1 Crónicas 24:5 - Dios Iwene

⁵ Jobekwö tjotidawakwena omudawö tjujunenama, Dios öba a'otjö inawiya pjei̧ öwiya jabö ja̧tjinobe, Diosda bakwasokwena jojodö tjotidakwa̧ i̧sȩbakobetjö̧. Jobekwö ja̧tjinobe, jojodöda sulabenö bakweminö edökönö, bakwaso jojodönö jeleso jojodönö tjomukwati̧tjö bajalekwönönö ösödö, tjotidawakwena omudawö tjujunapji jö̧ba̧lö. Isabenö Eleazar itji̧mu tupadanö jojodötjöbi, Itamar itji̧mu tupadanö jojodötjöbi ba̧jȩkwadö otiwanö Dios wei̧ otikwa waisanö otidadö, ja̧danö Dios eju jawa otiwanö otidadö tjö̧jinobe, ja̧danö tjotidawakwena otiwanö bakweminö edö 'da̧batö tjujunakobetjö̧, inawiya jabö tjedinobe, Diosda i̧sȩbonö otiwanö 'dabatö tjujunakobetjö̧.

1 Crónicas 24:5 ပူးပေါင်းရင်းမြစ်များ

1 Crónicas 24:31

Ja̧danö, Aaron itji̧mu tupadanö jojodö tjotidawakwena 'da̧batö tjujuninadanö, ju'wedö Levisaso jojodöbi tjotidawakwena 'da̧batö tjujuninobe. Jobadöbi la'aka luwo̧ David öba a'otjöbi, ö'weje pjabatadö Sadocbi, Ahimelecbi tjöba a'otjöbi, ju'wedö ö'weje pjabatadötjö luwedö tjöba a'otjöbi, ju'wedö Levisaso jojodötjö luwedö tjöba a'otjöbi inawiya jabö tjedinobe, tjotidakwa̧kwena Dios i̧sȩbakobetjö̧. Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi jobe ju'wedö tjöba a'otjö inawiya jabö tjedinobe.

1 Crónicas 24:4

Eleazar itji̧mu tupadanö jojodötjö luwedöma, Itamar itji̧mu tupadanö jojodötjö luwedö tjö̧ba̧jekwi̧tjö bajalekwönönö ba̧jȩkwadö tjö̧jinobe, jo̧kwajabetjö̧ Eleazar itji̧mu tupadanö jojodötjö, a̧li̧nösa̧mu jelemutjö bakwaso batjibanö 'da̧batö tjujuninobe, ja̧danö Itamar itji̧mu tupadanö jojodötjö, jelemutjö wapösokwa batjibanö 'da̧batö tjujuninobe.

1 Crónicas 25:8

Ja̧danö, jobadö doscientos ochenta y ochobedö lo̧awa otidadönö, veinticuatrosaso jojodö batjibanö 'da̧batö tjujuninobe, bakwasokwena Dios ejutjö lo̧bö tjotidakobetjö̧. Ja̧danö jobadönöbi 'da̧batö tjujunenama, bakweminö edö, inawiya pjei̧ öwiya jabö, jobadönö 'da̧batö tjujuninobe. Jau, ju'wedötjö damöbedönöbi, ina möayedödanöbedönöbi, lo̧awa jawa ba̧ja̧dadönöbi, lo̧awa jawa waisachadönöbi bakweminö edö, inawiya jabö tjedinobe, bakwasokwena tjotidakwa̧ Diosda i̧sȩbakobetjö̧.

1 Crónicas 26:13

Wainökwena edökönö, bakweminö abönö pöe itji̧mu tupadanö jojodöbi, öjawo̧ itji̧mu tupadanö jojodöbi inawiya jabö tjedinobe, bakwasokwena dide apjude tjiteada̧lakwojobö jö̧ba̧lö omudawö tjujunakobetjö̧.

1 Crónicas 9:11

Azarias mikwo̧bi. Jobadötjö Dios eju la'aka luwo̧ma, Azariasda, ja̧danö Azarias a'dödö tjimibiya wȩyukwa'ye baikwö laebobe: Azariasma Hilcias mikwo̧ itji̧inobe. Ja̧danö Hilciasma Mesulam mikwo̧ itji̧inobe. Ja̧danö Mesulamma Sadoc mikwo̧ itji̧inobe. Ja̧danö Sadocma Meraiot mikwo̧ itji̧inobe. Ja̧danö Meraiotma Ahitob mikwo̧ itji̧inobe.

Proverbios 16:33

Ja̧danö, ju'wibi yötawa: Isabenö Jo̧ma okobe jwiinö baledakwa̧ waiso̧. Jojodöma inawiya ikwawö edadö tjöwaisachibobö, dakwö baledakwa̧jö̧, jö̧ba̧lö. Jo̧kwaijayonö Isabenö Jo̧da baledakwa̧ omukwatö juno̧.

Isaías 43:28

Ja̧danö, jobekwö sulabenö ja̧bö kwö̧jaduwi̧tjö̧, ökwödönö lȩtebocha chömöledö. Chejunö otidadö ö'wejenö pjabatadönö, jo̧kwadabedö batjibanö meatö lotocha, ja̧danö ökwödö Jacob itji̧mu tupadanö jojodönö 'da̧batö lotocha, kwöpöjojodöduwi ökwödönö söbebö lotjobö, ja̧danö ökwödö israel jojodönö obö yötja̧lobö, jö̧ba̧lö yöa̧lobe Diosma, israel jojodönö.

Mateo 26:3

Ikenama, Diostjö jojodötjö ö'weje pjabatadötjö la'aka luwedöbi, jojodötjö damöbi tjoko̧ko̧kwachinobe, ö'weje pjabatadötjö inesö la'aka luwo̧ Caifás mikwo̧ eju otiwejutjö.

Mateo 27:1

Jemi ikenama, ina yȩayi, okobe deinö Diostjö jojodötjö ö'weje pjabatadö la'aka tjuluwedöbi, jojodötjö damöbi ko̧ko̧kwö yötja̧lakwawinobe, Jesúsnö kwabö lotjobö ja̧tjakwa̧ma.

Hechos 1:26

Ikenama José Barsabás, Matías tjimitjö emö tjalewinobe tjöwaisobö, jojodö tjöwaisobö alewö ja̧bajiadanö. Jejenö alewajadö emijadötö Matíasnö, Judas otidinanöma balekwo̧ baibanö. Ja̧danö, jo̧bakwöma Jesús webawedöma a̧li̧nösamutjö du̧ju̧tajanö ju̧kwijadötö.

Hechos 4:1

Ja̧danö, Pedro, Juan, ina jojodönö yötjawonö, Diostjö jojodötjö ö'weje pjabatadöbi, saduceosbi, Dios eju te'ada̧ladö guardia tjuluwo̧bi Pedro, Juan yötjawobekwö 'yi̧jadötö.

Hechos 4:6

Anás, Diostjö jojodötjö ö'weje la'aka pjabato̧bi jobema ji̧jetö. Caifásbi, Juanbi, Alejandrobi, ju'wedö Diostjö jojodötjö ö'weje la'aka pjabato̧tjö tupadanö jojodöbi jobema ji̧jadötö.

Hechos 5:24

Jejenö yötjawi̧ a̧ja̧kwö Dios eju te'ada̧lakwawa jojodö tjuluwo̧bi, ja̧danö, Diostjö jojodötjö ö'weje la'aka pjabatadöbi, ¿dakwö baledaja̧jö? ¿dakwö ja̧dakwa̧jö? jö̧ba̧lö, omukwatijadötö.

Josué 18:10

Jejenö tjichibiökwe, Josuema jobe Silo comunidadtjö, Isabenö Jo̧ öba a'otjö inawiya jabö edinobe, diso jojodö di̧ya niji tjemakwojobö jö̧ba̧lö Dios i̧sȩbakobetjö̧. Jejenö jobe Silo comunidadtjö Josuema israel jojodötjö bakwasokwena jojodönö tjitebo baibanö weinobe, okobe deinö israel jojodötjö bakwasokwena jojodöma tjitebokwena otiwanö juna̧ladö batjibanö.