1 Crónicas 17:12 - Dios Iwene

¹² Jo̧bada cheju otidakwo̧ma, ötjö Isabenö Jo̧ cheju baibanöma. Ja̧danö jo̧ba itji̧mu tupadanö jojodötjö chujunocha, ba̧kwelöjatebö israel jojodö la'aka tjuluwedö tjö̧jobö.

1 Crónicas 17:12 ပူးပေါင်းရင်းမြစ်များ

1 Reyes 5:5

Ja̧danö, wene jwiinö chö̧jobetjö̧, babeda Dios eju chotidobö chomukwata, chuluwo̧ Isabenö Jo̧ Diosnö otiwanö omukwatö, jobetjö jo̧banö dösödakobetjö̧. Jau chömöledöso̧, damötjö Isabenö Jo̧ma chabe'donö yöawinobe, –Ökwö la'aka luwo̧ kwö̧bemi kwiteakanö, ökwöda kwitji̧nö kabebö chujunocha, ökwö kwö̧binemi jobada israel jojodö la'aka tjuluwo̧ ö̧bakobetjö̧. Ja̧danö, jo̧ba kwitji̧da cheju otidakwo̧ma, ötjönö otiwanö omukwatö, jobetjö ötjönö tjösödakobetjö̧, –jö̧ba̧lö yöawinobe. Ja̧danö, ja̧ yöawina badekwachinö, babe chitebo comunidad Jerusalentjö chotidobö chomukwata.

1 Reyes 8:19

Jo̧kwaijayonö, jejenö kwotidobö kwomukwati̧ otiwijayonö, cheju kwotidökakwo̧ja ökwöma, ökwö kwitji̧da otidakwo̧ma. Jau David, ökwö a̧dekwanö kwi̧tji̧da cheju baibanö o̧do otidakwo̧ma, jojodö ötjö Isabenö Jo̧nö otiwanö omukwatö tjösödakobetjö̧, –jö̧ba̧lö yöawinobe chabe'donö.

1 Crónicas 17:11

Jau David, pöe babibajo̧, kwa'dödökwö bakibanö ö'wö bakibakwo̧ja, jo̧kwaijayonö ökwöda a̧dekwanö kwitji̧mutjö bakwo̧nö chujunocha, israel jojodö inesö la'aka tjuluwo̧ baibanö, ja̧danö otiwanö ujuluwachibanö pjatatocha wene jwiinö la'aka luwo̧ ö̧jobö.

1 Crónicas 17:13

Jo̧ba kwitji̧ma, ötjö chitji̧ ö̧jakobe, ja̧danö jo̧ba abe'do chö̧jakwo̧sa. Ja̧danö, la'akatjöda le'dedö lötökakwo̧ kwitji̧nöma, damötjö ökwötjö ajayinö ji̧na Saulminenö le'dedö lotinadanöma, ba̧kwelöjatebö jo̧banö ile nibebö chö̧jakwo̧sa.

Isaías 9:7

Isabenö inesö la'aka duluwo̧ ö̧jakwo̧ jo̧ba jitji̧ma, ajayitjö bajalekwönönö, ujulu nöamachibanö ba̧kwelöjatebö 'dö̧bibajökönö webö ö̧jakwo̧. Ja̧danö webö ö̧jobetjö̧ 'dö̧bibajökönö ba̧kwelöjatebö wene jwiinö dö̧jakwedösa. Jo̧bama Davidmine iteaka inesö la'aka luwo̧ ö̧binakanö öbamatakwo̧, jadanö David webö ö̧jinemi webö ö̧jakwo̧. Jau, David webö ö̧jinemima yemidanö ditebo baibanö 'diinö 'dö̧bibajökönö ujunakobe, la'akatjöda 'dö̧ibajökö ditebo baibanö, ja̧danö babe jamatö, ba̧kwelöjatebö 'dö̧ibajökönö baibanö, jweinö jwebebö, Dios wei̧danö webö ö̧jakwo̧. Jau, ökwö Okobe Jwiinö Juluwo̧ Isabenö Jo̧ Diosma jobekwö ö̧jobö kwösödobetjö̧, jobekwö baledakobe, jo̧kwajabetjö̧ kwömöledö israel jojodöma kwöba a'otjö tjo̧'wo ösöwachibanö tju̧ju̧kwobe, jö̧balö yöta̧la, tupakwö otiwanö tjö̧jakwa̧ jawama.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

1 Corintios 15:25

Jau chömöledö, Cristoda la'aka luwo̧ ö̧jobö jo̧be, okobe deinö jo̧ba öpöjojodö jo̧ba ömasapiya teebenö tjö̧jenanö kabatö, Jo̧bada la'aka luwo̧ jö̧ba̧lö.

Colosenses 2:9

Jau chömöledö, jelobetjö Dios jawa kwisakwaduwoböma jwiobe, jojo babibina Cristoma okobe jwiinö Dios jawa ujuna̧lobetjö̧.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.