1 Crónicas 20:4 - Dios Iwene

⁴ Ja̧danö, jemi tupakwö yemidanö filisteo jojodökwö tjölakwabikwawinobe, Gezer comunidadtjö. Ja̧danö jobetjö David ömöayo̧ jusatita jojo Sibecay mikwo̧ma, inesö ödöbaedö tjitjimu tupadanö jojo Saf mikwo̧nö kwabö loinobe. Ja̧danö, jobekwö Filisteo jojodö Gezer comunidadnö ju̧kwadönö tjujuluwinobe.

1 Crónicas 20:4 ပူးပေါင်းရင်းမြစ်များ

Génesis 14:5

Ja̧danö, la'aka luwo̧ Quedolaomer, ju'wedö wamedukwa la'aka luwedökwö, ja̧danö tjömöayedö guardia jojodökwö jobe Sidim niji ba̧ba̧lena tji̧'yakwa̧ abönöma ju'wedönö, ju'wedönöbi ölakwabikwawö tjujuluwotö jö̧ba̧lö 'yi̧jadötö. Ba̧jekwadönö juluwijadötö, bidö: refaitas jojodönö, Astarot-Karnaimnö ju̧kwadönöma, ja̧danö, zuzitas jojodönö, Hamnö ju̧kwadönöma, ja̧danö, emita jojodönö, Save-quiriataimnö ju̧kwadönöma. Jobadönö ölakwabikwawö juluwijadötö.

2 Samuel 21:15

Ja̧danö ju'wi möle yemidanö ölakwabikwawa ji̧nobe, israel jojodökwö, filisteo jojodökwö, ja̧danö Davidma ömöayedö ölakwabikwawa jojodökwö filisteo jojodö tjö̧jobekwö i̧'yinobe, tjölakwabikwawobö. Ja̧danö, tjölakwabikwawonö, Davidma jwiinö ime'dawachibinobe, ujuluwökenanö.

2 Samuel 21:16

Jejenö ime'dawachibiökwe, filisteo jojodötjö bakwo̧, inesö ödöbaedö tjitjimu tupadanö jojo Isbibenob mikwo̧ma, Davidnö kwabö loo jö̧a̧linobe. Jo̧bama isabenö nöbo̧, ja̧danö otokwöte kweatötema broncetjö otikwöte wapötakwa kilo bajalekwönönö ömököte kweatinobe.

1 Crónicas 11:29

Jusatita jojo Sibecai mikwo̧bi. Ajojita jojo Ilay mikwo̧bi.

1 Crónicas 14:16

Weökwe, Dios weaja̧danö ja̧inobe Davidma, ja̧danö Gabaontjö, Guezerbe ichibenanö kabatö ba̧jȩkwadö filisteo jojodötjö ölakwabikwawadönö kwabawö loinobe.

1 Crónicas 27:11

Ikena jawo̧ la'aka luwo̧ma, Husa comunidad jojo Zera itji̧ tupadanö jojo Sibecai mikwo̧. Ja̧ jawo̧ jo̧ba ömöayedö veinticuatro milbedö teada̧lö tjö̧jinobe.

Josué 12:12

Eglón comunidad la'aka luwo̧nöbi, Guézer comunidad la'aka luwo̧nöbi,

Josué 16:3

Ja̧danö jobetjö, jawo̧ meajobekwö bajalenö jafletitas jojodö tjitebobe ichibanö, mösa'o la'aka Bet Joron comunidadbe ichibanö, ja̧danö jobetjö Guezer comunidadbe ichibanö, ja̧danö jobetjö jwaibalawa Mediterreano ichibanö dötewobe bakwachobema.