1 Crónicas 17:22 - Dios Iwene

²² Ja̧danö ökwödö israel jojodönö 'da̧batö kwujunijatö, ba̧kwelöjatebö 'dö̧bibajökönö kwömöledö dö̧jobö. Ja̧danö ökwö Isabenö Jo̧da, ökwödö israel jojodö dösödökwe Dios bakibijatö chuluwo̧.

1 Crónicas 17:22 ပူးပေါင်းရင်းမြစ်များ

Génesis 17:7

Abraham, ökwönö yöbawö chujuni̧danö isabenö badekwachakobe. Ja̧danö, bakwelöjatebö ja̧kobe, ökwötjö tupadanö jojodönöbi yöbawö chujunobetjö̧. Abraham, ötjöma ökwö Kwuluwo̧ Diossa. Ja̧danö, ökwötjö tupadanö jojodöbi Tjuluwo̧ Dioschakwo̧sa.

2 Samuel 7:24

Ja̧danö ökwödö israel jojodönö 'da̧batö kwujunijatö, ba̧kwelöjatebö 'dö̧bibajökönö kwömöledö dö̧jobö. Ja̧danö ökwö Isabenö Jo̧da, ökwödö israel jojodö dösödökwe Dios bakibijatö chuluwo̧.

1 Reyes 10:9

Isabenö kwösödökwe Isabenö Jo̧ Diosnö dösödobö jo̧be, otiwanö ökwönö ösödö, israel jojodö la'aka tjuluwo̧ bakibanö kwöbamatobö ujuninobetjö̧. Jau Salomon, ba̧kwelöjatebö jwaikwöda israel jojodönö ile nibebö jo̧ Isabenö Jo̧ma, ja̧danö israel jojodönö ile niebobetjö̧, ökwönö 'da̧batö ujuninobe, israel jojodötjö inesö la'aka luwo̧ ja̧nö, jweinö otiwanö lȩekwa yökawakobetjö̧, —jö̧ba̧lö yöja̧linobe Saba niji la'aka luwujuma.

1 Crónicas 17:21

Ja̧danö ökwö kwömöledö israel jojodöjayedöbi deobe bö̧jetjöma. Okobe deinö tjitebokwena jojodötjö, ökwö omudawö kwujuninawö̧ma, sule israel jojodöda. Jau chuluwo̧ Dios, bö̧jȩ ba̧kwemeachibanö ju̧kwadö usula tjemawijayonö, sule israel jojodöda usula emawö dö̧jiökwe, dö̧jobekwö 'ya̧nö, usula demawi̧tjö̧ ladebinö kwemijatö ja̧danö inesö juluwo̧ kwö̧ji̧ wene i̧sȩbö, ökwödönö otiwanö pjakatijatö, Diosma juluwo̧ jö̧ba̧lö tjöwaisachibanö. Jau chuluwo̧, egipto nijitjö kwömöledönö emajo̧, bemi nijinö ju̧kwinadö tjitebokwena jojodönö a'dewö loköbijatö, ökwödö kwömöledö israel jojodöda bemi nijinö dö̧jobö.

1 Crónicas 17:23

Ja̧danö, babe atebakwö Chuluwo̧ Isabenö Jo̧. Isabenö otiwanö ökwödö israel jojodönö pjakatajabe, ja̧danö otiwanö ötjönöbi chi̧tji̧mu tupadanö jojodönöbi pjakatakwa̧ wene yökawajabe. Jejenö yöbawö kwujunaja̧danö ba̧kwelöjatebö badekwachinö pjakatobö atebakwö chuluwo̧, chi̧tji̧mu tupadanö jojodönö yöka̧laja̧danö pjakatobö atebakwö,

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

1 Samuel 12:22

Isabenö Jo̧nö kakatibaduwoko chömöledö, jo̧bama isabenö ökwödönö kabatibö̧kö̧. Jau chömöledö, kwuluwo̧duwi imima Isabenö Jo̧ jö̧ba̧lö mikwo̧, jo̧bada Inesö Isabenö Jo̧obetjö̧. Ja̧danö, iteda ösödi̧danö, ökwödö israel jojodönö omudawö ujuninobe, Isabenö Jo̧ ömöledö bakibaduwanö. Jo̧kwajabetjö̧, ja̧ wene omukwatö, ökwödönö kabatibö̧kö̧ Isabenö Jo̧ma chömöledö, —jö̧ba̧lö yöawinobe Samuelma.