1 Crónicas 26:12 - Dios Iwene

¹² Jobekwö laebobe Dios eju apjudebiya teada̧lakwawa luwedö tjimibiya wȩyukwa'yema. Ja̧danö, apjude teada̧lakwawasasokwenama, tjuluwo̧ iminö ötjabinawö̧. Okobe deinö jobadöma Levisaso jojodö tjö̧jinobe, ja̧danö ju'wedö tjömöledösaso jojodönö tjotidawakwena 'da̧batö tjujuninadanö, jobadönö apjudebiya teada̧lakwawa jojodö batjibanö tjotidawa 'da̧batö tjujuninobe.

1 Crónicas 26:12 ပူးပေါင်းရင်းမြစ်များ

2 Reyes 7:10

Jo̧kwajabetjö̧ a̧la̧ibö, comunidad apjude teada̧lo̧ ö̧jobekwö tji̧'yinobe, ja̧danö jo̧banö jwöbö yötjawinobe, —Siria jojodö tjabekwobe dichibenama, bakwo̧nöbi dedökötö, ja̧danö bakwo̧nöbi da̧ja̧kwökötö. Jo̧kwaijayonö, jojodö deijayonö, kabayudönöbi, buludönöbi jobe di̧batö junawobe döbadekwatö, ja̧danö sabana'wotjö otikwejubiyama, ina jojodö tjuju̧kwobedanö döbadekwatö, —jö̧ba̧lö.

1 Crónicas 25:8

Ja̧danö, jobadö doscientos ochenta y ochobedö lo̧awa otidadönö, veinticuatrosaso jojodö batjibanö 'da̧batö tjujuninobe, bakwasokwena Dios ejutjö lo̧bö tjotidakobetjö̧. Ja̧danö jobadönöbi 'da̧batö tjujunenama, bakweminö edö, inawiya pjei̧ öwiya jabö, jobadönö 'da̧batö tjujuninobe. Jau, ju'wedötjö damöbedönöbi, ina möayedödanöbedönöbi, lo̧awa jawa ba̧ja̧dadönöbi, lo̧awa jawa waisachadönöbi bakweminö edö, inawiya jabö tjedinobe, bakwasokwena tjotidakwa̧ Diosda i̧sȩbakobetjö̧.

1 Crónicas 26:13

Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi inawiya jabö tjedinobe, bakwasokwena dide apjude tjiteada̧lakwojobö jö̧ba̧lö omudawö tjujunakobetjö̧.

1 Crónicas 9:23

Isabenö Jo̧ eju 'yayeju ina tjotidapji, sabana'wotjö otikwejuda ina Dios eju ji̧nayi, jobadö Core itji̧mu tupadanö jojodö ajayinö ji̧nadönöbi, tji̧tji̧mu tupadanö jojodönöbi weawama baikwö laebobe: