1 Crónicas 26:32 - Dios Iwene

³² Jobadö Jeriasnöbi, ju'wedö ömöledö dos mil setecientobedönöbi tjöbadekwajinobe, otikwa waisanö otidadönö, ja̧danö tjömöledösaso luwedönö. Ja̧danö, jobadönö badekwajo̧, Davidma jobadönö 'da̧batö ujuninobe, Rubensaso jojodöbi, Gadsaso jojodöbi, Manasessaso ja'ö jojodöbi tjitebo nijinö ja̧nö, Dios wei̧ jawabi, israel la'aka luwo̧ wei̧ jawabi jwebebö tjö̧jobö. Jobekwö laebobe Levisaso jojodötjö tjotidawakwena 'da̧batö tjujunina jawama.

1 Crónicas 26:32 ပူးပေါင်းရင်းမြစ်များ

1 Crónicas 12:37

Jordan ojwe bakwachödö ju̧kwadö, Rubensaso jojodötjöbi, Gadsaso jojodötjöbi, Manasessaso ja'ö jojodötjöbi, ciento y veinte milbedö ölakwabikwawa jojodö, okobe jwiinö tjitea ölakwabikwawa jawa juna̧ladöbi Davidnö pjatjatinobe.

1 Crónicas 15:12

Ja̧danö, ichibajadönö yöa̧linobe: —Ökwödödaja, Levisaso jojodötjö sasokwena luwedöma. Ja̧danö, ökwödö Levisaso jojodöma, Dios iteapjo kwekataduwakwedöja. Jo̧kwajabetjö̧, jobekwö wene jwiinö kwebatö, baikwö otidö chuninemi ichejebö kwujunaduwakobetjö̧, Dios öba a'o kwusuladuwi̧ dichawö loköbaduwobö jo̧be.

1 Crónicas 23:24

Jobekwö laebobe Levi itji̧mu tupadanö jojodö sasokwena luwedö tjimibiya wȩyukwa'yema. Teada̧lönö tji̧wȩyudinobe, Levi itji̧mu ja̧danö ö̧'dö̧dö tji̧tji̧mu tupadanö jojodö tjimibiyama, bidöma bite ömöledösaso jojodö, jö̧ba̧lö. Ja̧danö, jobadönö tjö̧ba̧jadinobe, veinte o̧bia möakwönönö juna̧ladönö, Isabenö Jo̧ eju jawa otidö tjö̧jakobetjö̧.

1 Crónicas 24:31

Ja̧danö, Aaron itji̧mu tupadanö jojodö tjotidawakwena 'da̧batö tjujuninadanö, ju'wedö Levisaso jojodöbi tjotidawakwena 'da̧batö tjujuninobe. Jobadöbi la'aka luwo̧ David öba a'otjöbi, ö'weje pjabatadö Sadocbi, Ahimelecbi tjöba a'otjöbi, ju'wedö ö'weje pjabatadötjö luwedö tjöba a'otjöbi, ju'wedö Levisaso jojodötjö luwedö tjöba a'otjöbi inawiya jabö tjedinobe, tjotidakwa̧kwena Dios i̧sȩbakobetjö̧. Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi jobe ju'wedö tjöba a'otjö inawiya jabö tjedinobe.

1 Crónicas 27:1

Baikwö laebobe la'aka luwo̧ David ömöayedötjö ölakwabikwawa jojodö tjuluwedö tjimibiya wȩyukwa'ye. Jobadötjö ju'wedöma tjömöledösaso luwedö tjö̧jinobe, ja̧danö jobadötjö ju'wedöma milbedö ölakwabikwawa luwedö tjö̧jinobe, ja̧danö ju'wedöma cienbedö ölakwabikwawa luwedö tjö̧jinobe, ja̧danö juwedöma jobadö tjömöayedö luwedö tjö̧jinobe. Jawo̧kwena, ju'wedö israel jojodötjö ölakwabikwawa jojodö tjejubiyanö tjö̧jonö, jobadötjö veinticuatro milbedö teada̧lö tjö̧jobö ji̧nobe. Jo̧kwajabetjö sasokwena jojodö batjibanö 'da̧batö tjujuninobe, ja̧danö sasokwena la'aka luwo̧ imi wȩyukwa'ye, ja̧danö tjiteada̧lakwa̧ jawo̧ wȩyukwa'ye baikwö laebobe:

Josué 1:12

Ja̧danö ida̧ökö tjitebo niji juna̧ladö Rubensaso jojodönöbi, Gadsaso jojodönöbi, Manasessaso jaö jojodönöbi, baikwö weinobe Josuema: