1 Crónicas 2:1 - Dios Iwene

¹ Israel mikwo̧ itji̧mu ömadöma bidö: Ruben mikwo̧bi, Simeon mikwo̧bi, Levi mikwo̧bi, Juda mikwo̧bi, Isacar mikwo̧bi, Zabulon mikwo̧bi,

1 Crónicas 2:1 ပူးပေါင်းရင်းမြစ်များ

Génesis 32:28

Ikenama öwawachajo̧ma jö̧ba̧lijetö: —Babema kwimi balewö lota. Jacob kwimikwökakobe, babema Israel, jö̧ba̧lö, mikwo̧ja, Diosnöbi, jojodönöbi ölakwabikwawö kwujuluwajabetjö̧. Ja̧danö, ökwöma Diosnöbi, jojodönöbi ölabikwawö kwujuluwajabetjö̧ Israel, jö̧ba̧lö mikwo̧ja babema— jö̧ba̧lijetö.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 49:2

Jao chi̧tji̧mu, ko̧ko̧kwibö ja̧duwi ötjö Israel, kwabe'doduwi yötawi̧ kwa̧ja̧kwaduwo— webijetö Jacobma i̧tji̧munö ömadönöma.

1 Crónicas 1:54

Magdiel mikwo̧bi, Iram mikwo̧bi. Jobekwö laebobe Edom niji sasokwena luwedö tjimibiyama.

1 Crónicas 2:2

Dan mikwo̧bi, Jose mikwo̧bi, Benjamin mikwo̧bi, Neftali mikwo̧bi, Gad mikwo̧bi, Aser mikwo̧bi.

1 Crónicas 5:1

Israel itji̧ abönö pöema, Ruben mikwo̧. Ja̧danö, itji̧ abönö pöe ö̧jinobetjö̧, Israel itji̧mu tupadanö jojodö tjimibiya wȩyukwa'yenö, jo̧ba imida abönö laebo jö̧a̧linobe. Jo̧kwaijayonö, Rubenma sulabenö iteda abe'do ilekwokwö ö̧jinobe, taba lö̧ji̧ saminö, jo̧kwajabetjö̧ abönö pöe emo jö̧a̧linama, iteda öjawo̧ Jose itji̧munö baledinobe. Jo̧kwajabetjö̧, Rubenda abönö pöe ö̧jinajayonö, jo̧ba imi abönö laebokobe, Israel itji̧mu tupadanö jojodö tjimibiya wȩyukwa'yenö.

Mateo 1:3

Judáma Tamar mikwuju ji̧tji̧mu Fares mikwo̧bi, Zara mikwo̧bi tjabe'doinobe, ja̧danö Faresma Esrom mikwo̧ abe'doinobe, ja̧danö Jezrónma Aram mikwo̧ abe'doinobe.