1 Crónicas 2:13 - Dios Iwene

¹³ Ja̧danö Isai itji̧mu ömadöma bidö: Abönö pöema, Eliab mikwo̧, ikena jojo Abinadab mikwo̧, ikena jojo Simea mikwo̧,

1 Crónicas 2:13 ပူးပေါင်းရင်းမြစ်များ

2 Samuel 13:3

Ja̧danö, Amnon ömöledötjö bakwo̧ ö̧jinobe, Jonadab mikwo̧. Jo̧ba Jonadabma, David öpöe Sima mikwo̧ itji̧, ja̧danö jwiinö waisina Jonadabma, iteda ösödi̧ jawa badekwachinö ja̧i̧ma.

2 Samuel 2:32

Ja̧danö, Asael iteba'o e'ewö, Belenbe tje'ewinobe, ja̧danö jobetjö inawa ötölanö tjödinobe, Asael abe'dominenö tjödinölanö. Ja̧danö, lödajadö, yö̧te baledibanö, Hebronbe kwebachö tjȩwa̧jinobe, ja̧danö dewachena jenanö, Hebronbe tjichibinobe.

1 Crónicas 2:12

Ja̧danö Boozma Obed mikwo̧ abe'doinobe. Ja̧danö Obedma Isai mikwo̧ abe'doinobe.

1 Crónicas 2:14

ikena jojo Natanael mikwo̧, ikena jojo Radai mikwo̧,

1 Crónicas 20:7

Jo̧bama israel jojodönö obö, juluwöködöja jö̧ba̧lö obö yöa̧linobe, ja̧danö jejenö oiökwe, David öpöe Sima itji̧ Jonatan mikwo̧ma, jo̧banö kwabö loinobe.

1 Crónicas 27:18

Judasaso David öpöe Eliu Isacarsaso Micael itji̧ Omri

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 17:13

Ja̧danö, Saul filisteo jojodönö ölakwabikwawobö i̧'yenama, Isai i̧tji̧mu abönö damö wamedukwa Saulkwö tji̧'yinobe, bidö: Abönö pöe Eliab mikwo̧bi, ikena jojo Abinadab mikwo̧bi, ikena jojo Sama mikwo̧bi.

1 Samuel 17:28

David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.