1 Crónicas 17:16 - Dios Iwene

¹⁶ Jejenö yöawiökwe, la'aka luwo̧ Davidma Dios iteapjo eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

1 Crónicas 17:16 ပူးပေါင်းရင်းမြစ်များ

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

2 Samuel 7:18

Jejenö yöawiökwe, la'aka luwo̧ Davidma Dios eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

2 Reyes 19:14

Asiria luwo̧ i̧wȩyudinöja e'ewö tjiyinobe Ezequiasnö, ja̧danö tjiyökwe, emö yöa̧linobe Ezequiasma. Ikenama yöba̧lajo̧, kwiyalusöja e'ewö i̧'yinobe Isabenö Jo̧ ejube, ja̧danö ichibajo̧, Isabenö Jo̧ öba a'otjö kwiyalusöja sedatö i̧sȩbinobe.

1 Crónicas 17:15

Ja̧danö, jejenö i̧'wididanö yöawajökwe, Natanma okobe jwiinö yöawaja̧danö yöawinobe Davidnö.

1 Crónicas 17:17

Jo̧kwaijayonö, ida̧ökö nöinö pjakatajayonö, –Ja'yubeda pjatatajabe, –jö̧ba̧lö, tupakwö nöinö pjakatakwa̧ wene yökawajabe. Jau Chuluwo̧ Dios, ötjönö pjakataja̧tjö̧ bajalekwönönö, ina tupakwö lekwe möle ötjö kwömöayo̧ chi̧tji̧mu tupadanö jojodönöbi pjakatakwa̧ wene yökawajabe Chuluwo̧. Isabenö otiwanö pjabato̧ja ötjönö chuluwo̧, bö̧jȩ jojodötjö inesö mikwawo̧ chö̧ji̧danö otiwanö pjakatajabe chuluwo̧ Isabenö Jo̧ Dios.

1 Crónicas 29:14

Jo̧kwaijayonö, jobekwö ökwönö ösödö yöda̧lijayonö, ökwönö diyobö jö̧da̧lidanö diyoböma jwibadösa chuluwo̧. Jau chuluwo̧, okobe jwiinö dujuna̧li̧ma, ökwö kwiyina jawada juna̧ladösa chuluwo̧, jo̧kwajabetjö̧ ökwönö diyi̧ma, ökwödöda jawamaökö chuluwo̧, ökwö kwiyina jawada tjebatö diyobö jo̧be.

Hechos 26:22

Jo̧kwaijayonö Dios kabatökönö pjaatobe ötjönöma, belöbi, babebi. Ja̧danö, pjaatijatö babe mölema ichibö yötawobö ökwödö kwöbaduwi a'otjö ja̧nö, ökwödö la'aka luwedönöbi, jo̧kwadabedönöbi. Ötjö yötawi̧ma Moisés iwȩyudinadanö, ju'wedö Dios yöawi̧ yöbawinadö tjiwȩyudinadanö bakwainö yötawa chuluwo̧, ju'winö badekwachakwa̧ ajayinö tjiwȩyudinadanö.

2 Corintios 1:10

Ja̧danö, Diosma isabenö labi̧ jawatjö, debö di̧'yo jö̧da̧linatjö dö̧jibinö pjaatinobe. Ja̧danö jemi tupakwöbi dö̧jibinö pjaatakwo̧, chömöledö. Jau chömöledö, Diosnö do̧'wo̧ wana̧ladösa, isabenö tupakwö ökwödönö pjaatakwo̧ jö̧ba̧lö, ja̧danö ökwödö Corintio jojodönö ateba, ökwödöbi pjabatö Diosnö akebaduwobö, jejenö pjaatobö. Jejenö akebaduwiökwe Diosma isabenö tupakwöbi pjaatakobe chömöledö, ba̧jekwadö ökwödönö pjaataja̧ omukwatö, Diosnö tjösödakobetjö̧, otiwanö pjabato̧ja jö̧ba̧lö.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Jueces 6:15

Weökwe, Gedeonma atadinobe, —Ötjöma luwo̧bö̧kö̧sa, israel jojodö tjö̧jibanö pjatatobö. Okobe deinö Manasesessaso jojodötjö, baikwönönösasobedösa, ökwödö chabe'dö ömöledöma, ja̧danö okobe deinö chömöledötjö baikwönönöbo̧sa ötjöma, luwo̧bö̧kö̧sa, —jö̧ba̧lö.

1 Samuel 7:12

Ikenama Samuelma inawa nöawa emö, Mizpa comunidadbi Sen comunidadbi 'da̧de ödinobe, ja̧danö lödajo̧ jawa Ebenezer jö̧ba̧lö imidinobe, —Ba̧kwelöjatebö pjabataiadanö babebi pjaatajabe Isabenö Jo̧ma, —jö̧ba̧lö.

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.