Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Crónicas 22:12 - Dios Iwene

12 Inesö chösödi̧ma bi̧ya chitji̧, otiwanö waisanö omukwato̧ bakibanö pjaatobö chösöda, otiwi̧ma suli̧tjö böjö omukwato̧ bakibanö. Jobekwö pjaatobö chösöda, Israel jojodö la'aka tjuluwo̧ bakibanö ujunenama, otiwanö kwösödökwe Isabenö Jo̧ Dios wei̧ a̧ja̧kwö kwö̧jakobetjö̧.

အခန်းကိုကြည့်ပါ။ ကော်ပီ




1 Crónicas 22:12
12 ပူးပေါင်းရင်းမြစ်များ  

Kwuluwo̧ Isabenö Jo̧ Dios ökwönö wei̧ma, a̧ja̧kwö kwö̧jo. Otiwanö Dios ö̧ba̧ja̧di̧ jawa a̧ja̧kwö kwö̧jo chitji̧, Dios ökwödö israel jojodönö wei̧ma, ja̧bö dö̧jobö wei̧bi, ju'wi wei̧bi Moisesmine damötjö̧ i̧wȩyudinobe, jadanö ja̧ wȩyukwa'ye laebi̧danö ja̧bö kwö̧jo. Jejenö ja̧bö kwö̧jitjö̧ma, isabenö waekwökönö, okobe jwiinö otidö kwö̧ji̧ma otiwanö kwö̧jakwo̧ja, okobe jwiinö ja̧köbobö kwisakwi̧ma, waekwökönö isabenö otiwanö ja̧köbakwo̧ja.


Ja̧danö, ju'wibi yötawa: Ö'wiyawakwawönö omukwato̧ma jweinö 'ya̧kwawa di̧yajö jö̧ba̧lö, jelobekwö 'ya̧kwawa di̧yajö̧ jö̧ba̧lö waiso̧, jweinöda i̧'yakobetjö̧. Jobekwö i̧'yokobe jweinö omukwatö̧kö̧ma. Jo̧bama chi̧'yoböma chöwaisa, jö̧ba̧lö yöa̧lijayonö wajwibo̧. Itedada omöna yöba̧lo̧ chi̧'yakwa̧ma chöwaisa, jö̧ba̧lö. Jobekwö yöa̧lijayonö wajwiobetjö̧ jelobekwöda 'yo̧.


Isabenö teada̧lönö yötawi̧ jawa a̧ja̧kwö kwö̧jaduwobö jo̧be chömöledö, suli̧ jawa öpöjödö, waisanö otiwi̧ jawada do̧balö̧ kwö̧jaduwi̧ wene öwawakobetjö̧. Jau chömöledö, otiwanö Dios wei̧ ökwödönö yötawi̧ jawa a̧ja̧kwö kwö̧jaduwitjö̧ma, ju'wedö tjitebokwena jojodöma Dios wei̧ a̧ja̧kwö kwö̧jaduwi̧ma tja̧ja̧kwakwedö. Ja̧danö, a̧ja̧kwö, ökwödönö yötja̧lakwedö, –Israel jojodöma isabenö waisanö omukwatadötjobetjö̧, Dios wei̧ otiwanö a̧ja̧kwadö, –jö̧ba̧lö.


Jo̧kwaijayonö chö̧ja̧wo̧dö, ökwödötjö bakwo̧, wene baledena ¿dakwö chö̧jobö jo̧bejö? jö̧ba̧lö wajwiköbitjö̧ma Diosnö akebobö jo̧be, Dios ösödi̧danö jwaikwö kwi̧'yi̧ kwöwaisobö. Isabenö chö̧ja̧wo̧dö, Diosma okobe deinö jo̧banö abebadönö, Pjatato, jö̧ba̧lö, ösödö pjabato̧. Ja̧danö, Diosma jo̧banö abebo̧nö la'akatjöda jö̧ba̧lö̧kö̧, Sulabo̧ja. Pjatatökö, jö̧ba̧lö. Jo̧kwaobetjö̧ chö̧ja̧wo̧dö, wene baledena jwaikwöda kwi̧'yaduwobö wajwiköbaduwitjö̧ma Diosnö akebaduwobö jo̧be, ökwödönö pjaatobö. Jo̧kwaijayonö akebaduwena Diosnö kwo̧'wo̧duwi wana̧lö akebaduwobö jo̧be, Diosma isabenö pjabato̧, jö̧ba̧lö. Jejenö Diosnö kwo̧'wo̧duwi wana̧lö akebaduwiökwe Diosma ökwödönö pjabato̧. Chö̧ja̧wo̧dö, Diosma pjabatö̧kö̧ jo̧banö o̧'wo̧ wana̧lökönö abebo̧nö, Diosma pjaatenawe, pjaatökena, jö̧ba̧lö, dötölatajanö omukwato̧nöma. Wanedö yötawaduwakwö, Diosnö o̧'wo̧ wana̧lökönö jo̧nö wanedöma: Jo̧bama ojwe balawa loi̧danö jo̧, jwa̧lȩ'epjo dobibajö ojwe nöinö balawa loi̧danö. Jo̧bama jelobekwö, jelobekwö 'yo̧, jwaikwöda 'yö̧könö.


Chö̧ja̧wo̧dö ¿dakwö ja̧nö di̧sekwobeda döwaisobö, Isabenö ökwödöma Diosnö waisadösa, jo̧bakwö dötewinö 'ya̧jadösa, jö̧ba̧lö? Biya̧ chö̧ja̧wo̧dö: Dios wei̧ a̧ja̧kwö dö̧jobö jo̧be. Jejenö, jo̧ba wei̧ a̧ja̧kwö dö̧jena döwaisa, Isabenö ökwödöma Diosnö waisadösa, jö̧ba̧lö.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ