1 Crónicas 18:4 - Dios Iwene

⁴ Ölakwabikwawö, itea kolukiya mil ökiya 'döebinobe, ja̧danö ömöayedötjö kabayudönö wajadönö siete milbedönö do̧atinobe, ja̧danö ju'wedö ölakwabikwawa jojodönö veinte milbedönö do̧atinobe. Juluwajo̧, tja̧jwi̧mu ka̧bayudö tji̧se'bo ja'önö 'witjebinobe, otiwanö ö'öbakwawöködö batjibanö, tjajwimutjö sule cien kolukiya töbadönöda 'witjebinokobe.

1 Crónicas 18:4 ပူးပေါင်းရင်းမြစ်များ

Génesis 49:6

Ja̧danö, ko̧ko̧kwö ba̧nö yöka̧lakwawaduwobe ju'wedönö kwabö lököbaduwakwa̧ma. Isabenö yöta̧la: Ökwödökwö ba̧nöma yöta̧lökö. ¡Yelösöda labidöja! Labidököbaduwobetjö̧ ju'wedönö bulabinö loköbinaduwobe. Ja̧danö, sulabenö obö pa̧ka̧yönö dȩdȩköbinaduwobe tji̧se'bijunö, kwetjachökönö ji̧nö. ¡Sulabenö omukwatadöja!— yöbawijetö Jacobma i̧tji̧mu Simeónnö, Levínö.

2 Samuel 8:4

Ölakwabikwawö, ömöayedötjö kabayudönö wajadönö mil sietecientobedönö do̧atinobe, ja̧danö ju'wedö ölakwabikwawa jojodönö veinte milbedönö do̧atinobe. Juluwajo̧, tja̧jwi̧mu ka̧bayudö tji̧se'bo ja'önö 'witjebinobe, otiwanö ö'öbakwawöködö batjibanö, tjajwimutjö sule cien kolukiya töbadönöda 'witjebinokobe.

1 Reyes 10:26

Ja̧danö, ju'wibi eminobe Salomonma: Nöinö ölakwabikwawa kolukiyabi, ba̧jȩkwadö kabayudönöbi eminobe. Kolukiyama, mil cuatrocientos jenanö eminobe, jadanö kabayudönö doce milbedönö eminobe, ja̧danö emajo̧, iteda ö̧jemi Jerusalennöbi, ju'wi 'da̧batö ujunaja̧ comunidadnöbi ujuninobe.

1 Reyes 4:2

ja̧danö jo̧ba ömöayedötjö la'aka luwedöma, bidö: Sadoc itji̧ Azarias mikwo̧ma, Diostjö jojodötjö ö'weje pjabato̧ ö̧jinobe.

1 Crónicas 18:3

Ja̧danö ju'wibi, Davidma Rejob itji̧, Soba niji la'aka luwo̧ Hadad Ezer mikwo̧nö ujuluwinobe Hamat nijitjö. Jo̧ba Hadad Ezerma, Eufrates mikwödö ö'öbö niji yemidanö ujuluwobö i̧'yinobe, ja̧danö i̧'yiökwe, Davidma jo̧bakwö ölakwabikwawö ujuluwinobe.

1 Crónicas 18:5

Ja̧danö, Hadad Ezerkwö ölakwabikwawiawö̧, Siria niji ölakwabikwawadöma Damasco comunidadtjö latjebinobe, Hadad Ezernö pjatjatobö. Jo̧kwaijayonö, jejenö tjichiökwe, jobadönöbi ujuluwinobe Davidma, ja̧danö jobadötjö veintidos milbedönö kwabawö loinobe.

Deuteronomio 17:16

—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.

Josué 11:6

Jejenö tjo̧ko̧kwiökwe, Josuema israel ölakwabikwawa jojodönö öbibö i̧'yinobe Merom ojwese'dobe. Ja̧danö, tjichibakwa̧ abönö, Isabenö Jo̧ma Josuenö yöawinobe, —Idö ko̧ko̧kwadönö yekabobö jwiobe Josue, isabenö jobadönö kwujuluwobö chiyakobetjö̧. Jau Josue, isabenö israel jojodö jobadönö kwabö lotjobö chiyocha, itekwayi, babedajayena baibakwa̧ abönö, ida̧ökö okobe deinö jobadönö kwabö loköbaduwakwedöja. Ikenama, jejenö jobadönö juluwajadö, tja̧jwi̧mu ka̧bayudö tji̧se'bo ja'önö 'wikebaduwo, kabayudöma otiwanö ö'öbakwawöködö batjibanö, ja̧danö kolukiyama juwö loköbaduwo, —jö̧ba̧lö yöa̧linobe Isabenö Jo̧ma Josuenö. Ikenama Josuema ömöayedö ölakwabikwawa jojodökwö ichibö meibinobe Meromtjö ko̧ko̧kwajadönö. Tjichibaja̧ wajwitjonö, juluwanö metjibinobe,

Josué 11:9

Ikenama, jobadönö juluwajo̧, Isabenö Jo̧ weinadanö ja̧inobe Josuema, tja̧jwi̧mubajadö kabayudö tji̧se'bo ja'önö 'witjebobö weinobe, otiwanö ö'öbakwawöködö batjibanö, ja̧danö kolukiyama juwö lotjobö weinobe.