1 Crónicas 2:12 - Dios Iwene

¹² Ja̧danö Boozma Obed mikwo̧ abe'doinobe. Ja̧danö Obedma Isai mikwo̧ abe'doinobe.

1 Crónicas 2:12 ပူးပေါင်းရင်းမြစ်များ

1 Crónicas 2:11

Ja̧danö Naasonma Salmon mikwo̧ abe'doinobe. Ja̧danö Salmonma Booz mikwo̧ abe'doinobe.

1 Crónicas 2:13

Ja̧danö Isai itji̧mu ömadöma bidö: Abönö pöema, Eliab mikwo̧, ikena jojo Abinadab mikwo̧, ikena jojo Simea mikwo̧,

Isaías 11:1

Isabenö Dios lȩebakwawö̧ israel jojodönö, ja̧danö wanedö yötawa, David abe'do Isai itji̧mu tupadanö jojodö tjö̧ji̧danö wanekwachowi towi jubö loakobe, sule towi la'akada ji̧binö. Jo̧kwaijayonö, jemi ikenama, ja̧ Isainö wanekwachowi towi la'akatjö, yayinö pokwö laebakobe, ja̧danö pokwaja̧ ikenama, yemidanö otiwanö wa̧ja̧kobe.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Mateo 1:5

Salmónma Rajab mikwuju jitji̧ Booz mikwo̧ abe'doinobe, ja̧danö Boozma Rut mikwuju jitji̧ Obed mikwo̧ abe'doinobe. Obedma Isaí mikwo̧ abe'doinobe,

Lucas 3:32

ja̧danö Davidma Isaí itji̧inobe, ja̧danö Isaíma Obed itji̧inobe, ja̧danö Obedma Booz itji̧inobe, ja̧danö Boozma Salmón itji̧inobe, ja̧danö Salmónma Naasón itji̧inobe,

Hechos 13:22

Ikenama ju'wi möle, Diosma kabatibijetö Saúlnöma, balekwo̧nö 'da̧batö junö, David mikwo̧nö. Ja̧danö, Diosma Davidnö ösödö jö̧ba̧lijetö: Bite David, Jesé itji̧ma, ötjö chösödinö omukwatö jo̧. Ötjö chösödi̧danö okobe jwiinö ja̧bö jo̧, jö̧ba̧lö laebobe Dios iwenetjö, Dios Davidminenö yöa̧lina— yöbawijetö Pabloma.

Romanos 15:12

Ja̧danö Dios iwene wȩyudina Isaíasma baikwö iwȩyudinobe Jesús judío jojodöböködönö pjaatakwa̧ma: Jesé itji̧ tupadanö jojoma ichakobe, ja̧danö jo̧bama webö yöawakobe judío jojodöböködönöma, tjuluwo̧ baibanö. Ja̧danö, jo̧banö tjösödakwedö judío jojodöböködöma, Bitema ökwödönö pjaatakwo̧, jö̧ba̧lö laebobe Dios iwenema. Jau chömöledö, Jesúsma judío jojodönöbi, judío jojodöböködönöbi ösödö pjaatinobe, jo̧kwajabetjö̧ ökwödöbi kwömöledöduwi Jesúsnö ösödadönö kwösödaduwo, öpöjödökönö.

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.