi, Elifelehu mikwo̧bi, Micnias mikwo̧bi, Dios eju apjude teada̧ladö Obed-edom mikwo̧bi, Jeiel mikwo̧bi.

1 Crónicas 15:21

Ja̧danö Matatias mikwo̧bi, Elifelehu mikwo̧bi, Micnias mikwo̧bi, Obed-edom mikwo̧bi, Jeiel mikwo̧bi Azazias mikwo̧bi omudawö tjujuninawö̧, liras jawa pjetjobö.

1 Crónicas 15:24

Ja̧danö Diostjö jojodötjö ö'weje pjabatadö Sebanias mikwo̧bi, Josafat mikwo̧bi, Natanael mikwo̧bi, Amasai mikwo̧bi, Zacarias mikwo̧bi, Eliezer mikwo̧bi omudawö tjujuninawö̧, Dios iteapjo abönö kwebachö, trompeta jawa pjutjobö. Ja̧danö Obed-edom mikwo̧bi, Jehias mikwo̧bi omudawö tjujuninawö̧, jobadöbi Dios iteapjo teada̧lakwawa jojodö batjibanö.

1 Crónicas 16:38

Ja̧danö jobadökwö, Obed-edom mikwo̧nöbi, ju'wedö ömöledö sesenta y ochobedönö 'da̧batö ujuninobe, Asafkwö ja̧nö pjatjatobö. Ja̧danö, ju'wibi Jedutun itji̧ Obed-edom mikwo̧nöbi, Hosa mikwo̧nöbi 'da̧batö ujuninobe, apjude teada̧lakwawa jojodö batjibanö.

1 Crónicas 16:5

Asaf mikwo̧ ju'wedö ja̧ jawa otidadö tjuluwo̧ ö̧jinobe, ja̧danö Asafma cimbalos jawa pjeawa jojo ö̧jinobe. Ikena luwo̧ma Zacarias mikwo̧, ja̧danö jo̧ba ikenabedöma, Jeiel mikwo̧bi, Semiramot mikwo̧bi, Jehiel mikwo̧bi, Matatias mikwo̧bi, Eliab mikwo̧bi, Benaia mikwo̧bi, Obed edom mikwo̧bi, jelo̧ Jeiel mikwo̧bi. Jobadöma arpa jawabi, lira jawabi pjeawa jojodö tjö̧jinobe.

1 Crónicas 26:3

Elam mikwo̧bi, Johanan mikwo̧bi, Elionai mikwo̧bi.

1 Crónicas 26:5

Amiel mikwo̧bi, Isacar mikwo̧bi, Peultai mikwo̧bi. Jobekwö tjö̧ba̧jekwinobe Obed-edom itji̧muma, Diosma isabenö otiwanö jo̧banö pjaatinobetjö̧.